موضوع : فوجی آنی دست اغدی پکو،عمران خان ائے  کھووخیں باور

اسکرپٹ : معین الدین
تاریخ: ۱۳ جون ۲۰۲۰

پاکستان اندرا فوجی آنی دست آنی پکو بیئغ ائے قصو ہچھ اینگین گپ نئیں ہماہی آر اشکھزؤ حیرانی بی۔ ہموزا تکا عمران خان ائے واگ داری اندرا فوج ائے کردار ائے گپ ایں تہ پیشاژ ہی ہر کھس آر سما ایں کہ فوج ائے خاصیں کوشش او داؤ پیچ  آنی صدقہ عمران خان واگ داری تکا پجھزا۔ ہماں دی ہمیں واجھا آ کہ پارلیمان اندرا آنہانی نشت ۴۶ فیصد آژ گیش نیاں او چی اے گونڈیں اتحادی آنی آسرو آ آنہانی سرکار جزغئیں۔ ۲۰۱۷ اندرا ہماں ساعت آ گشین کاری ائے تیاری بی غئے ساں او ہر وٹاژ اے گوشتی آ رؤ غئے سا کہ عمران خان فوج ٓئے آلہ کار بیسی آں تہ آنہار باز زہر مان آتک غئے سا او گوشت غئے سا کہ ہمیں واجھیں گپ جنوخ باز گندغیں ایں  سازش جعڑ کھن غاں لیکن رندی ایں سال ہماں ہندی حوال کار آنی دیما آنہاں ہممیں ٹوک منس غئے سا کہ فوج آنہی پھجی آ جکھزی ایں ۔
حیر آنہانی سرکار ائے دو سال آنی کار بار آنی نیاما فوج ائے سرکاری کار بار نیامغا آغ ائے کار اندرا باز گیشتری بیسا نی آں باز صافیں نمانہ آ نیاہا آغ شروع بیسؤ شزا او عامیں گپ او حور ائے موضوع دی بیغئیں۔ خاص طور سرا عالمی وبا کورونا وائرس ائے گیشتر بی اوخیں دوروخ آنی پس منظر اندرا تہ گویا بازیں معاملہ آنی اندرا فوج آ ہی کار بار آنر وزی دستا آں گتؤ ایر کھزا۔ اے ویلا سری ایں فوجی افسر سارکار ائے باز اہم ایں عہدہ آنی سرا نشتی آں او آنہا نی کچھ یکھ درجن ّژ گیش ایں ہماں افسر سرکاری ہوائی خذمت،پاور ریگو لیٹر او جان جوڑی ائے قومی ادارہ آنر جزین غاں۔ ہمیں ہڑ سئیں محکمہ آنی ہماں کہ خاص ایں نمونہ آ ذکر کھزی آ شزا اشانی نیاما فوجی افسر آنی برحالی رندی ایان دو ماہ آنی اندرا عمل اندرا آتکا۔ تجزیہ کھنوخ آنی ویچار ایں کہ عمران آ وا دی محسوس کھنغ شروع کھزا کہ معیشت ائے شعبہ اندرا آنہانی سرکار ائے بنا کھھووخ ایں باور ضرورت ائے شئے آنی گیشتر بی اوخیں بھا او بد عنوانی اندرا اوار بیئغ سبب آ آں ہانی پھجھارگی ائے گراف باز جاہلا شزا ہموزا تکا سرکاری کار بار اندرا فوج ائے نیامغا آغ ائے گپ ایں تہ اے ہچھ نوخیں گپ نئیں۔