سرگال پاکستان لافا سويلن عہدہ آني چھکا فوجي افسر آني تقررفکر ائے وجہ

ہمين ٹوک کھل زانا کہپاکستان لافا سول عہدہ آني چھکا فوجي افسر آني تقرر شروع آژ جزآنا آختا ليکن ملٹر۵ ڈکٹيٹرشپ ائے نياما ہمين جزغ لافا بعض گيشتري بي سا ايوب خان بي يا يحي خان ضياالحق بي يا پرويز مشرف ہميں کھل ايں فوجي حکمراں آني دور لافا فوجي افسر آني تقررسول عہدہ آني چھکا بي آنا آختا او ہماں عہدہ آني چھکا ہماں فوجي افسر مقرر کھزي آ شز ہماں فوجي حکمراں آني نزيخ او وش کھنوخ بيس تاکہ اقتدار لافا رہغ آپا آں اش آني مدد کھز کھناں بے نظير بھٹو
ائے سري ايں دور حکومت لافا ليفٹنٹ جنرل صاحبزادہ يعقوب علي خان آر ڈن ائے وزير کھز۵ آ شزا ہمشي آش صاف پدھر بي کہ فوج ائے شہري انتظاميہ لافا چھختر عمل دخل آ
ہماں زمانہ لافا گھٹ آژ گھٹ يکھ درجن فوجي افسر آني سفارتي عہدہ آني چھکا تقرري کھزي آ شزغيسا
ليکن نزيخ ايں روش آني لافا ہر سرکار او سبکدوش فوجي افسر آني سول عہدہ آني چھکا تقرري لافا بعض گيشتري بي سا
ہميں تقرري آني لافا آش کھل آژ خاص ايں تقرري ريٹائرد ليفٹنٹ جنرل عاصم سليم باجوہ ائے غيں جنوبي کمان ائے کور کمانڈر ائے ڈول آژ  سبکدوش بيغ ائے يکھ روش پھزا ہي ليفٹنٹ جنرل عاصم باجوہ آر چين پاکستان معاشي راہداري
اتھارٹي ائے چئيرمين مقرر کھزي آ شزا
چھئيے ہفتہ پھزا آں ہار سرے وزير ائے خاص ايں مشير برائے اطلاعات او نشريات دي کھزي آ شزا ہماں يکھ سياسي عہدہ ايں اينگا کھنغ اندرا اصول او ضوابط ائے دھيان نہ اير کھزي آ شزا جنرل باجوہ يکھ وخت لافا ہڑدوئين عہدہ آني چھکا فائز رہسغان نوخين خبر آني روگا آں آ ني سرے وزير ائے مشير ائے عہدہ آژ استعفي داسو اشتا گڈا عمران خان آ ہميں گشتو استعفي منظور کھنغ آژ ناہ کھزو اشتا کہ اشي چھکا جھزي اين الزام راست نياں او آں ہار وزي عہدہ الغ ائے
ہچھ لوٹغ نئيں
عاصم باجوہ ہموزا انٹر سروسز پبلک ريليشنز ائے ڈائريکٹر جنرل ساں تہ آں ہي آ وزي معياد کار ائے نياما ہماں وخت ائے فوج ائے سربراہ جنرل راح۵ل شريف ائے بعض گيش چاپلوسي کھغيسا آں ہي وش آدگي کھنغ آگو عصم باجوہ باز نياخت ليکن ہموزا جنرل راحيل شريف ملازمت آژ سبکدوش بي سو شزغاں تہ ليفٹنت عاصم باجوہ ائے دروغ پدھر بي سو شزا ہميں صورت حال بعض فکر دعوخ ايں شہري انتظاميہ لافا فوج ائے ودحوخ ايں عمل دخل آر نہ داشتي آ شزا
تہ پاکستان آپا نتيجہ بعض ردين بي آں