موضوع: چین ائے خلاف ایغور مڑدم آنی حون ریزی ائے الزام آنی یورپ اندرا جاچ جوچ

اردو ائے یکھ باز کاہنیں اصرہ ایں ہماہی آر جدا جدا موقع آنی سرا مڑدم استعمال کھناں:
جو چپ رہے گی زبان خنجر،لہو پکارے گا آستیں کا۔
جائی دی بازیں معاملہ آنی اندرا پھیلو ئیں بھیرا ہمیں راست  بی۔مثلن چین ائے یکھ مغروی صوبہ شن جیانگ اندرا ایغور مسلم مڑدم آنی ردین حالت ائے ذکر نی ہر وٹا بیئغ شروع بیسؤ شزا۔اقوام متحدہ آ باز پیشا ہی چین آر خبردار کھز غئے سا کہ ُن ایغور مسلمان آنی خلاف ہماں کاروائی کھن غئیں آنہی ائے مہذب سماج کڈہیں برداشت کھز نہ کھنتھ۔۔پموزا نہ چھڑوئی آ ایغور مسلمان آنی دینی پھجھارگی آر ختم کھنغ ائے گام زڑتھی آ رؤغان او ّن ہار حراستی کیمپ آنی اندرا ایر کھزؤ وڑ و ڑ ائے وئیل داسی آ رؤغاں بلکہ نی ہمیں ٓؒذٓإ ڈٰ إٓن آغئیں کہ آہانی حون ریزی یا نسل کشی کھزی آ رؤغئین
لیکن وزی توسیع پسندانہ ویچار او چی اے معاملہ آنی اندرا زوراور بیئغ ائے نشہ لافا آں عالمی صلاح ّژ دی چھم چھرینانا آتکا۔۔صوبہ شن ضیانگ اندرا ہماں کارنامہ آں آں انجام دئے غئیں،اشی آژ علاوہ ھانگ  کانگ اندرا جمہوریت پسند او وزی حق آں پا توار کھڑو کھنغ والا آنی توار آر ہما واجھا دبائینغئیں آنہی سبب آ دی مچھیں جہان اندرا آنہی ائے خلاف احتجاج ائے توار کھڑو بیغئیں۔ہانگ کانگ اندرا چی روش پیشا تکا ہما کہ نظام جزغئے ہما ہی آپا چین عہد بند دی استا لیکن نی آنہی آ یکھ وٹٰی کاروائی کھزؤ ہموزا دی ہماں ظلم ایں نظام آڑتھا ہما چین اندرئیں۔اشی آژ علاوہ تائیوان او تبت اندرا دی اشی ریکارڈ جوان نئیں او مڑدی حق آنی خلاف ورزی دی بیئغیں۔
اشی چھکا وئیل اشیں کہ مچھیں جہان ائے الزام آنر رد کھنغ او وزی سیاہ ایں کار آنی سرا پڑدہ پھرینغ آُپا وزی اتحادی پاکستان آر وزی ڈھال کھنغ ائے کوشش کھنغئیں۔ آنہیی آر غلط فہمی اشیں کہ پاکستان آر وام او دیگر رعایت داسؤ آنہی ائے حنایت آگو عالمی رائے عامہ آر بدل کھنغ اندرا سوب مند بی رؤ۔ ہمیں حور آگو اشی آژ مزائیں لطیفہ چھے بیس بی کہ آنہی آ پاکستان آگو ہیں بدھی کھزا کہ کشمیر ائے معاملہ اندرا آں پاکستان ائے موقف ائے حمایت کھنتھ ہماہی عوض آ پاکستان،شن جیانگ،ہانگ کانگ،تایئوان او تبت اندرا چین ائے گام آنی پاسو گت۔حٰیر ہمیں نیاما اے حال آتکا کہ صوبہ شن ضیانگ اندرا ایغور مسلمان آنگو ہما کہ وئیل بیغئیں آنہ بارو آ مچھیں جہان اندرا باز زور آگو گالی بیغاں۔۔