ھند نیپالئ نوکین نقشہ رد کرت۔ 

نیپالئ پارلیمنٹئ دیوان مُلکئ سیاسی و سیمین نقشہ بدل کنگئ وجا جونئ ۱۳ کانونئ ترمیمئ یک بل را منگا بوت، بری نقشہ اتراکھنڈیپتھوڑا گھڑ سیمئ لھتین ھند نیپالئ نقشہ تھا دیستگ بنت و دیم شہ ایشی پہ ای قراردارئ منگا بل سرا بحث کنگ پورہ کن وڑئ بوتت۔  نیپالئ کابینہ بہ دیمئ ماہ ۱۸ تاریخا منگا بوت بہ آی کالا پانی، لمپیادھوڑا و لیپولیکھ بہ نیپالئ سیمانی وڑا نشان داتگ بوتگنت وھدہ کہحکیکت ایش انت کہ ای مُچین ھند ھندیی کوت انت و ھر وھدہ ھندیی ماننت۔ ھما کہ اتراکھنڈئ ریاستئ پتھوڑا گھڑئ سیمئ انتظام وکنٹرلئ چیرا انت۔ ای مُچین ھند ۳۷۰ کیلومتر مربع ھور انت، پہ ھندیی اسٹراٹجیکا پورہ ئن اھمیتئ وڑ انت۔ شہ ادان مانسروورئیاترائ عبادت کنوک رونت۔ بیدئ ایشی ھند و تبت نیاما پہ سوداگریا اھمین راھئ انت۔ ایش ھند، نیپال، چین و تبت وت واکئن سیمئ تھاکپتگیت۔

ھند نیپالئ ای گاما دوکین مُلکانی نیاما سیمسرین جیڑوانی سرا ھبر کنگا و مفاھمتئ حلاپ کنگ زانت۔ نوکین دھلی سَکین وڑئ گشتگیتکہ نیپالئ ای دروگین دعوا شہ تاریخین حکیکتانی دیما نہ انت و نہ کجام شاھد و گواھئ موجود انت کہ ای سیم آی استیت و ای دعوامنگا نہ انت۔ دیم شہ ایشی وھدہ کہ نیپال بہ مئ ماہ ۲۰ نقشہ رادگ کرت ھند امیت داشت کہ نیپالئ سروک صبر و تحمل آ کار گپتہ ومنتگین سیمسرئ جیڑوانی تسر کنگئ وجا پہ گپ و ترانا شّرین ماحوالئ ودی کنگئ پھدا بینت۔ دپاع وزیر رجنت سینگھ بہ دیمئ ماہ ۸تاریخا بہ اتراکھنڈئ دھارچولائ شھرا کہ لیپولیک درا جوڑینیت ۸۰ کیلومترین سڑیکئ را بنگیج کرت کہ ای راھ کیلاش مانسرور رسینگا وای سڑیک بہ ھندوستانئ سیمئ تھا جور بوتگیت۔ دیگہ رندا شہ ایشی نیپال بیدئ کجام وجئ کالاپانی جیڑوا اوشتارینت وھدہ کہ نیپالایشی سرا اعتراض کرت نوکین دھلی درا کرت کہ ای سڑیک پہ یاترا و سوداگرانی آسانیا و مانسرورئ رویاتین و کدیمین راھ جوربوتگیت کہ پورہ ئن وڑئ بہ ھندئ ھاکئ تھا انت۔

دیمئ سالئ نومبرا ھم ھند جمو  و کشمیریی ریاستا دو کوتئ کنگا و مرکزی انتظامئ چیرا کنگئ بھرا نوکین نقشہ دیما کرت آ وھدہ ھمنیپال سَکین رد عملئ درا کرتت و ھمی وڑا دیما ھم بری نقشہ بہ کالاپانی، لمپیادھوڑا و لیپولیک ھندیی سیمانی وڑا نشان داتگ بوتنت ونیپال سَک اعتراض کرتت۔ ای ھبرا باید انت درا کننت کہ ای مُچین ھند ھندیی کوت انت و پہ ایمشا ھندیی نقشہ تھا نشان داتگ بوتنت ونیپال پہ ایشی کجام شرّین وجئ ھم نہ داریت و نیپال پہ سیمسرین جیڑوانی حل کنگا ڈنئ سکرٹرئ کچانہ گپ و ترانئ لوٹوک بوت۔ نوندوکین مُلک گون کووید-۱۹ اوبہ دیم پہ دیم انت و دیگہ شرما اولی حکومت وارختا و نیپالئ نوکین نقشہ رادگ کرت کہ بہ آی تھا ای سیمنیپالئ نشان داتگ بوتگنت۔ ردنا شہ ایشی بہ جون ۱۳ پارلیمنٹئ یک بل دیما بوت کہ منگا بوت واجہ اولی و نیپالئ دیگہ سروک تہ انوناحساس کننت کہ ای معاملہ شہ گپ و ترانئ راہ حل بوتگ کنت۔ شہ ای بل منگا دیما جون ۱۰ نیپالئ حکومت بہ ای سیمانی باروا مُلکئتاریخین و حکیکین شاھدانی نزارگا زانتکارانی یک کمیتہ جور کرت۔ انچوش معلوم بیت کہ سرئ ای بل منگا نیپالئ قیادتانی ذھنا شک وشبہ انگتا استیت۔ بہ ھند و نیپالئ نیاما ھر وھدہ جغرافیای، دود و ربیدگی، تاریخی و مذھبین بستگی انت۔ دوکئن مُلکانی عوامانئ نیاماجھولین بستگی انت۔ دوکین مُلکانی نیاما سیمسرین جیڑو ۹۸ فیصد تہ نون حل بوتہ۔ پہ امیشا ایت کننت کہ شہ دوکین مُلکانیسیاستی و سفارتین چینلانی نیمگا موجودین تعطل شہ نیاما زورتگ بیت و سوبین بنت۔