سرگال: مذھبین اھانتئ کانون و پاکستانئ ھیندوئ اقلیت۔

بہ پاکستانا مذھبئ توھینئ کانون یک ای وڑئ سلیح انت کہ مذھبین اقلیتانی حلاپا شہ آی کٹ گرگا انت و وتی ذاتین دشمنانا بہ اسلامئ اھانتئ الزاما سرئیش جتہ و نام برتگین کانونئ سیائگا مقدمہ درج کنگا بنت۔ بہ انچین مقدمہ ملزما گرنت و آی حلاپا رندا نا انصاپئ سلسلہ بناہبیت۔ یاتئ وڑئ ھبر ایش انت کہ نہ تاناکا گیرمسلمان بلکہ مسلمان ھم گون ای کانونا پازاب انت۔ ھیندو و مسیحی خاسین وڑئ نشان گپتگ بنت۔ مذھبئ توھینئ بھرا لھتین الزام اگہ درست بنت مگہ گیشترکی غلط انت۔ انچوش ھم بوتگ کنت کہ بہ قرآن مجیدئ کاگدانی بی حرمتئ الزاماھم یکئ آ دیگرئ سرا عاید کنگا بنت۔ افسوس بہ ایشی انت کہ آ مردمئ کہ ای وڑا مذھبئ توھینئ بی بنیادین الزام سرئیش عاید بیت بہ آوانی حلاپا ھیچ کاروائی نہ بیت و پہ آسانی وترا رکیننت و آ کَسئ سرا کہ الزام جتگ بیت نہ تاناکا آ بلکہ آی کھولئ مُچین کَسانی زند پہ آوان حرامبیت۔ شدت پسند بہ نام برتگین کانونئ ترمیمئ بھرا پہ ھبرئ اوشکتنا تیار نہ انت بلکہ اگہ کجام ترمیمئ وکالتا کنت آی زندا ھم ختم کننت۔ مثالئ وڑا پنجابئ گورنر سلمان تاثیر مثالی بہ دیما انت، ھما کہ بہ مسیحین بانوک بی بی آسیہ بھرا بہ توھینئ الزامئ حلاپا اتیت و ترمیمئلوٹوک ات کہ آی محافظ ممتاز قادری آی را تیر کرتہ و کشتیت۔ بہ ممتازئ حلاپا عدالتین کاروائی بوت و دار جتگ بوت۔

مگہ شدت پسند آی را شھیدئ درجہ داتنت، شہ ای واقعہ دو ماہ رندا بہ ۲۰۱۱ مارچ ماہ وفاقین وزیر بہ اقلیتانی بھرا شھباز بھٹی سرا مذھبئ توھینئ الزام جتگ بوت و کشتگ بوت، آی ھم نام برتگین کانونا بدگشی کرتت۔ بہ ۲۰۱۴ مئ ماہ، مولتانئ نندوکئ بنیادمین حکانی یک وکیلراشد رحمان بہ دپترئ تھا تیر کرتہ کشتنت۔ راشد رحمان بھاالدین ذکریائ یونورسیٹئ لکچر دیوک جنید حفیظ وکیل ات، ھما کہ بہ توھین مذھبئ الزاما بندی ات۔ راشد رحمانا چُنتی وار تھدید کرتنت و شہ ای واقعہ چُنتی ماہ رندا آی بانوک شما بی بی و شھزاد مسیحہ کہ بہ لاھورئسیما بہ کُٹ رادھا کیشن کار کنگا اتنت بہ توھین مذھبئ الزاما آوانا آتشئ تھا پرینتنت۔ بہ ۲۰۱۷ اپریل ماہ بہ مردان عبدول ولی خانئ یونیورسیٹیا بازین تعلیم گروکانی ھجومئ وڑا یکجہ طالب علم مشعل خانا تیر جتنت۔ مشعل خانی سرا ھم توھین مذھبئ الزام ات۔ مگہ پٹ و پولکنوکین ادارہ ھیچ کجام گواھئ بہ دست نیاورتنت۔ بہ جولائ ۲۹ سال ۲۰۲۰ یک دیگہ کَسئ بہ طاھر نسیمئ ناما تیر جتنت و آی حلاپا ھم توھین مذھبئ الزاما بہ عدالتا کاروائی رادگ ات کہ یک مردمئ عدالتئ تھا پُتریت و شہ کیتوئ تھا توپنچہ در کرتہ و طاھر نسیمئ سرا تیرریچیکرتہ۔

ای چُنت واقعہ استنت اگہ نہ پاکستانا شہ ۱۰۰ گیش مردم بہ مذھبئ توھینئ الزاما کشتگ بوتگنت۔ ای صورتحالئ یک لازمین نیمگئ ایش انت، وھدہ کہ مسلمانانی مذھبین جزبات ٹپی بنت و کجام واقعہ بہ دیما کائیت، شہ مسلمانانی نیمگا سَکین رد عمل درا بیت۔ مگہ پہ آ کَسانامذھبین اقلیت گون تروس و لرزا گرپتار انت و آوان کجام ھبرئ اگر بیت اثریش بہ پاکستانا آوانی حلاپا شدت پسند مسلمانانی نیمگا ردعمل بناہ بیت، پہ امیشا فرانسہ اکتبرئ ۱۸ اسلامئ پیغمبرئ توھینئ بھرا یک اسکول تیچرئ سر برتگ بوت و پھدا بہ اکتبرئ ۲۹ بہ فرانسہ نیس بہ یککلیسائ دھشت گردین ھلگرا رندا یک وار پھدا بہ پاکستان اقلیت مذھبین بہ تروس و لرزا کپتنت، آوان بری تروسا انت کہ بہ توھین مذھبئ کانونئ سیائگا نشان گپتگ مہ بنت۔ بہ نومبرئ ۲-۳ ای تشویش درست ثابت بوت۔ بہ ۲۴ ساتی دورانا، ھیندوئن براسان ۲ مردمئ حلاپا بہ مذھبئتوھینئ بھرا ۲ مقدمہ جور بوت۔ بہ کراچی لیاری آ بہ نومبرئ ۲ بہ یک ھلگرئ ھیندوئ براسا بہ مذھبئ توھینئ الزاما آی حوالہ کنگئ لوٹوک بوتنت۔ بری ھجوما مندیرئ تھا پُتریتہ پہ آوانی مجسمہ آن ٹپ رسینتنت۔ گڈسرا پہ امن و امانئ وجا آوان مجبور بوتنت ای مردما پہ پولیسانتحویل دینت۔ ای وڑا بہ نومبرئ ۳ بہ سیندھ بہ شھدادپورئ میگھوار یک نندوکئ بہ قرآنئ کاگدانی اچش جنگئ الزام گپتگ بوت۔ میرپور خاص سیندھیی یک سماجین کارکنوکئ امبرانی بہ مذھبئ توھینئ الزامئ بھرا ۹ واقعہ رپوٹا داتگیت۔ گئوستگین چُنت روچئ تھا بہ بدین نگرپرکر ولیاری ۳ مندیرانی سرا ھلگر بوتیت و اورت و وام کرتنت مُچین چیزانا۔ ھیندوئ کارکن ای سوجا کننت کہ اگہ کَسئ کجام جرمئ کنت دیگہ پورہ ئن براسانا سزا دینت۔ سوج ایش انت، تہ کدینئ بہ توھینئ الزامئ ناما مردمانا گناھکار زانتہ و گون آوانی زندا گوازی کنگا بنت و شہ ای نامبرتگین واقعہ آن ردنا بہ سیندھ گیرمسلمان بہ تروس و دھشتا گرپتار انت و بہ آوانی حیالا سیندھ صوبہ پہ آوان امن نہ انت۔ حکومت باید انت ایشی سرا غور کنت کہ پہ مذھبین اقلیتان تحفظ برابیر بیت اگہ نہ ھمی وڑا گون زندان گوازی کنگا بنت۔