سرگال: کواڈ مُلکانی ڈنئ کارانی وزیرانی دیگہ دیوان۔

کواڈ مُلک یعنی، ھند، استرالیا، جاپان و آمریکہ ڈنئ کارانی وزیرانی دیوان بہ سہ شنبہ روچا بہ توکیو بوتیت۔ ڈنئ کارانی وزیر اس جئ شنکر آمریکہ ڈنئ کارانی وزیر مایک پامپئو، استرالیائ ڈنئ کارانی وزیر ھیرائزر یسن و جاپانئ ڈنئ کارانی وزیر موتیگی توشنیتسونی بہ وتی گیند و نیند دورانا رندا شہ کووید ۱۹ ودی بوتگین چلینجان پکرانی بدل کنگا بوتنت۔

دنیائ گیرباورین وڑئ معاشین حالتئ بہ آمریکہ و چینئ نیاما شہ سَکی گیش بیگ و سیمین سَکی و عالمین اوبائ چمئ چیرئ گرگا ای دیوان پورہ ئن وڑئ اھمیتئ وڑ اتیت۔ ای مُلکانی دیمئ وزارتین دیوان، دیمئ سالا بہ سپتمبر ماہ رندا شہ اکوام متحدہ جنرال اسمبلئ دیوانا بہ آمریکہ بوتیت۔ ای دیوانئ مکسد ھند و بحر الکاھل و سیمین معاشئ دیمرئی و وشھالئ دیمرئی دیگا اتنت۔ بری دیوانئ دورانا حیالانئ بدل کنگا بوتنت کہ بہ بحرالکاھل سیما، ھر وڑئ کہ بوتگیت بہ اصول و ضوابط سیائگا یک یقینین وڑئ نظامئ جور بیت۔ سہ شنبہ روچا بہ توکیو دیوانئ ایجنڈا ایش ات کہ رندا شہ اوبا گون ودی بوتگین چلینجان گون یکجا بوتہ مکابلہ کنگا بنت۔ انچین واکسینئ جور بیت کہ عامین مھلوک زیتگ کننت و پہ آسانی بہ دستا بیئت۔ ھور گون ایشی شہ دنیائ اوبا ودی بوتگین معاشین بدین حالانا گون آی مکابلہ کنگا بنت، مگہ پہ ای مُلکان شہ مُچان اھمین موضوع ایش انت کہ ھند و بحر الکاھل کانون و حکمرانی پاک و ساپین ؤڑئ جھازانی آزاتی، سیمین وت واکی و سالمیت و ھمی وڑا جیڑوانا شہ امن ئن راھا باورین وڑئ شہ دیما زورنت۔ بری باروا حیالانی درا کنگا بوتہ و پہ سیمین اسٹراٹجیک و استحکام و آسیائ مرکزین کردارا داشتگ کننت۔ ای ھر چارین مُلکانی نیاما شہ لوجسٹیک معاھدہ نیمگا پہ سیکورٹین تعاونئ دیمرئی و پرواک بوتگیت۔ ھند-پسفیک اوشنئ انیشیٹیو، ھند و بحر الکاھلئ حفاظت و مستحکم کنگا شرین کردارئ داشتگ بنت۔

بہ دنیا رندا شہ اوبا تنک بیگا بہ معیشیت و ٹیکنالوجئ بھران بدل بیگئ کہ آتگیت، چمئ چیرئ گرگی زروری انت کہ سپلائی چینئ گھتیر بوتگیت۔ رندا شہ کووید ۱۹ تنک بیگا خللئ کہ بہ نیاما آتگیت گیشتیرین سَکیا دیم پہ دیم بوتگیت۔

لھتین شہ کواڈ مُلکان شرین گام زورتگنت مثالئ وڑا ھند و بحر الکاھل پہ یک معتبرین سپلائی چینئ جور کنگا استرالیا، ھند و جاپانئ سپلائی چینئ ریزیلینس انیشیٹیو بہ نیاما آتگیت۔ پاک و ساپین بحر الکاھلئ دیمرئی دیگا بہ بیادین بھران پہ سیمین کنیکٹیویٹی آ زروری انت۔ بری بھرا دنیا جوان زانتگ بیت ای وڑی حکمرانئ سرا کواڈ مُلک سَک بوتگنت۔ بیدئ ایشی پہ سیکورٹین چلینجانی بھران حیالانی بدل کنگا ای ھبرئ سرا خاسین توجہ داتگنت کہ دھشت گردی و سائبر کرایم وڑی حالتانی مکابلہ کنگا بنت۔

بہ سپتمبرا سرئ وزیر شینزو آبہ استفاء رندا نوکین سرئ وزیر یونسی ھیدی سوگا ای عھدا بہ دست گپتہ و دیوانئ لوٹت۔ بہ گئوستگین سرئ وزیر شینزو آبہ باروا گشتگ بیت بہ کواڈ جور بیگا کلیدین کردارئ داشتہ و شہ آی ھر نیمگین کوشستانی وجا ای ڈل بہ نیاما آتیت۔ پہ امیشا مُچین ڈنئ کارانی وزیر بہ یک راھئ و یک پلیٹفارمئ بہ واجہ آبہ کوشستانی نیمگا سوبین بوتنت۔

ڈنئ کارانی وزیر واجہ اس جئ شنکر بہ وتی گوشتانکا گشتیت کہ ما بہ کانونئ سیائگا بہ عالمین نظاما شہ امنئن راھئ حل کنگئ احتراما دارنت۔ آوان یقین درا کرتنت کہ ھند و بحر الکاھل حیالی پہ تروندی دیمرئی کنگا بیت و بہ آیوکین سالا ھندوستان پہ دو سالا سلامتئ کونسلئ گیرمسقلین  باسکئ وڑا ذمہ زورگا انت و پہ ای ھبرا کوشست کنگا بیت کہ عالمین چلینجانا ھر چی زوتر مکابلہ کرتگ کنت و سہ نیمگین ادارین اصلاحات پاک و ساپین وڑئ بیت۔ بہ توکیو دورہ کنگا واجہ جئ شنکر جاپان، استرالیا و آمریکہ ڈنئ کارانی وزیرانا دو نیمگین گپ و ھبر ھم کرتنت۔

جاپان بہ ھندیی ایکٹ ایسٹ پالسئ اھمین ستون، واجہ سوگا شہ سرئ وزیر بیگا رندا پہ ھند یقین داتگیت کہ ھند و جاپان خاسین اسٹراٹجیک و عالمین پارٹرنشپ آ پرواک کنگا بنت۔