موضوع: پاکستانی حوال کار ائے زیر جیئغ او ال جیئغ ائے قصو

اسکرپٹ: معین الدین خان

پاکستان اندرا حوال کار،نویسوک،دانشور او مڑدمی حق آنپا کار کھنوخ آنی زوری گار کھزی آ روغ،وئیل آنی دئیغ او وخت وخت آ کشتی آ روغ ائے قصو ہرما روشاں کھزی آ رواں۔اشانژ بازیں واقعہ آنی رندا پاکستانی فوج،آنہی ائے ایجنسی یا آنہانی گشغ سرا کار کھنغ والائیں دیگر ادارہ آنی دست بی۔اشی ائے اصل ایں سبب اے بی کہ پاکستانی فوج وزار ہر بدگوشی آژ وزار بڑزا پوہ بی۔نہ تہ ہچھ سرکار ہچھ فوجی جرنل ائے خلاف ہچھ کاروائی کھز کھنتھ او نہ ہچھ عدالت آنہی آر سزا داس کھنتھ۔ پرچے کہ اگر آں اینگیں چی اے کھنغ لوٹھی تہ آنہی آر واگ داری آژ دست شوزغی بی آں او وخت وخت آ پھاہو دی بیس بی ،جیل آروغی بی۔ہمیں مچھیں مثال پاکستان اندرا ملاں او ہمیں ہر شئے ہما ہند ائے ہر روش ائے کار بار ایں او مڑدم ہرما روشا ہمیں سواد گندانا کھایاں۔ حیر یکھ سجلا واقعہ اے پیش آتکا کہ یکھ راست گو او دلاوریں صحافی مطیع اللہ جان ہماں ہاں فوجی جرنیل آنی غیر آئینی کار آنی باز بد گوشی کھز سا او فوج آر اصل وش نیا۔آں گوستی ایں سئے شنبے مطلو ۲۱ جولائی آر ہما ساعت آ زیر جیسغاں ہماں ساعت آ آن وزی لوغی آر آنہی ائے سکول آژ گرغ آپا شزغاں۔ آنہانی لوغی آ آنہار سوائیں یکھ وجا فون کھزا لیکن ہچھ ولدی نیاتکا ہر ویلا آں درا درکھتغان تہ دیسا کہ آنہانی گاڈی تہ درا جکھزی ایں لیکن آنہانی جند ائے ہچھ سدھ سما نئیں۔سکول ائے کیمرہ آنی عکس آنژ سما کھتا کہ آنہار دھشتگردی آر دارگ ائے محکمہ ائے پولیس والا زوری وزی پھجی آ گتؤ شزغاں۔ہرویلا ہمیں ٹوک ہڑچھیاریں وٹا پھیلسا او حتجاج ائے سلسلہ شروع بیسا تہ ہر وڑا ہلچل پیدا۔لندن ائے ایمنیسٹی انٹرنیشل آ وزی ٹوئیٹ اندرا احتجاج کھزا کہ آنہی آر مطیع اللہ جان بارو آ باز وزت ایں۔ پاکستان ائے وزیر اطلاعات شبلی فراز آ حوال کار آنر ڈسزا کہ اغوا تہ بیسا او سرکار ائے ہمیں فرض ایں کہ آں حقیقت بارو آ معلوم کھنتھ۔ ہمیں مچھیں واقعہ دارالخلافہ اسلام آباد ائے غین۔