سرگال:سروزیر نریندر مودی ائے کووڈ ۱۹ ناجوڑی ائے بارو آ امت آگو گشتانگ

نمسکار،
منی عزیزیں ہم وطن مروشی ما یک دھکا پدوارغ شوے نیمگا جہانی ایں ناجوڑی کرونا ائے بارو آ ٹؤک کھنغ آپا آتکغاں ،۲۲ مارچ آ مارا جنتا کرفیو لاگو کھزغئے سا ،یک قوم ائے بھیرا ہر یک ھندوستانی آ آنہی آ سوب مند کھنغ آپا وتی زمہ واری آ پھیلو کھُزا ،ہر یک ھندوستانی آ آنہی آر سوب مند کھُزا ہر یک آ اے ثابت کھُزا کہ مشکل ائے ہمیں گھڑی آ ما یک پھجی آ جکھسی آ اوں ۔جنتا کرفیو ائے سوب مندی آپا ما شوے وشادگی کھناں ۔
سنگتے،شوا حبر آنی اندرا اُش کھنغئے ہمیں جہانی ایں ناجوڑی ائے بارو آ مچھیں جہان اندرا چھے تباہی بی غیں۔شوا شاہد اے ہمیں ٹؤک ائے کہ مچھیں جہان ائے ہمیختر ترقی کھُزغیں ملک دی ہمیں ناجوڑی ائے دیما لاچار او بے بس بیسغاں ۔کرونا ناجوڑی مچھیں کوشست آنی پھدا دی باز تیزی آگو جہان اندرا ودھغیں۔اے ملک ہمیں ناجوڑی آ قابو کھنغ آپا باز مشکل آنر دیما کھنغاں ہمیں ملک آنی اندرا اینگے حالت گوستی ایں دو ماہ آنی اندرا بیسا ۔زانتکار آنی منغ ایں کہ ہمیں ناجوڑی ائے چھڑوئی آ یک علاج ایں سوشل ڈستینس یعنی یک دوہمی آگو نہ ملغ یک دوہمی آژ دیر بی اغ وتی وتی لوغ آنژ درا نہ درکھوغ ۔اشی ائے دیگر ھچھ علاج نعیں ۔اگر ما لوٹھوں کہ کرونا وائیرس آسر بی او ما محفوظ بی اوں تہ مارا ہر حالت آ ہمیں انفیکشن ائے چین آر بھورینغی بی۔چھی اے مڑدم آنر ہمیں گلط فہمی ایں کہ اے چھڑوئی آ نادرا مڑدم آنر بیس بی ہماں کہ درا آں آنہانر ھچھ دی نوی ،اے آنہاں نی غلط ویچار ایں ۔سوشل ڈیستینس ہر یک مڑدم،ہر یک فیملی،او ہر یک فیملی ائے مڑدم آپا لازمی انت ۔چھی اے مڑدم آنی لاپرواہی شوار شوئے چھُکھ او شوے ماس پھز شوئے سنگت او مچھیں ملک آر یک مزنیں خطر آ ماکھنت۔شوار اٹکل دی نعیں کہ اگر ہمیں لاپرواہی اینگا جزتھا تہ ملک آر چھیختر مزنیں بھا دئے غی بی۔
سنگتے گوستی ایں دو روش آنی اندرا ملک ائے کے ای جاگاہ آنر لاک ڈاؤن کھزی آ شزا ۔مروشی نیم شف آژ مچھیں ملک آ پورا ایں بھیرا لاک ڈاؤن کھزی آ رؤ اے جنتا کرفیو آژ گیش سخت بی ۔نوویل کرونا وائیرس ائے نی ایں حالت آنر دیستؤ مچھیں ملک آ ۲۱ روش آنی تکا مچھیں بھیرا لاک ڈاؤن بی ملک ائے مچھیں صوبہ ،ضلع ۔میونسپلتی،ہر گاؤں ،ہر دمغ لاک ڈاؤن بی اے کرفیو ائے بھیرا بی ۔کرونا وائیرس آگو مڑغ آپا اے یک ضروری گام ایں ۔ہر یک ھندوستانی ائے زند بھچینغ میئ او میئ ملک ائے سرکار او ریاست ائے زمہ واری ایں ۔شوے آژ منی منت ایں کہ شوا وتی لوغ آنژ درا نہ درکھوے ۔آئیغ والا ایں ۲۱ روش مئے آپا باز مشکل آں ۔درائی ائے زانتکار آنی ویچار ایں کرونا وائیرس ائے چین آر بھورینغ آپا کم چہ کم کم ۲۱ روش آنی وخت باز مشکل ایں اگر ما ہمیں ۲۱ روش آنی اندرا حالت آنی چکا قابو کھنغ آ سوب مند نویسغؤں تہ باز کنبہ تباہ بی آں ۔وتی لوغ آ بی اے،وتی لوغ آ بی اے،او چھڑوئی آ یک کار کھنے وتی لوغ آ بی اے۔منی سنگت،مچھیں ملک آ لاک ڈاؤن ۔شوے لوغ آنژ درا یک لکشمن پٹی چھِکی۔گیر ایر کھنے کہ شوے یک گام لوغ آژ درا بیسا تہ یک مزنیں خطر آ دیما کھُز کھنے ۔ہمینگا کہ کرونا ۔ہمیں خاطرہ ضروری ایں کہ شوا وتی لوغ آنی اندرا بی اے درا نہ درکھوے۔۔منی عزیزیں سنگت ڈاغدار آنی منغ ایں کہ کرونا وائیرس ناجوڑی ہماں وخت کھسے مڑدم آر بی تہ آنہی آ پدھر بی اغ آپا چھی اے روش مان کھایاں چھی اے روش آنی تکا آنہی کل نو کہ آں کرونا وائیرس آ دیما کھنغیں او ہمیں خاطرہ سُدھ نوی اغ ائے سبب آژ آں مڑدم کے مڑدم آنگو ملی او آنہانر دی ہمیں ناجوڑی آ ماکھنت۔جہانی درائی ائے تنظیم ائے یک رپورت ائے روگا اگر ہمیں وائیرس کھسے آر استیں تہ آں ہپت روش آنژ دھ روش آنی تکا سدیں دیگر مڑدم آنر دی ناجوڑ کھُز کھنت مطلو اش انت کہ ہمیں ناجوڑی باز تیزی آگو ودھی او یک دوہمی آژمان کھائے۔سنگت سرا ہمیں ناجوڑی آژ ۶۷ روش آنی اندرا مچھیں جہان آ یک لکھ مڑدم ناجوڑ بیسغئے ساں آنہی آ رندا چھڑوئی آ یازد روش آنی اندرا لکھیں مڑدم آنر ہمیں نوجوڑی بیسا ۔ویچار کھنے کہ رندا اے چھڑوئی آ یازد روش آنی اندرا لکھیں مڑدم آنر بیسا شوار اٹکل بیس بی کہ چھیختر تیزی آگو ہمیں ناجوڑی گیش بی او یک دوہمی آژ مان بی او اگر کرونا وائیرس آ یک دھکا گیش بی اغ بنا کھُزا تہ آنہی چکا قابو کھنغ باز مشکل بی رؤ۔سنگت ہمیں سبب ایں کہ حالت دست آژ درا بیسغاں او آنہی چکا قابو کھنغ باز مشکل بیسا ہماں وخت ہمیں کرونا وائیرس کے ای ملک ہمینگا کہ چین،امریکہ،فرانس،جرمنی ،سپین،اٹلی او ایران آ گیش بیسا اے اینگے ملک آں ہماں کہ باز ترقی کھُزی آں آنہاں نی اسپتال،او درائی ائے ھزمت باز شر ایں گُڈا دی آں ہمیں ناجوڑی آ گیش بی اغ آژ دارغ آ ناسوب بیسغاں ۔ہمیں ملک آنی مڑدم کے ای ہپتغ آنژ وتی لوغ آنژ درا نہ درکھپتغاں وتی سرکار ائے ہر یک ٹؤک آر منغاں او ہمیں خاطرہ اے ملک نی کرا کرا ہمیں ناجوڑی آ آسر کھنغ آ سوب مند بی غاں۔مارا دی ہمیں منغی بی کہ چھڑوئی آ ہمیں یک دگ ایں کہ مارا وتی لوغ آنی اندرا ہی رہغی بی ھچھی دی بی مارا وتی لوغ آنژ درا نہ درکھوغی ایں۔اگر مارا وتی لوغ آنژ درا لکشمن پٹی آ پارنہ کھُزا تہ ما وتی چھُکھ وتی کُنبہ وتی سنگت او وتی ملک آر ہمیں ناجوڑی آژ محفوظ کھُ کھنوں۔مارا ہمیں ناجوڑی آ گیش بی اغ آژ دارغی ایں او ہمیں انفیکشن ائے چین آر بھورینغی ایں ۔منی سنگت تنک ھند ہماں استیج چکا ایں کہ ہموزا ما ہمیں ناجوڑی چکا قابو کھُز کھنوں شوار گیر ایر کھنغی بی کہ جان ایں تہ جہان ایں۔سنگت ہمیں وخت ماہل دارغ ائے غیں شوا مَہل دارے او مئے گون بی اے ۔ہماں وخت تکا لاک ڈاؤن بی مارا ضرور آنہی چکا عمل کھنغی بی وتی آپا وتی امت آر محفوظ ایر کھنغ آپا مارا ہمیں ضرور منغی بی۔منی شوے آژ منت ایں کہ شوا ہماں وخت وتی لوغ آ بی اے ہماں مڑدم آنر گیر کھُزؤ آنہاں نی آپا دآعا لوٹھی ہماں کہ ہمیں وخت آ دی وتی زند ائے پرواہ نہ کھُزؤ مئے آپا کار کھنغاں ۔مئے ڈاغدار،مئے نرس درائی ائے ھزمت آژ جڑسی ایں مچھیں مڑدم ہماں کہ اسپتال آنی اندرا مئے زند آر بھچینغ آپا وتی زند آر خطر آ ماکھُزؤ کار کھنغاں ۔مئے پولیس ہماں کہ ہر وخت مارا محفوظ ایر کھنغ آپا وتی زمہ واری آنر پھیلو کھنغاں ۔حوال کار ہماں کہ مچھیں روش مئے تکا جہان ائے حبر پُجھینغ آپا ہمیں ناجوڑی ائے بارو آ پوہ کھنائینغ آپا ہر وخت کار آ کھنغاں۔ہمیں ناجوڑی آ دیما کھنغ آپا دُرائی بنیاتی خاکہ آپا ۱۵ ہزار کروڑ زر آنی مرکزی الاتمنت ائے جار جھزی آ شزا ۔منی سنگت ہمیں ۲۱ روش آنی لاک ڈاؤن آ شوار گھبرائینغ ائے ضرورت نعیںمچھیں ضروری شئے شوار ملاں ۔مرکز او ریاستی سرکار ہمیں شئے آنی ملغ آ باور دؤخ کھنغ آپا ملسؤ کار کھناں۔شوادکان آنی نزیخ جوڑ بیسؤ ہمیں ناجوڑی ائے خطر آ دیما کھنے ۔مارا ملسؤ ہمیں ناجوڑی ائے مقابلہ کھنغی ایں او یک درا ھند ٹھائینغی ایں ۔مئی شوے آژ منت ایں کہ شوا ڈاغدار ائے ڈسغ آ بغیر ھچھ درمان دی وتی مرضی آگو نہ گرے،اے شوے آپا ضروری ایں کہ شوا سرکار ائے ٹؤک آنر منے او ہماں بھیرا کھنے ہمائی ائے کہ ھدایت کھُزی آ رؤغیں منی شوار درخواست ایں کہ ھچھ دی دروغی حبر آنی چکا باور نہ کھنے،اے منی منت ایں کہ ڈاغدار ائے ہدایت آ بغیر ھچھ درمان نہ ورےنہ تہ شوا وتی جند آ مزنیں خطر آ ماکھنے۔۲۱ روش آنی لاک ڈاؤن دراژ ایں باز اے ما مناں مگہ اے شوے درائی آپا باز ضروری ایں منا شوے چکا باور ایں کہ شوا ہر مشکل وخت آ دیما کھنغ آپا مئے گون بی اے او ہمیں ناجوڑی آ آسر کھنغ آپا سوب مند بی اے۔وتی او وتی عزیزیں مڑدم آنی دھیان آ ایر کھنے جوڑ او وش بی اے اے منی دُعا انت۔
جئے ھند!