موضوع: مالدیپ آپا ہندوستان ائے بھڑائی

تاریخ: ۱۹ جون ۲۰۲۰
اسکرپٹ: حسین زمین

عالمی وبا نیاما ہندوستان وزی پاڑیچی ملک آنر دیم روی پروجیکٹ آں پا ہما کہ بھڑائی دئے غئیں آنہی آگو آں ہانی سماجی او معاشی گزری آنی پھیلو بیئغ اندر مزائیں بھڑائی ملغئیں۔ ہندوستان آ اے ہفتغ مالدیپ ائے ۱۶ جزیرہ آنر فتنس ائے آلات داسغاں۔ ہمیں آلات آنی سپلائی مالدیپ اندرا سماجی او معاشی دیم روی ائے پروجیکٹ آنر ہمیں ہندوستانی بھڑائی ائے بہر آ ہماہی ائے اعلان رندی ایں سال مارچ اندرا صدر محمد ابراہیم صالح ائے نوخیں دلی ائے دورہ نیاما کھزی آ شز غئے سا۔خیالا دارے کہ ہندوستان آ دیم روی ائے پروجیکٹ آں پا پھنچھ اعشارعیہ پھنچھ ملین ڈالر ائے بھڑائی ائے اعلان کھز غئے سا۔اشی آژ علاوہ سماجی او معاشی دیم روی ائے چی اے دیگر پروجیکٹ آن پا شش اعشاریہ نونہ ملین ڈ الر نغد دئیغ ائے دی وعدہ کھز غئے سا۔ ہمیں موقع سرا تقریر کھنانا مالدیپ ائے پارلیمان ائے اسپیکر محمد نشید آ ہندٴمالدیپ سیالداری ائے اہمیت سرا روژنائی ماکھزا۔ آں ہاں گوشتا کہ اگر آنہہانی ملک ہند پھجی آ وزی سیالداری آر کھلی تہ آنہی ائے دیما روغ ناممکن بی رؤ۔ آنہاں وزی ملک ائے دیگر سروک آنژ دی اپیل کھزا کہ آں عقل او ہوش آگو کار گراں ہما ساعت آ آن ہندستان پھجی آ معاملہ آنر طے کھنغ آپا ننداں۔وزیر خارجہ عبدلہ شاہد آ وزی گشتانگ اندرا گوشتا کہ فٹنس ائے ہمیں پروجیکٹ آگو جزیرہ ائے نندوخ ایں برادری آنی نیاما سیالداری آر پکو کھنغ او جوڑ جکھیں زند گوازینغ اندرا بھڑائی ملی۔ ہندوستان ائے چھیار ماہ آنی اندرا مالدیپ ائے ۶۸ جزیرہ آنی سرا چھکھ آنی پارک آنی تعمیر اندر بھڑائی دئیغ ائے دی منصوبہ اینَ۔