سرگال: ھندوستانئ ڈنئ پولسئ اھمیت بہ اروپائین مُلکان۔

ڈنئ سکرٹری ھرش شرینگلا شہ اکتبرئ ۲۹ تہ نومبرئ ۴ بری نیاما شہ اروپائین سہ مزنئن مُلک فرانسہ، جرمنی و بریطانیہ دورہ کنگا بوتیت و گون آوان بہ ھندوستانئ اسٹراٹجیکین بستگئ بھرا و بہ کوویڈ-۱۹ اثرانی برز روگئ بھرا و بہ سیما گون چین بہ تعطلئ بھرا ای دورہ پورہ ئن وڑئ اھمیٹئ وڑ اتیت و بہ دو نیمگین بستگی و سوداگرئ و ھمی وڑا بہ سرمایہ کارئ دیمرئی دیگئ بھرا توجہ داتگ بوتگیت۔

دیم شہ ای دورہ کنگا واجہ شرینگلا بہ پاریس رستیت ای ھبر یاتئ وڑ انت کہ گون فرانسہ ھندوستانئ دپائین بھران پہ توانائی دیمرئی دیگا اھمین کردارئ داشتگیت و آی گواہ ستامبرا رافائل جنگین تیارہ بہ ھندوستانئ ھوائین بھرا ھور بوتیت۔ بہ ھندوستانئ ھوائین بھرا فرانسہ جنگین تیارہ آنی ھور بیگ بہ مُلکئ دپائین بھرا توانائی پورہ ئن وڑئ گیش کرتیت۔ بہ پاریس یک نامدارین ٹینک ٹنک گون آئ ایف آر آی بہ وتی خطابا واجہ شرینگلا رندا شہ کوویڈ-۱۹ بہ ھندوستانئ پالسئ بھرا روشنی پرینتیت، آی ای ھبرئ یاتا کرتیت کہ ھندوستان ھر وڑئ کہ بوتہ شہ کوویڈ-۱۹ دیمگیری کنگا بوتگیت، شہ ای عالمین اوبہ وجا بہ مُلکا اختراع ھم دیمرئی کرتگیت و گون کمین خرچئ طبین سامان بہ مُلکا جور بوتنت۔ بری گوشتانکا شہ کوویڈ ۱۹ الاس بیگا رندا دنیائ کہ بہ نیاما کائیت بہ اودان ھندوستانئ ڈنئ پالسی بہ ترجیح انت۔ شہ نوکین دھلی نظرئ دیما بہ دنیائ ھر نیمگئ اصول و ضابطہ سیائگا پہ نظاما باز اھم و زروری انت، پہ ھندوستان بہ اروپا فرانسہ باز اھمیتئ وڑ انت پہ چہ کہ بہ آیوکین نظامان یک آزاتین ستونئ انت۔ بہ ھما روچا یعنئ بہ اکتبرئ ۲۹ وھدہ کہ واجہ شرینگلا بہ پاریس رستیت بہ ھمی روچا یک دھشت گردین ھلگرئ ھم بہ نیس شھرا تسر بوت و ۳ مردمانا کارچ جتنت و کشتنت۔

ای دھشت گردین ھلگرا سرئ وزیر واجہ نریندر مودی سَک بدگشی کرتیت و وتی دل پہ دردیا پہ فرانسہ مھلوکان درا کرتیت۔

بہ ای دورہ دومی مرحلہ واجہ شرینگلا بہ جرمنی شوتیت، بہ اودان آی گون چانسلر میرکل و ڈنئ سیکورٹئ پالسئ مشیر جان ھیکرا آی را ھم گیند و نیند کرتیت و بہ عالمین ادارانی اصلاحاتان بہ ھند و بحرالکاھل بھرا جرمنئ نوکین حکمت عملئ بھرا خیالانی بدل کنگا بوتنت۔ بیدئ ایشی آوان بہ ھندوستانئ نوکین کارین پروگرامئ بھرا، جرمنئ اھمین رولئ بھرا گپ و ھبر کرتنت۔

ھندوستان شہ آ چُنت مُلکن انت کہ گون جرمنی بہ اعلائین کچانہ گپ و تران کنگا بوت۔ تاناکا ایش نہ انت بلکہ جرمنئ بہ اروپائ اتحادیہ پہ ھندوستان شہ مُچان مزنئن سوداگرئ پارٹنر استیت۔ بہ ھند و بحرالکاھل بھرا چین وتی توانائی برز برگئ کوشستا انت۔ شہ چینئ ای کوشستئ وجا جرمنئ ھم بہ تشویشا انت۔ پہ چہ کہ شہ چینئ ای حرکتا بہ سیما پہ جرمنئ کٹان ٹپ رسینگا انت۔ پہ امیشا ھند و بحر الکاھل بھرا آی نوکین پالسی درائین وڑئ بہ چما کئیت، ھور گون جرمنی ھندوستان بہ چارئ ڈلا یک کوتئ انت۔ ای ڈل باز سَکین وڑئ بہ اکوام متحدہ سلامتئ کونسلا بہ اصلاح وکالت کنگا انت۔

ھندوستان بہ آیوکین سالا سلامتئ کونسلئ باسک اختیارئ واووند بیت و ای ھبرا دیستہ ای گیند و نیند باز اھمیتئ وڑ بوتگ کنت۔ بہ دورہ کنگئ گڈسرا واجہ شرینگلا بہ برطانیہ شوت و ھر چی زوت شہ اروپائ اتحادیہ در بیگا انت۔ پہ امیشا ھندوستان گون آی پہ دو نیمگین بستگئ گیش دیمرئی دیگا لوٹیت و بہ برزین کچانہ بیدئ گپ و ترانا واجہ شرینگلا نام دارین ٹینک ٹنک پالسئ اکسچنجا ھم گوشتانگ دات۔ بہ اودان آی بہ ھند و بحرالکاھل باروا بہ ھندوستانئ وژنئ سرا روشنی پرینتیت و ھندوستان بری بھرا اھمیتئ وڑ انت۔ ڈنئ کارانی وزارت بری بھرا بہ ھند و پسفیک ایند اوشنیائ ناما یک نوکین دیویژنئ سَک کنگا انت۔ بہ کوویڈ ۱۹ تنک بیگئ بھرا رندا شہ آی بہ مُچین دنیا دیوان تسر بیگا انت مگہ واجہ شرینگلا شہ اروپائین مُلکان دورہ کنگا بوتیت بہ ایشی ایچ شَکئ نہ انت کہ گون ای مُلکان ھندوستانئ اسٹراٹجیکین بستگی گیشتر پرواک بیت۔