کشمیر ائے گیش بھا ثقافتی میراث

ہندوستان ائے سغر ائے پھاغ کشمیر شریخیں ثقافت آنی یکھ اینگیں مچال این ہموزا جدا جدائیں ویچار آنی دھارا یا ہندا بہانا پھیزا غاں او صدی آنژ بہانا آتکغاں۔ علاقہ ائے ہمیں روش آگو یکھ دوہمی ائے روایت آنی قدر اندرا باز شیشتری بیسا۔اے اینگیں گیش دیمی فلاسفی آنی نمائندگی کھنتھ ہما ہی سرا بکھال، بودھ او اسلام ائے باز گیش اثر گندغا کھایاں۔ہمیں سبب این کہ ہمیں فلاسفی آر کشمیریت ائے نام آگو پھجھارتھی آ رؤ ہماں براسداری او محبت آگو نندغ ائے سبق دا۔اسلام ائے پجغ آژ پیشا ہمیں مذہب آنی نیاما اختلاف کڈہیں دی پیدا نویسا او ہڑ سئیں مذہب آنی روحانیت او ویچار آنی یکھ دوہمی ائے ذریعہ احترام کھزی آ شز سا۔ ہمیں واسطہ اگر کشمیر اندرا بکھال مذہب ائے روحنیت موجود آ تہ آنہی ائے کوفغ بہ کوفغ صوفی تحریک دی کھڑو بی غئے۔ عظیم این صوفی شاعرہ لالیشوری ہماہار لالدید ائے نام آگو پھاجھارتھی آ شز سا وزی شعر آنگو روحانیت آر دیما بڑتھا۔آہاں علاقہ اندرا اسلام ائے آگ آژ پیشا او آنہی آژ رند ائے زمانہ آنی نیاما یکھ پل ائے کار کھزا ہما ہی آژ رندا آہانی ہم عصر شیخ نورالدین نورانی آ آہانی ذمہواری سنبھالتھا۔ہمیں ہڑدوں سنت او صوفی بیئغ پھجی پھجی آشعر دی جھز ساں ہماہاں مڑدمیت ائے بھلائی آپا جدا جدائیں بندیخ آنر بستؤ او آں ہار پھجی آ گتؤ اگا ودھغ ائے وقالت کھزا۔لال دید ہماں سری اٰیں شاعرہ ساں ہماں ہاں عام این مڑدم تکا وزی پیغام پجینغ آپا کشمیری زوان ائے استعمال کھزا۔ویچار آنی ہمیں میل جول کشمیر ائے ہر شعبہ زندگی اندرا صافی آ نیاہا کھائے۔ ہموزا تکا مذہب ائے تعلق ایں تہ بکھال او مسلمان یکھ دوہمی پھجی آ یا ہند بیسؤ نشت ساں ہمیں سبب ایں کہ وادی اندرا ہڑچھی دی مذہبی ہند آں ہماں بکال او ممسلمان ہڑدوناپا پاک آں۔کشمیر ائے سیکولر کردار ایں ہماہی آر شدت پسند عنصر وزی ناپاک این مقصد آنر پھیلو کھنغ آپا نشانہ کھن غاں۔ حذائی سواد آنی سبب آ کشمیر جہان گرد آنی دل لوٹھی ائے ہند ایں۔ہمیں سواد آنی سبب آ اشی آر جنت نشان کشمیر دی گوشتی آ رؤ۔راست ایں معنی آ اے کسائیں انڈیا ایں ہموزا باز سارتھ ایں ہند دی استاں او باز گرمیں ہند دی استاں۔ساز او سر آنی شعبہ اندرا کشمیر سرا نیامغی او مشرقی آسیا ائے باز گیش اثر رہسا۔افگھانستان آ دی اے ہند ائے موسیقی آر ہچھ حد تکا متاثر کھزا۔