سرگال: تایوان پہ ھند و عالما اھمیتئ وڑ بیگا انت۔ 

چینئ دیمرئی پسندین پالسی و جارحانہ ئن رپتار پہ دنیائ گیشترکین مُلکان سَکئ جور بوتگیت۔ نونین وھدہ مُچین دنیا ھند و آمریکہ بستگیانا گون چین گیندیت کہ چی وڑا انت۔ بہ انچین وھدہ تایوان ھما مُلکئ انت کہ ایشی گامانا اوشتارینتگ کنت یا کہ ایشی را نشانہ کنگئ ذریئہبوتگ کنت۔ گون تایوان آمریکہ بستگی دیم بہ دیمرئیا انت و ایش پہ چین ناوشنودئ وڑ انت۔ ھمی گئوستگین ھپتگانی تھا آمریکہ سروکین حکام شہ تائپئی دورہ کرتنت۔ اکتسادین کارانی نایب وزیر کیتھ کریچ ھما روچئ کہ شہ تاپئی دورہ کنگا اتنت، چینئ جنگین جھاز چُنتی وار شہتایوان و چینئ نیامئ سیمسرا حلاپ ورزی کرتہ بہ تایوان تھا اتنت و شوتنت و گون ایشی کوشست کرتنت ای پیگاما دینت کہ تایوان و آمریکہ نیامئ دیم بہ دیمرئین بستگئ پہ چین منگئ وڑ نہ انت۔ تایوان ھم پہ پسوئ دیگا پہ چینئ جنگین جھازانی اوشتارینگا وتی جنگین جھازانا دیمدات پہ آوانی جانا۔ تاناکا ایش نہ بلکہ چین ایشی را ھم اعلان کرت کہ بہ آبائی تایوان تھا پوجین تمریناتانا بناہ کنگا انت۔  شاید ای مُچین بس نہ اتنت کہ چینئ ھوائین پوج یک ویڈیو نشر کرت کہ بہ آی تھا نشان داتنت نیوکلیائین صلاحیت دارین اچ ۶ جھاز آمریکہ بحر الکاھل، بہگووام جزیرہ تھا بہ اینڈرسن ھوائین آڈہ سرا ھلگر کنگا انت۔ جناب کیتھ آمریکہ ڈنئ کارانی وزارتئ سروکین و سینئر ئن کارکنوک انت کہ بہ گئوستگین ۴۰ سالئ تھا اولی وار انت کہ شہ تایوان دورہ کرتگنت۔ چینئ ھالتاک گلوبل ٹائمز بہ جناب کیتھ دورہ باروا چیزئ لیکتگیت کہ بہ آیتھا گشتگیت کہ تایوانئ سربراہ سائی انگوین گون آچا گوازی کنت و اگہ چینئ علیحدگی پسندئ حلاپئ کانونئ کجام حلاپ ورزی بیت رندا جنگئ پھاد بیت کہ بہ آی تھا سائی ٹپ گیندیت۔ دیگہ نیمگا چینئ ڈنئ کارانی وزارت یک وارئ دیگہ ای ھبرا گوشا جت کہ تایوان آی جیتا نبوگینٹوکورئ انت۔

سرئ ایشی ھم  چینئ ای حکرت بہ سائی انگوین سرا ھیچ تاثیرئ نہ داشت۔ آوان عھد کرتنت کہ گون آمریکہ وتی بستگیانا جھولتر کنگا بنت بہ تائپئی- بحر الکاھل سیمانی امن و امان و دیمرئی بھرا یکجا کار کنگا بنت۔ تایوان ھمی وڑا پہ چین گشت کہ آ پورہ ئن وڑئ حک داریت کہشہ وتی دپاع کنت و ھر کجام جارحیتئ کہ تسر بیت پہ آی پسوئ داتگ بیت۔

ٹرامپ انتظامیہ پہ تایوان بہ برزین کچانہ مدد کرتگیت و بری روچان ای مدد دو برابر بوتہ۔ دیم شہ جناب کریچ دورہ آمریکہ دروائی وزیر ایلکس آذر ھم شہ تائپئی دورہ کرتنت وھدہ کہ ھالانی تھا ای ھبر چار کرت کہ آمریکہ پہ تایوان سلیح سپلائی کنت آ ھم بہ برزین کچانہ و بہ ایسلیحانی تھا ھما میسائلئ کہ پہ دورین جاگانی سرا وار کنگئ بھرا جور بنت ھم شامل انت کہ اگہ کجام جنگئ پھاد بیت گون آوان چین آ نشان گپتگ کننت۔ دیمترئ سالئ تھا آمریکہ اعلان کرت کہ پہ تایوان ۶۶ ایف ۱۶  جھاز ھم مددئ وڑا دیم دنت۔

کرونائ اوبہ شہ چین بناہ بوت و چین پورہ ئن وڑئ کوشست کرت کہ ایشی را پردگ کنگ و پورہ ئن عالم ھم شہ ای ھبرا بدگشی کرت مگہ رندا شہ اوبہ تنک بیگا رازئ کہ تایوان آی را کنٹرل کرتگیت، پورہ ئن عالم شہ آی وش گشی کنت۔ ایشی تیارئ پہ لڑگا گون ای اوبہ شہ ایشی درابیت کہ ھور گون ھند آ پہ گیش شہ ۸۰ مُلکان دوا سپلائی کرت۔

ھندوستان ھم کوشستانا بناہ کرتگیت کہ وتی و تایوان بستگیانا بہ نوکین نیمگان بارت۔ بہ ھمی گئوستگین سالانی تھا دوکین مُلکانی نیاما اکتسادی و سوداگرین بستگیانی بھران بہ برزین کچانہ  دیمرئی بوتگیت۔

شہ ای وجا کہ بجینگ و واشینگتن نیاما سوداگرین جنگ رادگ انت پہ ھندوستان بستگیانی دیمرئی دیگ گون تایوان یک شرّین وھدہ انت۔ گون چینئ بدحالین اکستادین حالاتان، تایوانئ سرمایہ کار شہ چین بہ برزین کچانہ مایوس انت۔ آوان پہ نوکین بازاران گردنت و گون دیم بہ دیمرئیاکتسادا ھندوستان پہ سرمایہ کاریا پہ آوان شرّین اھدہ فراھم کرتگ کنت۔ تایوانئ سربراہ سائی بہ وتی نوکین ساوتھ باونڈ پالسی سیائگا بہ جال و جالئ روچ دراتئ سیمان پہ نوکین شریکان گردیت۔ ھندوستان پہ تایوان سوداگرین شریکئ بوتگ کنت۔ بین الاکوامین دپترانی تھاھندوستان ھر وھدہ وتی توارا پہ کسان و بی وسین مَلکان برز کرتگیت آ باید انت کہ تایوانا ھم بہ وتی ترجیحاتانی تھا شامل کنت۔ تاناکا ھمی وج نہ انت، گون تایوان سوداگری، اکتسادی و دود ربیدگین بستگیانی سَک کنگ پہ ھندوستان ھم کٹئ وڑ ثابت بوتگ کنت۔