سرگال چھے پاکستان لافا دلير ايں صحافي آر ويچار پدھر کھنغ ائے آزادي ايں

پاکستان ائے يکھ سنئير ايں صحافي مطيع اللہ جان آر اسلام آباد آژ پھزي ايں ہفتہ ہماں وخت اغوا کھزي آ شزا ہموزا آں وزي
لوغي آر سکول الغ آ روغيساں ہموزا آن کار کھناں چھئے مڑدم آں ہار آں ہي لاري آژزبردستي اير کھزو اغوا کھزو شزغان
اغوا ائے پھزا تکھائي آژ کھل ايں سياسي جماعت آں ہميں واقعہ ائے بدگوشي کھزا
بدگوشي کھنغ والا آني لافا حکومت ائے وزير دي اوار سان اسلام آباد پوليس او سول ايجنسي آں ہميں ٹوک ائے وضاحت کھزا کہ مطيع اللہ جان نہ آں ہار مطلوب ساںاو نہ آں ہاں ہي خلاف ہچھ کاروائي کھزا دوازد گھنٹہ ائے ازيت ديغ ائے پھزا
مطيع اللہ جان  ہموزا گھڑتھو آختغاں تہ آں ہي آ وزي اغوا ائے قصو يکھ وڈيو ائے زريعہ اش کھنائيتھا آں ہي آ پٹ کھزا کہ اغوا کھنوخ آں ہي آژ آں ہي پيشہ ور ايں کار آژ بستي ايں وزي برہمي پدھر کھنانا آختغاں
مطيع اللہ جان پاکستان۵ ميڈيا ائے بعض مزن ايں تنظيم آني لافا کار کھزو اشتغاں آں وزي کالم آني لافا حکومت پاکستان ملک  ائے سيکورٹي اسٹيبلشمنٹ او عدليہ چھکا بعض تنقيد کھنانا آختغان
ھماں وخت آں يو ٹيوب چھکا وزي چينل جزاينغاں واجہ مطيع اللہ جان آ وزي اغوا ائے ہمان قصو بيان کھزا ہمشي آژ ثابت بي کہ اغوا ائے وجہ آں ہي پيشہ ور اين کار آہمان چھئيے طاغت ور ايں حلقہ آر جوان مان نياختا
ليکن نزيخ ايں روش آني لافا ہي رپورٹنگ جسٹس قاضي فائز عيسي آژ متعلق رہسا قاضي فائز عيسي آ يکھ معاملہ لافا فوجي اسٹيبلشمنٹ ائے خلف سخت ايں فيصلہ اش کھنائتھغيسا
سرے وزير عمران خان مطيع اللہ جان ائے اغوا چھکا اصل چپ رہسغاں ہمشي تہ ہميں مطلب درکھوي کہ ہموزا قانون نہ بلکہ  ہچھ دوہمي ائے راج ايں اصل اندرا حکومت پاکستان او ہموزا ائے فوجي اسٹيبلشمنٹ لوٹھي کہ مڑدم آئين او قانون
آر شمشتھو اطاعت گزاري لافا سغر بنا کھزو غلامي ائے زندگاني گزائيناا او اش آر ہمين وش بي يا موي آں وزي جاگہ
دوہمي ہندے آ پھولاں ہميں ڈول آ نہ ہچھ مسئلہ پيدا بي او نہ ہي جہان پاکستان ائے مزاق اڑائيني