سرگال:جنرل نرو نے ائے نیپال دؤرہ ھند نیپال سیال داری آپا وشتر گام

ھند ائے پؤجی سروک واجہ منوج مکند نرونے ائے نیپال ائے نی ایں دؤرہ چوش کہ ہڑ دوکین ملک آنی نیمگا یک تاریخی رسم کھنغ پوہ بی سی آ رؤغیں گڈا دی اے دؤرہ باز معنی آ اہمیت ایر کھنت۔گوستی ایں یک سال آژ دوایں ملک آنی نیمگا سیال داری آ ناوشی گندغ آ ملسا ۔ہمیں ناوشی آ پھدا ھند ائے وٹاژ کھٹمنڈو ائے ہمیں سری ایں اعلی سطح ائے دؤرہ سا۔کھٹمنڈو پُجھغ چکا رسمی ایں ڈؤل چکا صدر بدیا دیوی بھنڈاری آ سروزیر کے پی شرما اولی ائے گون جنرل نرونے آ نیپال ائے پؤجی جنرل اعزاز ائے خطاب داسا۔ایزا اے ٹؤک زکر ائے لائیق انت کہ سروزیر اولی ہمیں وخت ملک ائے دپاع ائے وزیر دی ایں ۔ہمیں موقع چکا نیپال آ ھند ائے سپیر ونے کواترا ،نیپالی پؤج ائے سروک پورن چندرا تھاپا،او دوایں ملک آنی مزنیں اپسر دی سانڑی اساں ۔۱۹۵۲ آژ ہڑ دوکین ملک آنی نیمگا یک دوہمی ائے پؤجی سروک آنر اعزازی خطاب دئے اغ ائے رسم جُزاناں پھیزاغیں ۔شوار گیر بی کہ گوستی ایں سال جنوری آ نیپال ائے پؤج ائے سروک جنرل تھاپا آر ھند پؤج ائے اعزازی جنرل ائے خطاب داسی آ شزغئے سا۔پدھر ایں کہ دوایں نزیخی ایں ہمسائیگ آنی آپا نزیخی ایں سیال داری او یک دوہمی ائے سلامتی آپا پکر آنر پوہ بی اغ آپا اے یک شر ایں موقع اسا۔ھند او نیپال ائے نیمگا پؤجی سیال داری ائے گون صدی کہنیں مزہبی،ثقافتی ،سماجی او معاشی سیال داری ایں ۔ہماں کہ دوایں ملک آنی آپا سود مند ایں ۔ھند نیپالی پؤج ائے اسلحہ او آنہی سپاہی آنر تربیت داسؤ آنہی جدید کاری آ مدد کھنغیں ۔ہڑ دوکین ملک آنی پؤج یک دوہمی ائے ہموزا مشترکہ مشق دی کھناں ۔جنرل نرونے ائے نی ایں دورؤ آ یک دوہمی اےت پکر آنر شر ایں بھیرا پوہ بی اغ ائے موقع داسا۔حبر آنی روگا جنرل نرونے ہماں وخت سروزیر کے پی شرما اولی آگو بیٹھک کھُزا تہ آنہی آ گوشتا کہ دوایں ملک آنی نیمگا پیدا ھچھ دی ڈؤل ائے ناوشی آر گپتران آگو حل کھنغ بیس بی ۔نیپالی سروزیر ائے ڈن ائے سیال داری ائے مشیر آ پھدا گوشتا کہ نیپال لوٹھی کہ ھند ائے کالا پانی مسلہ حل کھنت ہماں کہ بیٹھک ائے نیمگا ویچار بُنا آتکا۔اسٹریٹجک زانتکار او سیکیورٹی ائے زانتکار آنی حوالہ داسؤ حبر آنی اندرا گوشتی آ شزا کہ جنرل نرونے ائے نیپال ائے دؤرؤ او نیپال سرکار ائے نی ایں گام آنژ آپسی ایں باور برحالی آ مدد بی ۔اشی آژ گپتران آپا یک وشتر ماحول پیدا بی ہمائی آگو مسلہ آنر حل کھنغ آپا دگ سدھا بی۔