سرگال:ملیشیا ائے سیاسی بحران

گُشاں کہ سیاست آ ھچھ مستقل سنگت یا دُژمن نوی او اے دی سیاست ائے یک جورین اصلیت ایں کہ کھدیں سروکی ائے لنگھڑ ھچھ ملک آ سیاسی یا ھچھ دوہمی ڈؤل ائے بحران ائے بھٹی آ ماکھنت بلی گُشغ نویس بی۔آنہی یک نی ایں مثال برز رودرات آسیا ائے یک ملک ملیشیا آ گندگ آ آتکا ہموزا چند روش سرا ہموزا ائے سروزیر ماثرمحمد آ اچانکی آ استعفی خط داسا ۔حالانکہ ۲۰۱۸ آ ہی یک مضبوط کولیشن سرکار قائیم بیسغئے سا ہمائی آ اصلاح ائے کار باز تیزی آ گو بنا کھزغئے سا۔سرکار تہ باز شر ایں وڑا جزغئے سا مگہ سیاسی  زانتکار آنی ٹؤک منسی آ رؤ تہ واجہ ماثر محمد آ وتی نی ایں اتحادی او پیسر ائے غریف انور ابراہیم آ سروکی آژ دیر ایر کھنغ آپا اے اچانکی گام زڑتھا۔اصل آ نی ایں حکمراں کولیشن ۲۰۱۸ آ قائیم بیسغئے سا ۔ماثر محمد ائے پیسر ائے رفیق کار انور ابراہیم ہماں کہ سرا آنہی ائے کابینہ آ اوار اسا او پھدا آنہی حریف بیسؤ شزغئے سا ،آں دی ۲۰۱۸ آ ٹھعغ والا ایں کولیشن آ اوار بیسغئے سا۔ہمیں سال ہمیں اتحاد آ یونائیتد ملیشیا چکا کم چہ کم شش دہائی تکا  سروکی کھزغئے سا ،پکاتن ھراپن کولیشن آ چنتی ٹلہ اوار اساں ہمائی آ قوم پرست او نسلی چینی ٹلہ دی اوار آں ہماں کپ ملیشیائی معاشرہ ائے جتا دھُر آنی نمائیندگی کھناں ۔۲۰۱۸ آ ہمیں کولیشن آ باز سوب مندی گتغئے سا ۔ماثر محمد سروزیر بیسغئے سا او آنہی آ انور ابراہیم ائے پیپلز جستس پارٹی ائے حمایت دی ملسی آ اسا ۔یک مفاہمت سرکار ائے تشکیل ائے وخت اے بیسغئے سا کہ پیشا ماثر محمد سروزیر بیس مگہ پھدا آں سروکی انور ابراہیم آ دا ،مگہ ۹۴ سال آنی ماثر محمد ائے نیت خراو بیسا او آنہی آ صاف نہ ڈسسا کہ آں کھدیں تکا سروکی سنبھالی ۔دوہمی وٹا انور ابراہیم اےت ٹلہ ائے وٹاژ زور گیش بی اغ بنا بیسا ۔دوہمی وٹا ماثر محمد ائے واجہ ابراہیم چکا الزام جھنغ آپاآں ماثر محمد آ سروکی آژ بے دخل کھنغ ائے منصوبہ کھنغیں ۔الزام او جوابی الزام آنی پس منظر آ بحران گیش بیسا او گُڈا ماثر محمد آ ہمیں نیمگا استعفی خط داسا ،چھڑوئی آ ہمیختر ہی نہ بلکہ آنہی پارٹی ملیشین یونائیتد انڈیجینس پارٹی  آر دی کولیشن آژ جتا بیسا،آنہی مطلو اے بیسا کہ پکتن ہارپن ،کولیشن آسر بیسا۔نی باز کنفیوژن پیدا بیسا کہ ہمیں دوایں لیڈر آنی اگی ایں گام چھے بی؟دوایں آنژ کھسے یک آگو ہمیختر مزن ایں تعداد نعیں کہ وتی ڈؤل چکا سرکار قائیم کھُز کھناں۔نی گندگی اش انت کہ کھئے اگا بی۔ہمیں حالت آژ بھچغ بیس بی اگر پیسر ائے سروزیر آ کولیشن ائے فرض سنبھالتھ او سروکی ائے منتقل کھنغ آژ متعلق منغ نامہ ائے پاس کھُرت تہ اے بے سبب ائے مشق ائے ھچھ ضرورت نیا۔آں یک پختہ کار سیاست زانتکار ایں مزن ایں مدت تکا سرکار دی کھُزئی ۔۹۴ سال آںی عمر تکا پُجھسا۔اگر آں وقار آگو وعدہ ائے روگا واجہ ابراہیم آپا دگ سدھا کھُرت تہ آنہی عزت باز گیش بیس۔