ھند آ کابل آ گوردوارہ چکا دھشت گردی ھلگر ائے باز بد گوشی کھُزا

چھیار شمبھے آ مان کابل آ سکھ آنی گوردوارہ چکا دھشت گرد ھلگر ائے ھند سرکار آ باز بدگوشی کھُزا۔ڈن ائے وزارت ائے بیان آ گوشتی آ شزا کہ دھشت گردی ائے ہمیں ھلگر آ مرغ والا آنی کنبہ آگو ھند گون ایں ھند آ وتی باز دُکھ آ پدھر کھُزا او ٹھپی بی اغ والا آنی تکھائی آ دُرائی ائے دعا لوٹھسئی۔ھند آ گوشتا کہ آں کابل آ بکھال او سکھ اقلیت آنی ہر بھیرئے مدد کھنغ آپا تیار ایں ۔ھند آ گوشتا کہ اینگے وخت آ ہماں وخت کہ مچھیں جہان کووڈ ۱۹ ڈؤل ائے جہانی ناجوڑی آ دیما کھنغیں اینگے بزدلی ائے گام یک شیطانی دماغ ائے عکاس ایں ۔ھند آ گوشتا کہ ما افغانستان ائے دلیر پؤج ائے وشادگی کھنوں ہماں کہ افغانی مڑدم آنی محافظت آپا وتی جند ائے پرواہ نہ کھناں۔ھند افغانستان ائے مڑدم او سرکار ائے سرا آژ گون ایں ہماں کہ افغانستان آ امن قائیم کھنغ ائے کوشست کھنغاں۔