ایغور مسلمان آنی صورتحال سرا پاکستان ائے ڈوہی ایں چپی

پاکستان ائے یکھ شاعر ظفر اقبال ائے یکھ شعر ایں کہ:
دروغ بستئے تہ قائم بی آنہی سرا
مڑدم آر صا حو کردار بیئغ بائید ایں
ما دروغ بندغ ائے پاسو تہ گت نہ کھنوں لیکن صاحو کردار بیئغ زور آگو وکالت ضرور کھز کھنوں۔م دی اشی آر منوں کہ مڑدپ ائے کردار صاف بیےغ بائید ایں،اشی اندرا ہچھ واجھیں کھوٹ بیئغ بائید نئیں۔ ہما دی ٹوک گشی آنہی سرا سختی آگو قائم جکھی۔ آنہی آگر منافقت بیئغ بائید نئیں۔ یکھ واجھیں معاملہ آنی سرا آنہی ائے دو ویچار بیئغ بائید نئیں ناہیں آنہی ائے وقار ختم بی رؤ۔ او مڑدم آنہی سرا باور نہ کھناں۔ ہمیں مثال ائے روژنائی اندرا ہما ساعت آ م پاکستان ائے مزن وزیر عمران خان ائے کردار ائے جائزہ گروں تہ باز افسوس بی۔بیس بی کہ چی مڑدم آنہی آر صاحو کردار پوہ باں۔ لیکن اصلیت اشی ائے بر عکس ایں۔ اصلیت اشیں کہ آں دو دیمی ایں کردار داروخ آں۔ صافیں ٹوکاں گوشتی آ برؤ تہ گشغی بی کہ آں یکھ درغوئیں مڑدم آں۔جہان اندرا ہچھ دی ہندا مسلمان ائے مسلہ دیما کھئے تہ آں آنہی سرا ضرور دھو بوژاں کہ آں مچھیں جہان ائے مسلمان آنی مفاد آنی چیمپین آں۔ نی سجلا روشاں جمو کشمیر ائے معاملہ اندر آں ہاں ہندوستانی سرکار ائے فیصلہ ائے خلاف پاک مقبوضہ کشمیر ائے دارالحکومت مظفر آباد اندرا یکھ مارچ ائے سروکی کھزا۔آہاں ہندوستان ائے ہمیں گام آر غیر قانونی ڈسزا حلانکہ ہندوستان ائے ہماں گام پھیلوئیں بھیرا آئین او قانون ائے دائرو اندرئے۔ آں دیگر پاکستانی سیاست دان آنی واجھا کشمیر آر پاکستان ائے شاۃ رغ دی گوشتؤ نشتی آں۔لیکن ہماں ساعت آ معاملہ چین ائے ایغور مسلمان آنی کھئے تہ آں ہانی دھو آر جندرو مان کھئے رؤ آں چپی آ ننداٰ۔حلانکہ آں مچھیں جہان ائے مسلمان آنی چیمپین بیئغ لوٹھاں تہ ایغور مسلمان آنی سرا بیئغ والائیں ظلم آنی سرا آں ہار وزی دھو بوژغ بائید ایں لیکن آں چین پاکستان سیالداری آر نیاہ دیما دارانا ہمیں جوریں گڑمب ورا رواں۔سوال اشیں کہ چھے چین ائے ایغور مسلمان،مسلمان نیاں۔حالانکہ چینی سرکار آں ہانگو ہما کہ نا روائیں سلوک کھن غئیں آنہی سرا مچھیں جہان راہڑ غئیں۔اقوام متحدہ،امریکہ،برطانیہ،او دیگر ملک آں ایغور مسلمان آنی خلاف بیئغ والائیں سلوک ائے بد گوشی کھزا لیکن ہمیں معاملہ اندرا مان کھائے کہ عمران خان آر آر مار آ بو کھزا۔