سرگال:چین ائے سلوخ چکا جہانی براسی ناوش

ہمیں ماہ ائے بنگیج آ امریکہ ائے بحریہ ائے دو بحری دُھر آں بُرز چائینہ سی آ پؤجی مشق آنی اہتمام کھزغئے سا۔وتی بحریہ ائے بیڑہ آنر امریکہ آ ہمیں ہپتغ پدوارغ ہمیں سمندری دمغ آ تعینات کھزا۔آنہی چکا چین ائے ڈن ائے وزارت آ باز ناوشی آ پدھر کھزا۔اصل آ امریکہ چین چکا جارحانہ پالیسی اپنائینغ ائے الزام جھنانا پھیزاغیں ۔امریکی بیڑہ آنی تعیناتی او امریکہ ائے وٹاژ جھزی ایں الزام آنی وجہ آژ چین ائے ڈن ائے وزارت ائے نمائیندغ آ گوشتاکہ چین تیکنالوجی ائے سُپر پاور ائے ڈؤل چکا امریکہ آ چیلنج کھنغ آپا باڑہ نعیں مگہ ہمیں ٹؤک ائے حلاپ ایں کہ آں جارحانہ عزم ایر کھنت ۔نمائیندگ آ اے دی گوشتا کہ مچھیں زور آگو امریکہ ائے وٹاژ جھزی ایں ہمیں الزام ائے مقابلہ کھنت کہ چین ائے ڈن ائے پالیسی جارحانہ عزم ایر کھنت۔آنہی آ اے دی گوشتا کہ چین چھڑوئی آ اے لوٹھی کہ آں وتی شہری آنی اقتسادی حالت آر وشتر کھنت او عالمی امن و استحکام آ برحال ایر کھنغ آ مدد کھنت۔ہموزا تکا شہری آنی اقتصادی حالت وشتر کھنغ یا آنہاں نی سلامتی آ باور دؤخ کھنغ ایں تہ جہان ائے تھانگے اینگے ملک ایں ہماں کہ وتی شہری آنی وشحالی او سلامتی آپا کار نہ کھنت؟صاف ایں کہ مچھیں جہان ہمیں لوٹھی کہ آنہی قوم ترقی ائے وٹا گام اگا کھنت او گڈا جہانی ایں براسی اے دی لوٹھی کہ یک شر ایں عالمی نظام قائیم بی ۔نی ایں سال آنی اندرا چین آ چھی اے اینگے سلوخ اپنائینتھا ہمائی آژ مچھیں جہان آ اے پھیغام رؤ کہ آنہی ارادہ چھی اے نیخیں نیاں ۔ھند او چین ائے نیمگا سیال داری آ چھی اے وشتری پھیزاغئے سا کہ نی ایں روش آں ایل اے سی ائے نزیخ آنہی آ ہماں کہ ردین مہم جزینتھا آں قبول کھنغ ائے لائیق نعیں۔سروزیر نریندر مودی آ لداخ آ ہماں دی چھی اے گوشتغئے سا کہ بیست او یک می صدی ہماں صدی نعیں کہ ہمائی آ کہ توسیع پسند عزم بڑزا بی اے زمانہ اقتصادی ترقی ائے غیں ہمیں خاطرہ ہمائی اے ویچار توسیع پسندی ائے غاں آنہانر وتی ویچار آنر مٹینغی بی۔اے ٹؤک چھڑوئی آ ھند او چین ائے نی ایں ناوشی ائے وجہ آژ راست نیاہ نیائے او نہ ہی ہمیں ایکا ھند ائے ویچارآں ۔اصلیت تہ اش انت کہ جہانی براسی دی ہمیں محسوس کھنغیں او آں چین ائے عمل آنی چکا نیاہ دی ایر کھزی آں۔چین ہمیختر تکھائی آ بیس بی اے ٹؤک محسوس کھنت تہ اے آنہی آپا جُوان بی کہ پؤجی تکنالوجی او دیگر چنتی شعبہ آ چین ائے عمل کے ای ملک آنی اندرا پِکر پیدا کھنغاں ۔بلکہ کے ای ملک آں چین آپا وتی سلوخ سخت کھُزا او آنہی آر ھَکل داسیش کہ آں وتی ویچار آنی چکا پدوارغ نیاہ ماکھنت۔مثال آ انڈوپیسیفک دمغ آ چین ہماں عزم آنر پدھر کھنغیں ،آنہی چکا امریکہ آ گوشتا کہ چین ائے عالمی وژن ائے بیست او یک می صدی آ ھچھ ضرورت نعیں ۔بُرز چائینا سی آ چین ہماں ڈؤل آژ گام ودھینغیں او ہماں بھیرا ہموزا وسیلہ آنی چکا قوضہ کھنغ آ باڑہ ایں ہمائی آژ آنہی ائے توسیع پسندی ائے ویچار آنی عکاسی بی ۔امریکہ ائے روگا جہانی براسی چین آر کھدیں دی ہمیں ٹؤک ائے اجازت نہ دا کہ آں برز چائینا سی آر وتی جائیداد یا وتی سلطنت منی۔برحال چین ائے توسیع پسندی ائے عزم نی کھسے آژ دی لکسی آ نیاں او ہر وٹا ہمیں محسوس کھزی آ رؤغیں کہ چین بیک وخت کے ای طریقہ آنگو آسیا پیسیفک دمغ آ نہ چھڑوئی آ ناوشی او بے اطمینانی پیدا کھنغیں بلکہ ناجائیز قوضہ کھنغ آپا دی باڑہ ایں ۔جہانی براسی ائے ردعمل چکا چین باز گھبرائینتھی ایں اگر آنہی آ وتی سلوخ نہ مٹینتھا تہ آنہی ائے مزن ایں بھا دئے غی بی ۔