سرگال: شنگھائ تعاونئ تنظیمئ دیوانا ھند و چینئ گیند و نند۔ 

گون شنگھائ تعاونئ تنظیما ھندیی عھدئ کہ بستہ، ایشا ثابت کرت کہ آ گون اروپا و آسیا ھور تعاونئ دیمرئی دیگئ لوٹوک انت۔ ای تنظیم ھند و وسطین آسیائ نیاما شہ ڈگارین راہ جوڑینگئ بھرا نوکین دھلی وسطین آسیائ مُلکانی نیاما پورہ ئن وڑئ بازین موقع برابیر کنگا بیت۔ گون ای مُلکان معیشیت و توانائی بھران پارٹنرشپ دیمرئی دیگ بوتگ کننت۔ پہ ای مکسدئ چمئ چیرئ گرگا ڈنئ کارانی وزیر اس جئ شنکر بہ مسکو گون ای تنظیمئ ڈنئ کارانی وزیران بہ دیوانئ کوت گپتیت۔ واجہ جئ شنکر ای دورہ کنگ شہ مسکو بہ انچین وھدہ بوت کہ مُچین دنیا گون کووید ۱۹ اوبہ گون معاشی و سوداگرئ چلینجان مکابلہ کنگا انت۔ بیدئ ایشی ھند بہ لداخ شہ چینئ گڈین حرکتانی وجا گون سَکیا دیم پہ دیم انت۔ ھند پہ اولی وار امبرانی بہ ۲۹ و ۳۰ نومبرئ آ شنگھائ تعاونئ تنظیمئ سربراھانی کنفرانسئ میزبانیا کنگا انت۔

سربراہ کنفرانس دورانا پہ سیمین سلامتئ شریکین چلینجانی حلئ پٹ و پولا، ھند گون وسطین آسیا ھور وتی تاریخین بستگئ کٹ گرگئ کوشستا کنت۔ ای تنظیم بین الاکوامین جال-برز ترانسپورٹ و راھدارئ بناہ بیگئ نیمہ داریا کنت۔ ای وڑا ھند بہ توانائی و ترانسپورٹ بھران گون وسطین آسیائ مُلکان وتی تعاونئ دیمرئی دیگا بیت۔ بیدئ ایشی بہ اوگانستانا سلامتئ حالت گیشتر خراب بوتہ کہ اثری بہ سیمئ سرا و جالئ آسیائ سلامتئ حالتئ سرا اثر کلیت۔ بری بھرا اس سی او ریجینال انٹی ٹریزم اسٹرکچرئ نیمگا ھند نہ تاناکا دھشت گردیئ موشکولیانی بھرا داتا بہ دست آورتگ کنت بلکہ گون باسکین مُلکان یکجا بہ دھشت گردیئ حلاپا مشق ھم کرتگ کنت۔ کرونائ وایرسئ اوبہ مُچین دنیا متاثر کرتگیت شہ ای وجا وضعیت بلکل بدل بوتگیت و ھمی وج انت کہ ھند گون ای دیگہ مُلکان بہ سیاسین و معاشین تعاونا نوکین راھانی پٹ و پولا انت۔ پہ چہ کہ پہ ای اوبہ مکابلہ کنگا مُچین دنیائ مُلکانی یکئ بیگ سَک بہ چما کائیت پہ امیشا ھند سیمین تنظیمانی شرّین و گھترین متبادلئ بہ چمئ کئیت۔ جائ کہ باسکئن مُلک وتی وسیلہ آنا یکجا کرتہ گون ای  مکابلہ کرتگ کننت۔ مثالئ وڑا ھند و روسیہ اسپنٹک ۵ پورہ ئن و جھولین دلچسپئ نشان دات۔ نوکین دھلی بری وھدہ گون مسکو بہ واکسینئ سومی مرحلہ ٹرایلا تیارئ باروا گپ و تران کرتیت۔ روس ھم بہ ای باروا دلچسپی نشان دات۔ اس سی او سکرٹر جنرال ولادمیر نوروف امبرانین سالا جنورئ نوکین دھلئ تھا بہ وتی دورہ کنگئ دورانا ای ھبرا منت کہ بہ واکسینئ پٹ و پول و دیمرئیا گون ھند اھمین کردارئ داشتگ توانیت۔ سرئ وزیر نریندر مودی، بہ دیمترئ سالا بہ کرقزستانئ بنجاہ بہ بشکیک تنظیمئ سربرھانی دیوانا گشت کہ ام بہ دروائی، معیشیت و توانائی برابرین وسیلہ و بہ دود و ربدیگین بھران پہ تعاونئ مستحکم کنگا ضرورت انت۔

بیدئ ایشی مئ سماج دھشت گردیئ پاک کنگا باید بیت و ای کارا اما مُچین یکجا کرتگ کننت۔ بیدئ ایشی سوداگری، معاشی و سلامتئ چلینجان ھند شہ چینئ نیمگا ودی بوتگین سَکیانا دیمپانی کنگا انت۔

ڈنئ کارانی وزیر اس جئ شنکر بری وھدہ بہ ڈنئ کارانی وزیرانی دیوانا وھدہ کوت گپت کہ پہ لداخئ سَکئ کم کنگا ضرورت انت۔ اس سی او دیوانئ کنیکا واجہ جئ شنکر، چینئ ڈنئ کارانی وزیر وینگ ایی گیند و نیند کرت و پہ سیمسرئ سَکیانی کم کنگا خیالانی بدل کنگا بوتنت۔ امیت روت کہ دوکین مُلک پہ سیمسرئ تعطل بھرا بہ کجام معاھدہ برسنت۔ دوکین وزیر ایشی سرا ھم تپاک کرتنت کہ دوکین مُلکانی نیاما پہ اختلاپ و جیڑوانی گیش بیگا اجازت مہ دینت۔ ای ھبرئ سرا ھم تپاک کرتنت کہ بہ سیمسرین ھندان ای کار پہ ھیچ مُلکئ کٹا نہ انت پہ امیشا ایشی سرا تپاک کرتنت کہ دوکین مُلکانی پوجانی گپ و تران پہ سَکئ کم کنگا ھر چی زوتر بناہ بیت۔ دوکین مُلک ای ھبرئ سرا ھم تپاک کرتنت کہ سیمسرین معاملانی باروا دوکین مُلکانی نیاما ھم معاھدہ احترام بیت و شہ ھر وڑئ حرکتئ دوری کننت کہ حالات گیشتر خراب مہ بیت۔ واجہ جئ شنکر و واجہ وینگ ای ای ھبرئ سرا ھم تپاک کرتنت کہ پہ سَکی کم کنگا بہ سیمسرین ھندان پہ امن و امان برجا بیگا پہ باورئ ودی کنگا نوکین گام گپتگ بیت تہ کہ گپ و تران بیت۔