سرگال:چھیارمی ویست آسیا کانفرنس

ھند ائے خاصیں تھنک ٹینک،منوہر پاریکر انستیتوت فار ڈیفینس سٹڈیز اینڈ اینالسز آ نوخیں دلی آ چھیارمی ویست آسیا کانفرنس ائے انعقاد کھُزا،ہمائی عنوان اسا ،رونشت آسیا آ سیاسی او معاشرتی بدلاؤ،چنوتی،نتیجہ او آؤخیں روش آنی رحجان،ہمیں کانفرنس آ لبنان ائے پیسر ائے سروزیر فواد سینیورا او مصر ائے پیسر ائے ڈن ائے وزیر نبیل فہمی پھجی آ چنتی ھندوستانی بین الاقوامی زانتکار آں بہر گتا او جتا جاگاہی کار آنی چکا وتی ویچار پدھر کھُزیش۔ہمیں دو روشہ کانفرنس آ جاگاہی سلامتی ائے تناظر ،ڈن ائے طاغت آنی کردار،معیشت او رونشت آسیا ائے پھجی آ ھند ائے بستگی ڈؤل ائے عنوان آنی روگا اجلاس منعقد کھُزی آ شزا۔ھند ائے سڑک آنی کار آنی وزیر سبکدوش جنرل وجے کمار سنگھ آ خاصیں گشتانگ کھُزا ہمائی آ گوستی ایں دھایئ آ دمغ آ دیما نشیب او فراز او جاگاہی کار آنر ھند ائے زریعہ داسی ایں اہمیت آ پھیدھارتھی آ شزغئے سا۔انستی تیوت ائے داریکتر جنرل سجان آر چنائے آ وتی گشتانگ آ زور ماکھزؤ گوشتا کہ بروبر بے باوری ائے حالت ائے وجہ آژ دمغ ائے معیشت چکا ردین اثر بیسا۔آنہی آ گوشتا کہ دمغ ائے چنتی ملک آنی پھجی آ ھند آ استریتجک بستگی آر مستحکم کھُزا ہمائی وجہ آژ سلامتی ائے حالت ،سؤداگری او سرمایہ کاری سنگتی آ مضبوطی ملسا۔جتا زانتکار آں گوستی ایں دھائی آ جاگاہی نشیب او فرازچکا روژنائی ماکھُزا او جاگاہی ملک،آنہاں نی سروک او عوام چکا وتی مسلہ آنی حل پھولغ ائے ضرورت چکا زور داسیش۔ہمیں اصلیت چکا دی ویچار کھُزیآ شزا کہ دسمبر ۲۰۱۰ آ تیونس آ عرب شورش آنی بنگیج آ پھدا آژ دمغ ائے سلامتی ائے حالت ردین بیسغئے سا او آنہی سبب آژ جغرافی او سیاسی حالت آنی چکا دی اثر بیسا ۔زانتکار آں ہمیں ٹؤک چکا دی ویچار کھُزا کہ چوش کہ عرب شورش ائے بنگیج آمریت آژ جمہوریت کاری تکا ائے نعرہ آنژ بیسغئے سا مگہ یک دھائی گوزغ آ پھدا دی ملک آنی اکثریت آنر ہمیں مسلہ دیما آں۔خلیجی ملک آنی اندرا جزوخیں عدم استحکام ،گیش بیسغیں ناوشی آ دیستؤ ھند،جاپان،برز کوریا او چین ڈؤل ائے تیل ائے لوٹھائینغ والا ملک آنی آپا توانائی سلامتی ائے مسلہ باز اہمیت ایر کھنت۔سروزیر نریندر مودی ائے ڈن ائے پالیسی ائے روگا خاصیں دیم روی ہمیں دمغ ائے پھجی آ ھند ائے سیال داری ائے استحکام آر اہمیت دئے اغ ایں ۔ھند ائے پالیسی لُک ویسٹ آژ ایکٹ ویسٹ ائے وٹا منتقل بیسا۔ہماں کہ ہمیں دمغ آگو گیش بیسغیں بستگی آژ پدھر بی۔شریک بی اوخ آں ہمیں امیت آ پدھر کھُزا کہ گوستی ایں دھ سال آنی بستگی آژ نوجوان آبادی ائے امیت آنی پیش نیاہ پالیسی آنی تشکیل آ مدد بی۔ھند مچھیں ملک آنی عوام ائے ود او ترقی آپا رونشت آسیا ائے پھجی آ سنگتی جاری ایر کھنت۔