سرگال: بہ پاکستانا بہ پوجین اپسرانی حلاپا زوانئ پاچ کنگ بہ مزنئن گناہ کنگا برابیر انت۔ 

بہ پاکستانا ھر وھدہ کہ کجام سیاسین لیدر و سروکئ دیما شہ بیوروکریٹ باروا کجام اساسین اطلاع کہ بہ دیمئیش بیئیت دیگہ میڈیا، واک دارین گل، مردم پہ ای کومین خزانگئ دوزئ معاملہ گشتہ و تہ آسمانا وتی توارا برز گرنت۔ چہ مُلکئ گئوستگین سدر بوتہ بیت، دیگہ شہ ایشی محفوظ منتگ نہ کنت۔ بری بھرا پناما لیکس معاملہ مشمئ دیما انت و دیستگنت کہ گئوستگین سرئ وزیر نواز شریفی سرا بری کئیسئ بھرا چہ حشرئ بوتیت۔ ھر کَس و ناکس شہ عدالتئ فیصلہ دیما ایشی ثابت کنگئ کوشستا انت کہ آئ وتی دارایا شہ گیرکانونین راھان بہ دست آورتگیت و ای وڑئ اطلاعات گیشترکی شہ پوجین اپسرانی نیمگا دیما کئیت۔ بری گڈین وھدان احوالکار احمد نورانی اتھارتی چئیرمن و سرئ وزیرئ کمکار بہ خاسین اطلاعات ریتائرڈ لیفٹننت جنرال عاصم سلیم باجوہ باروا یک رپوٹئ فائل ورشا کہ بہ آی تاناکا اینکس گشتگ بوتت کہ بہ اتھارتی چیئرمن عاصم باجوہ ڈنا شہ مُلکا بہ آی دارائی باروا لھتین حیرانئ وڑئ معلومات بہ دیما آتگیت کہ بہ آوانی بھرا روچنئ پرینگئ زرورت انت۔ بہ آی پسوئ آ گشتگ بوتگیت کہ رپوٹ یک سازشئ انت کہ بہ پوج و پیکئ سرا ھلگر کنگا انت۔ ای ھبرئ ثابت کنگئ کوشست بوتگیت کہ بری رپوٹئ پھدا پاکستانئ دشمنانئ دست انت و پوج بری باروا کجام روچنی نہ پرینتگیت تہ کہ ھم شہ وت جھول بوتگین وطن دوستی، عاصم باجوہ دپاع باروا بہ دیما آتگیت۔ بہ سوشل میڈیا و یوتوب چینلان و شہ یوتوبئ چینلانی نیمگا ایشی ضیفتھ جنیریشنئ واکئ کوت زانتہ و پاکئ پوجئ شھرتا ٹپ رسینگ بیت و یک سازشئ زانتنت۔ حیرانئ وڑئ ایش انت کہ بہ کجام سیاست زانتئ باروا ای وڑئ معلومات اگہ بہ دیما بئیت ایچ وھدہ گشتگ نہ بیت کہ ای مُلکئ جمھوریتا گون خطرا دیم پہ دیم کنت۔

بری مباحثہ شہ مُچان اھمین سوج ایش انت کہ کجام احوالکارئ ھال غلط بوتگ کنت مگہ بہ پوجئ بھرا کجام سازش و حلاپئ باز عجبین ھبرئ۔ وھدہ کہ بہ کجام سیاست زانتئ باروا کجام الزامئ بہ شرّین منظرئ بھرا الزام و جرم زانتگ بیت دیگہ شہ رئ زنیا جیئگا انت و بری باروا ھیچ نہ گشنت کہ ای پوجین جنرال وتی ای دارایانا شہ گیرکانونین راھ بہ دست آورتگیت و حیرانئ وڑئ معلومات ایش انت کہ شہ حکومتئ نیمگا روشنی پرینگ زروری انت۔

گرچہ بہ جنرال عاصم باروا غلط و گمراہ کنوکین ھال تنک بوتگنت سازش انت۔ پاکستانئ اھوالکار پہ ایشی گناہ کار انت کہ نون پہ کورسئ گرگا بہ امریکہ انت و بہ پاکستان بہ ای سازشئ بھرا گپتگ بوتگیت و ای وڑا دشمنئ چال بی سوب بوتگیت۔ بہ ایشی جاگہ کہ حکیکتا بہ محلوکانی دیما بیارنت، کرار نشنتن چی زرورت انت۔ بہ یک رپوٹئ یا ھالئ پسوئ آ گشتگ بوتگیت باز آسان انت ایش کہ بہ بغض و کینگئ بنیادا مُچین دروگ دور شہ حکیکتا انت۔ عاصم باجوہ کھول، براس و زاگانی دارایی و کار و بارانی باروا و کٹانی بھرا شہ احمد نورانئ رپوٹا شہ سرکارین ادارانی دستاویزانئ نکلا دیما کنگا انت۔ احمد نورانی بہ بازین انٹرویا ای مواقفا بہ وت گپتہ، آ بہ آمریکہ، کانادا، متحدین عربین  امارات بیدئ پاکستانا باجوہ کھول ملک و کار و بارئ باروا شہ کجام سرکارین اپسرئ و چئرمنئ ھالانی باروا رپوٹ نہ رستگیت بلکہ شہ سرکارین ریکاردئ معلوماتا یک وب سائتئ چاپ بوتگیت۔ شہ رپوٹئ دیما، پہ عامین کَسانی وانگا برابیر کرتگنت۔ معلومات بریبرکنوکین اھوالکارئ بدنیت ثابت کنگا و باجوہ نامئ پھد کنگا انت۔

بہ یک اھوالکارئ رپوٹا گیرسرکارین وڑئ انچین ھنگامہ کنگ و سرکارئ نیمگا کرار نیشتن بہ ایشی چہ اسرارئ داریت؟ ایشی گشتن جوان نہ انت کہ پوجئ کجام اپسرئ دارائی باروا پہ پوجا ٹپ رسینتگ کنت، بری بھرا شک و شبہ ودی کنگا انت۔ سوج ایش انت کہ پہ ای رپوٹا پہ چہ اینکس اھمیت دینت۔ پاکستانئ پوج تاناکا عسکرین ادارہ نہ انت بلکہ مُلکئ سیاستا ھم آی کار دست مان دیگ انت۔ بہ ای کردارئ بھرا سوجئ بال کئیت کہ۔ اگہ کجام اپسرئ گیرمعمولین وڑئ امیر ثابت بیت، دیگہ سوج کئیت کہ ای دارایا شہ کجا بہ دست آورتگیت۔