کرونا وائیرس آژ مچھیں جہاں آ نی تکا یک لکھ آژ گیش مڑدم مڑتھغاں

اے ایف پی ائے زریعہ داسی ایں یک رپورت ائے روگا کرونا وائیرس ناجوڑی آژ مچھیں جہان آ یک لکھ نوہ ہزار آژ گیش مڑدم مڑتھغاں ۔چین آ دسمبر آ ہمیں وبائی ناجوڑی ائے شروع بی اغ آژ رندا ہبدہ لکھ ہشتاد ہزار دوروخ آنژ سئے لکھ پنجہ او نوہ ہزار دو سد مڑدم دُرا بیسغاں۔امریکہ،ہمائی آ فروری آ وتی اولی ایں دوروخ ائے مرغ ائے تصدیق کھُزغئے سا ہموزا نی بیست ہزار شش سد آژ گیش مڑدم مڑتھغاں ہماں کہ جہان آ سجوں آنژ گیش آں امریکہ آژ رندا اٹلی دوہمی نمبر چکا ایں ہموزا نوزدہ ہزار چھیار سد شست او ہشت مڑدم مڑتھغاں آنہی آ پھدا اسپین ائے نمبر ایں ہموزا شانزد ہزار نوہ سد او ہپتاد او دو مڑدم مڑتھغاں۔