سرگال بعض سيائيں قانون ہماں مڑدمي زندگاني آپا خطر

پاکستان لافا اہانت دين قانون دہائي آژ نہ چھڑوئيں متنازعہ رہسا بلکہ ني تکا بعض ايں بے ڈوہي ايں مڑدم آني زندگاني برباد کھزواشتا يا مڑدم آر وزي لوغ او وطن الغ چھکا مجبور کھزو اشتا ہميں قانون ائے اطلاق روش بروش ودھانا روغيں ہمشي دائرہ اختر ودھزو شزا کہ پھزي ايں روش آں مڑدمي حقوق آني جہاني تنظيم آ بعض فکر پدھر کھزا او گوشتا کہ ہميں قانون
ائے روگا الزام جنغ ائے دائرہ ہر روش ودھانا روغيں اگر تکھائي آژ ہمشي غلط اين استعمال آر نہ داشتي آ شزا تہ عام ايں شہر داري آني زندگاني خطر لافا مان رہي
ني گوستي ايں مہينہ پشاور لافا يکھ مزن ايں واقعہ پيش آختا اہانت دين قانون ائے روگا يکھ مڑدم آر چھئيے سال پيشا گرفتار کھزي آ شزغيسا او عدالت لافا مقدمہ زير سماعت آ ہموزا ہماں مڑدم آر عدالت لافا آڑتھي آ شزا تہ ہمشي آژ پيشا کہ سماعت چالو بي يکھ مڑدم آ کمرہ عدالت اندرا ہي تير جھزو ہمشي آر کشتو اشتا
کھم ايں ويچار کھنے مزکورہ عدالت پشاور ائے ہماں علاقہ لافا واقع ايں ہماں بعض حساس منزي آ رو او ہموزا سيکورٹي ائے بعج سخت ايں انتظام کھزي آ رواں صوبہ ائے وزير اعلي آژ گت عوگورنر ائے دفتراو صوبہ ائے بعض ايں خاس ايں دفتر دي ہميں علاقہ لافا واقع آں
ويچار کھنوخ ايں ٹوک ہم اش کہ اگر اينگے حساس ايں علاقہ لافا واقع يکھ عدالت لافا ہچھ مڑدم توپک يا ہچھ دوہمي
ردين ہتھيار زڑتھو کمرہ عدالت لافا داخل بيس بي تہ ہمشي چھے مطلب کشتي آ بيس بي ہميں ہچھ سري ايں واقعہ نيا کہ
عدالت ائے احاطہ لافا ہچھ ملزم چھکا حملہ بيسا ہمشي آر کشتي آ شزا
اگر ہچھ ملزم ائے جرم ثابت بي رو گڈا دي سزا ديغ ائے اختيار عدالت آر بي کھسے دوہمي آر نہ ليکن پاکستان اندرا کم چہ کم اہانت دين قانون ائے حوالہ آژ ہميں مان کھائے کہ مڑدم وزي ہي ملک ائے قانون ائے احترام کھنغ لازم نہ زانا
پاکستان ائے حکام کشمير لافا مڑدمي حقوق آني خلاف ورزي ائے الزام جھزو ہند آر بدنام کھنغ ائے ناکام کوشش ہر وخت کھنانا آختغاں ليکن چھے آں ہاں وزي گريبان اندرا نہياہ ماکھزو ديساکہ آں ہاں چھختر ردين قانون اينگے ٹھائيتھغاں اش آني روگا پاکستان ائے عام ايں شہر داري چھکا او فنکار دانشور صحافي او مصنف آني چھکا خاس ايں بھير آژ موت ائے خطر ہر وہلہ رہي