سرگال:داعش بُرز آسیا آپا مزن ایں خطر

اقوام متحدہ ائے یک نی ایں رپورٹ آ گوشتی آ شزا کہ دھشت گرد تنظیم اسلامک استیت آئی ایس او آنہی آژ جڑسی ایں دیگر دھشت گرد تنظیم ہمینگا کہ آئی ایس آئی ایل،خراسان،طالبان ،تحریک طالبان پاکستان ،جماعت الدعوی ،جماعتالحرار ،لشکر طیبہ  آگو نہ چھڑوئی آ افغانستان او برز آسیا آ آنہی ائے دیگر ہمسائیگ ملک بلکہ مچھیں جہان ائے امن او سلامتی آ باز خطر لاحق ایں ۔اے مچھیں تنظیم عالمی براسی ائے زور او کاروائی آنی باوجوت مراشی دی نہ چھڑوئی آ سرگرم آں بلکہ آنہاں نی حوصلہ دی باز بلند آں ۔آنہاں نی نیمگا عراق او شام آژ گتؤ کریمن ،افغانستان او پاکستان تک مستحکم بستگی قائیم ایں ۔ آنہاں نی عمل آنژ دمغ ائے چنتی ملک تباہ بیسغاں ہمیں تباہ کاری ایں کہ جکھغ ائے نام نہ گرغیں ،ھچھ دی دھشت گرد شر ایں او ڈھلا نوی بلکہ دھشت گرد وا ھچھ دی رنگ و نسل و ملت آژ بستگی ایر کھنت آں دھشت گرد ہی بی ،ھند سرا آژ ہمیں اصلیت ائے وٹاژ جہان ائے دھیان دیائینغ ائے کوشست کھنغیں مگہ نوہ یازد آژ سرا دی دی ہمیں خطر ائے وٹا دھیان نہ داسی آ شزغئے سا۔اے یک تلخ اصلیت ایں کہ مچھیں جہان آ جزغ والا دھشت گردی آ ھچھ نہ ھچھ ملک ائے حمایت ملغیں ،چاہے آں افغانستان آ مجاھد آنی دست رکھیائی ائے مسلہ بی یا گڈا القاعدہ ،دولت اسلامیہ ،داعش ،طالبان ،تحریک طالبان،پاکستان ،جماعت الاحرار یا جماعت الدعوہ ائے مسلہ بی،اشانژ ہر کھسے آر ھچھ نہ ھچھ ملک او ادارہ دست رکھیائی کھنغیں ۔اقوام متحدہ ائے رپورٹ آ ہمیں ٹؤک چکا دی پکر پدھر کھزی آ شزا کہ آئی ایس آئی آ پاکستان ائے تحریک طالبان ائے پھجی آ دست ملائینتھا۔ہڑ دوکین آ ملسؤ آئی ایس آئی ایل ،خراسان،نام ائے یک عسکری تنظیم ٹھائینتھا ہماں کہ افغانستان او پاکستان ائے سیمائی دمغ آنی اندرا وتی عمل جزینغاں ۔ہموزا تکا پاکستان ائے تحریک طالبان او حافظ سعید ائے جماعت الدعوہ ائے تعلق ایں تہ ہمیں دوایں تنظیم آنر پاکستان ائے پؤج او خفیہ ایجنسی آئی ایس آئی ائے دست رکھیائی ائے اصلیت روش اول آژپدھر ایں ۔تحریک طالبان،پاکستان ائے نمائیندگ احسان اللہ احسان ہماں کہ ۲۰۱۲ آ ملالہ یوسف زئی چکا حونی ھلگر او ۲۰۱۴ آ آ پشاور آرمی پبلک سکول ائے شاگرد آنی چکا تیر گواری ائے ڈوہی ایں آنہی آ گوستی ایں ماہ جیل آژ فرار بی اغ آ مدد کھنغ ائے الزام پؤج او آئی ایس آئی چکا جھزی آ رؤغیں۔دوہمی وٹا حافظ سعید آزات بیسؤ مچھیں ملک آ تھرغیں او ھند ائے حلاپ جور ایں لپظ کشانا مارویں۔جہانی براسی ائے باز زور آ پھدا آنہی آ دھشت گرد آنی مالیاتی واہریائی کھنغ ائے ڈوہی منسی آ شزا ۔حافظ سعید ائے حلاپ اے عدالتی کاروائی اصل آ جہان آ پھرامغ والا ایں کاروائی ایں ۔آنہی آژ اے پدھر نوی کہ دھشت گردی ائے حلاپ عالمی مڑائی آ پاکستان مچھیں بھیرا سنجیدہ ایں۔