سرگال:کلبھوشن جادو مسلہ آ پاکستان ائے ردین سلوخ

ھند اے وٹاژ کلبھوشن جادھو آگو ھند ائے سفارتکار آنی ملغ آپا دوازد دوازد عرضی آنی پھدا گوستی ایں ہپتغ پاکستان آ دوہمی دھکا ہمیں بیٹھک ائے اہتمام کھُزا۔مگہ ہمیں بیٹھک دی چھڑوئی آ پھیدھارغ آپا ثابت بیسا ہمینگا کہ ۲۰۱۹ آ بیسغئے سا۔اسلام آباد ائے الزام ایں کہ کلبوشن پاکستان ائے حلاپ جاسوسی ائے عمل آنی اندرا اوار اسا او ہمیں ڈوہ آپا آنہی آر پھاہو ائے سزا اُش کھنائینتھی آ شزا۔ہمیں مسلہ ھند آ بین الاقوامی عدالت تکا گتؤ شزا ،ہموزا مئی ۲۰۱۹ عدالت آ گوشتا کہ پاکستان ائے عدالت ائے فیصلہ چکا پدوارغ ویچار کھنغ لوٹھی او آنہی آپا یک شر ایں میکینزم ائے ضرورت ایں ۔بین الاقوامی حکم آر منغ آپا پاکستان آ ہمیں سال مئی آ یک آرڈیننس لاگو کھزا ۔آنہی آ پھدا اسلام آباد آ نوخیں دلی آر باور دیائینتھا کہ ھچھ شرط آنی بغیر کلبھوشن جادھو ائے بیٹھک ھند سفارتکار آنیپھجی آ کھنائینتھی آ رؤ۔ہموزا ہمیں مڑدم آنی علاوہ کھسے دیگر موجوت نوی او ہمیں بیٹھک آ ھچھ خلل دی پیدا نہ کھزی آ رؤ۔ھند آر امیت اسا کہ پاکستان وتی ہمیں باور دیائینغ ائے احترام کھنت ۔وعدہ ائے روگا دو ھند ائے سفارتکار آنر کلبھوشن آگو ملغ ائے اجازتداسی آ شزا ،مگہ باور دیائینغ ائے باوجوت بیٹھک ائے نیمگا دو پاکستانی اپسر دی ہموزا آنہاں نی گون شزغئے ساں۔سفارتکار آں ہمائی چکا ناوشی دی پھیدھاتھا مگہ آنہاں نی ٹؤک آ کھسے آ دی اُش نہ کھزا۔ہماں بیٹھک ائے ریکارڈنگ دی کھزی آ شزا ۔نی صاف ایں کہ آنہاں نی موجوتگی او رکارڈنگ ائے وجہ آژ سفارتکار کلبھوشن آگو راستیں بھیرا ٹؤک کھنغ آپا ناسوب بیسغاں او ہماں کاگد آنی چکا آنہی دستخط دی گرغ مشکل بیسا ہماں کہ پاکستانی آرڈینینس آ اگا ودھینغ آپا ضروری اساں ۔ہمیں دپ آ پھدا ھند آ گوشتا کہ اے بیٹھک نہ تہ معنی دار اسا او نہ ہی آنہی ائے ھچھ اہمیت او پاکستان ائے ہمیں سلوخ آ بے باوری او بے ایمانی منسئی۔اے ٹؤک صاف ایں کہ پاکستان آ ہمیں ٹؤک ثابت کھنغ ائے بجائے کہ اے بیٹھک بین الاقوامی عدالت ائے فیصلہ ائے روژنائی آ بی غیں ،آنہی آ پبلک ریلیشنز ایکسر سائیز کھزؤ اشتئی۔ھند آ اے ٹؤک پدوارغ گوشتا کہ کلبھوشن جادھو او ھند سفارتکار آنی نیمگا گپتران ائے نیاما پاکستان ائے اپسر آنی بی اغ نوی اغ لوٹھی او نہ ہی ریکارڈنگ کھنغ لوٹھی ،تاکہ جادھو آر وتی ٹؤک کھنغ آپا ھچھ بھیرئے تھڑس او زور نوی ۔جادھو یک مزن ایں عرصہ آژ پاکستان ائے جیل آ بند ایں او گوستی ایں روش آں آنہی چکا باز ظلم او جبر بیسا ہمائی وجہ آژ آں باز تھڑستی ایں ہمیں وجہ ایں کہ آنہی آ ریویوپٹیشن داخل کھنغ آژ دی انکار کھزا ،ہمینگا کہ اسلام آباد ائے دعوی ایں۔