سرگال اعلي ايں ويچار کھنوخ افغانستان آژ متعلق امريکي سفارت کاري آژ پراميد 

فروري لافا امريکہ او طالبان آني نياما منغ نامہ تہ بيسا ليکن ہميں منغ نامہ ائے تعلق آژ شروع آژ ہي شک او شبہات ائے ماحول رہسا ہمشي خاص ايں وجہ ہم اش ايں کہ طالبان آني رويہ چھئيے اينگے رہسا ہمشي آژ ہميں ٹوک شروع لافا ہي پدھر
بي سو شزغيسا کہ آں وزي انتہاہ پسند ايں ويچار آر رد کھنغ چھکا راضي نوي آں پھچے کہ امريکي صدر ڈونالڈ ٹرمپ آہميں ٹوک ائے فيصلہکھزو اشتغيسا کہ آں ہار افغانستان آژ وزي فوج گڑدينغي آں لہزا ہچھ دي صورت طالبان آژ منغ نامہ بي برو تہ جوان ايں ہميں بارو لافا آں ہي سري اين ترجيح ہميں آ کہ امريکي فوجي آني گڑدغ ائے وخت طالبان يا ہچھ دوہمي گروہ ائے وٹ آژ آں ہار ہچھ گزند نہ پجي
گوستي سال ہموزا ٹوک توار چالو بيسغيسا تہ بعض اين راونڈ ائے گپ او تران ائے پھزا وا صدر ٹرمپ آ ہمشي آر رد کھزو اشتغيسا ہمشي وجہ ہميں ڈسزي آ شزغيسا کہ طالبان آ وزي حملہ بند نہ کھزغيساں او اينگے ہي حملہ آني لافا يکھ امريکي فوجي دي کشتي آ شزغيسا بہر حال چھئيے روش ائے پھزا گپ او تران دوہمي دھکا چالو بيسااو ہميں سال فروري ائے مہينہ لافا منغ نامہ دي بي سو شزغيسا ليکن ہميں پلان ائے دوہمي بہر ہم اش ايں کہ اندري ايں افغانستان دي
طالبان او افغان حکومت نيز دوہمي حلقہ آني پھجي آ افغانستان لافا امن ائے تعلق آژ ٹوک توار بي امريکي فوجي آني گڑدغ تہ تکھائي آژ بيس بي ہمشي اشارہ ملغاں آنگا دي نومبر لافا صدارتي گچين کاري بيغ والا آں
او راست پھول کھنے تہ طالبان آژ ٹوک توار ائے عمل يا ہماں منغ نامہ بيسا ہمشي پھزا دي امريکي گچين کاري آر يکھ خاص ايں وجہ پوح بي سي آ رو وا امريکي او مغربي جانچ کھنوک دي ہمين ٹوک چھکا شک پدھر کنھغان کہ طالبان ائے حوالہ آژ امريکہ آ ہماں سفارتي دگ گتا آن سوب مندي ائے وٹ آ رو
اينگا نئين کہ طالبان آژ توک توار کھنغ ائے ہميں سري تجربہ ايں ہماں زمانہ لافا نجيب اللہ ائے کميونسٹ حکومت آسر بيسا تہ اقوام متحدہ آ ثالث ائے کردار ادا کھنغ لوٹھزا ہماں وخت طالبان آ ہميں وعدہ کھزغيسا کہ آں لوٹھاں کہ ٹوک توار ائے زريعہ معاملہ آر حل کھزي آ برو او ہميں کہ طاغت ائے زور چھکا آں کابل چھکا قبضہ نہ کھناں
ليکن ہموزا ٹوک توار جزغيسا کہ طالبان آ کابل لافا کھل شئے اوندو کھزو اير کھزا اقوام متحدہ ائے کمپائوند آر تباہ کھزو اشتا او پيشي اين حکمران آر کشتو اشتا