سرگال: بہ پاکستانا گیچئن بوتگ و گیچئن کنوک دوکین گون آزمایگا دیم پہ دیم۔ 

بہ پوجین و سیاسین کَش و گیرا پاکستانئ جمھوریت یک وار پھدا سَکین آزمایگئ چیرا انت، جائ کہ شہ پاکستانئ رینجیرزانی نیمگا سیندھ اینسپکٹر جنرال آف پولیس جیئنگئ بھرا و پھدا پاکستانئ مسلم میگ نوازئ سروک صفدر ایوان گرگئ دپاع کنگا انت، گرچہ گیسویین کارانی بریڈیگیر عجاز شاہ گشتیت کہ زینگئ چار ورگئ کوشستا کرتہ و بہ جمھورین نظاما ھر وڑئ سیاسین سروکانی خیالانی درا کنگ، آزاتئ ناما کومین ادارانی نشان گرگئ اجازت داتگ بیت۔ مگہ حالات روچ بہ روچ بدل بیگا انت و وضعیت بدتر شہ ایشی معلوم بیت کہ پاکستانئ پوجین سربراہ قمر جاوید باجوا پہ راستین وڑئ شہ مھلوکانی غم و غصہ رندا بہ گڈین جیئنگئ بھرا پٹ و پولئ حکما داتگیت۔ بری بھرا بہ پاکستانئ ایوانئ بالا اپوزیشین بہ کراچی ھوٹلا مسلم لیگ نوازئ صدرئ کمکار مریم نوازی اتاقئ دروازگئ پروشگئ بھرا و آی مردئ گرگ و سندھ اینسپکٹر جنرال آف پویس جیئنگئ بھرا بری ایوانا پہ تفتیش کنگا کمیٹہ جور کنگئ قراردادئ دیما کنگا بوتنت۔

بہ سیندھ صوبہ حکمران پاکستانئ پیپلز پارٹئ سروک بلاول بھٹو زرداری شہ استمانئ نیمگا شہ پوج و اینٹلیجنسین سربراھان پہ ای معاملہ پٹ و پول کنگئ لوٹوک بوتگیت و گشتگیت کہ ای وڑئ واقعہ شہ وتی حدا گئوستگنت۔ شہ دیگہ نیمگئ پاکستانئ ڈموکراٹیک موومنٹ” پی ڈی ام” شریکین اپوزیشنئ اتحادئ بیرکا سیاسین جماعتئ دستین حکومتئ حلاپا بہ کراچی سَکین احتجاج کنگا بوتگنت و درائین وڑئ عمران خانی حکومتئ روزگار بوتہ، شہ میڈیائ دیما بہ کراچئ ریلی آ بہ برزین کچانہ مردم کوت گپتتنت۔ بری احتجاجا بہ مُلکا گون جمھوریتا پوجئ بستگی شہ سر نوک جائزین وڑئ پاچ بوتگیت۔ سرئ وزیر عمران خانی حکومت بہ پاکستان جمھوری کم و نیمہ پوجی گیشتر گشتگ بیت۔ ای دستین حکومت قراردادئ مسترد کنگا بہ احتجاجین دیوانا گشتگ بوتگیت و عمران خانی حکومت بہ درگیتگ بوتگین جاگہ شہ پوجین جنرالانی نیمگا گیچئن بوتگیت و پہ امیشا پہ آی سلکتد ناما داتہو درائین وڑئ وتی بدگشئ نشان گپتگنت۔ پاکستانئ ڈموکراٹیک موومنٹ ” پی ڈی ام” ھور دیگئ کوت گرگ، پشتون و بلوچانی نمایندگ و دیگہ کومین جماعتانی سروک ھم ھور بوتگنت۔ ای وڑا دیستگ بیت کہ بہ گڈین کراچی ای واقعہ گون پوجا عمران خانی بی سوبین حکمت عملئ بھرا بہ مُلکا بہ برزین کچانہ پہ احتجاجین نوکین تحریکئ رازئ دیگئ راہ آوار بوتگیت۔  درا انت کہ عجاز شاہ پاکستانئ اینترسرویسز اینٹلجنس ” ای اس ای” گئوستگین آپریٹر انت کہ آی گیشترکی دھشت گردیئ پالسیانی دیمروک انت و شہ جمھوریت پسندین حلقہ آنئ نیمگا بدگشئ نشان انت۔ لھتین بری خیالا انت کہ آوان بہ مسلم لیگ و پیپلز پارٹی نیاما سَکی ودی کنگئ چالا دیما برتگنت و بہ گیسویین کارانی وزارتئ سرا ای الزام جتگ بوتگیت کہ صفدر ایوانئ گرگ و مشتاق مھرئ جیئنگ بہ ای وزارتئ گشگا بوتگیت، پہ چہ کہ رینجیرز بہ پاکستانئ گیسویین سکرٹرئ فرمانا انت، گئسوتگین سرئ وزیر پاکستانئ بی نظری بھٹوئی یک کاگدئ لیکتت بوتیت کہ اگہ کجام وختئ آی قتل بوت و آی را چیزئ بوت بہ آی بریگیڈیر شاہ دست انت۔ رندا شہ بی نظیر کشگا بریگیڈر شاہ بستگی آ گون القاعدہ و طالبان الزام جتنت۔

گرچہ شہ ای شریکین اپوزیشنئ اتحادا پوج باز محتاطین وڑئ دیما روت و ھر چیزئ سرا پردگ پرینگئ کوشستا انت و تہ جائ کہ ای حلقہ گشنت ھر چیز شہ وت یک حدئ داریت و پہ ھیچ وجئ ممکن نہ انت کہ وتی سیاسین عمالانا دیما بارت و وتی دست مان دیگانا شہ مردمانی چما چیر ساتیت و بہ ایشئ سوبین بیت۔