سرگال ہند ائے خلاف عمران خان ائے زہر پدھر کھنغ

ہمانگا کہ پيشا محسوس کھزي آ روغيسا کہ پاکستان ائے اپوزيشن پارٹي آں موجودہ ايں حکومت ائے خلاف احتجاج چالو کھنغ آپا ہماں يکھ نوخيں محاز ٹھائيتھا آں ہميں وجہ آژ دوہمي ايں ہماں ني آژ پيشا فوجي آمريت ائے خلاف قائم بيس
اگرچہ ہميں وخت يکھ سيولين حکومت برسراقتدار ايں ہمشي سربراہ تحريک انصاف پارٹي ائے رپنما عمران خان آں ليکن عام ايں تاثر ہم اش کہ ہميں فوج ائے زريعہ پاکستان چھکا مسلط کھزي ايں حکومت ايں ہمشي آر اپوزيشن پارٹي گچين حکومت نہ مناں بلکہ يکھ سليکٹيڈ گورنمنٹ منغاں
اپوزيشن پارٹي ائے مطالبہ ائے بنيادي ٹک ہم اش ايں کہ فوج سياسي معاملہ اندرا دخل ديغ بند کھنت او وزي طاغت ائے غلط ايں استعمال کھزو رياست ائے آئيني ادارہ آني مدد آژ سياسي حالات آر وزي مرضي ائے روگا غلط ايں دگ ديغ ائے
کوشش نہ کھنت
اپوزيشن پارٹي آني ہماں کانفرنس بيسيغسا ہمشي آر لندن آژ وڈيو رابطہ ائے زريعہ پيشي ايں سرے وزير نواز شريف آ دي ديم کھزغيسا پاکستان ائے مخلوق آ دي دو سال آژ گيش وہلہ تکا حالات آني مشاہدہ کھزا او ہميں ٹوک ني کھل آني سمجھ لافا آئغيں کہ عمران خان او آں ہي کابينہ ائے آقا او منوخ ٹوک آني سوا ہچھ نہ کھناں ہر محاز چھکا حکومت ناسوب رہسا
وا فوج آ تہ ہميں تاثر داسا کہ آں سياسي معاملہ لافا ہر گز مداخلت نہ کھنت آں تہ ہماں چھئيے کھنت ہمشي ہدايت ہمشي آر
گچين حکومت ائے وٹ آژ داسي آ رو ليکن فوج ائے وٹ آژ پيش کھزي ايں ہميں وضاحت آژ مخلوق مطمئين نيان پھچھے
کہ آں کھل شئے وزي چھم آژ گندغاں سپريم کورٹ ائے يکھ جج فائز عيسي آ يکھ معاملہ لافا فوج ائے خلاف يکھ فيصلہ اش کھنائيتھغيسا ہمشي لافا آں ہي آ گوشتغيسا کہ فوج ائے چھئيے افسر سياسي معاملہ لافا مداخلت کھنان او ہميں ڈول آ
آں وزي حلف ائے راست ايں ڈول آ خلاف ورزي کھناں
ہميں بارو لافا آں ہاں وزارت دفاع آر ہدايت داسغيسا کہ آں فوج ائے ہڑسائين وٹ ائے مزن ايں افسران آژ گشاں کہ آں
اينگے غلط کھنوخ ايں فوجي افسر آني سدھ جناں او اش آني خلاف جوائين کاروائي کھنان