سرگال شنگھائي تعاون تنظيم آر علاقائي سالميت ائے احترام کھنغ ائے سرے وزير مودي ائے مشورہ

گوستي ايں دھ نومبر آر سنگھئي کواپريشن آر گنائزيشن ائے ممبر ملک آني گيست مي چوٹي کانفرنس بيسا ہمشي مان کھنغ وڈيو کانفرنس ائے توسط آژ بيسا ہميں ورچوئل کانفرنس ائے صدارت روس ائے صدر پوتن آ کھزا
ايس سي او يکھ گيش قومي تنظيم ايں ہمشي ممبر ملک ہند او پاکستان دي آں ہند شروع آژ وزي ہميں ڈن ائے پاليسي چھکا اٹل رہسا کہ قوم آر يکھ دوہمي ائے آزادي او خود مختياري ائے احترام کھنغ چائيے او پر امن بقائے باہم ائے اصول آر گرغ آگو يکھ دوہمي ائے علاقئي سالميت ایئ احترام کھنغ چائيے گاوانڈي ملک آژ دي ہند شروع آژ جوائيں سيالداري ائے قيام چھکا زور ديانا آختا ہميں اصول آر آں نہ چھڑوئين مني بلکہ ہمين دي اميد کھنت کہ دوہمي دي ہمين اصول آني پاس کھنان ايس سي او ائے ورچوئل بيٹھک يکگ اينگے وخت لافا مان بيسا ہموزا چين او ہند ائے نياما راست اين کنٹرول لائن چھکا لداخ لافا کشيدگي
ائے ماحول ايں اگرچہ ہڑدوئيں ملک آني نياما فوجي سطح چھکا ٹوک توار ائے سلسلہ جزغيں او اميد کھزي آ رو کہ کشيدگي دير کھنغ ائے کوشش جوان ثابت بي ہند او چين ہڑدوئيں شنگھائي تعاون تنظيم ائے خاص اين رکن آں ہميں واسطہ سرے وزير مودي آ ہميں موقع آر جوان زانزا کہ ہند ائے موقف آژ ممبر ملک آر آگاہ کھزي آ برو
پدھر اين وزي ديم لافا آں ہي آ ہماں چھئے گوشتا آں چين ائے صدر آ دي اش کھزا سرے وزير آ کھل ايں سفارتي او جہاني ضابطہ ائے پاس اير کھنغ آگو گوشتا کہ ممبر ملک آر يکھ دوہمي ائے خود مختياري او علاقائي سالميت ائے احترام کھنغ چائيے تاکہ ہچھ دي ملک ائے جزبہ آر ہچھ دھکو مان نہ بيائے