سرگال: بہ ایغورئ نسل کشئ بھرا شکایت بہ بین الاکوامین جرمانی عدالتا دیما کرتگ بوت۔  

بہ چینئ روکپتئ سیما، بہ سنکیانگ لکھ ھا ایغوری مسلمانانی حلاپا چینئ حکومتئ ظلم و ستمانی نکل بہ مُچین عالمئ دیما آتگیت۔ بہ مُچین عالما انصاپ پسندین مھلوک بہ چینئ حکومتئ دیما وتی تشویشا درا کنگا بوتگنت۔ مگہ سرئ شہ بنیادمین شکایت و لوٹگان بہ چینئ رپتار یکذرہ ھم بدل بیگ نیاتگیت۔ مگہ حکیکت ایش انت کہ بہ مذھبین شدت پسندیئ حلاپا کاروائی نیمونا بہ ایغورئ مسلمانانی حلاپا سَکین کاروائی کنگا انت۔ اگہ حکیکت ھما بوتہ کہ چینئ حکومت گشت دیگہ بہ مُچین دنیا آی نیمہ داری پچہ بہ دھشت گردیی و مذھبین انتھاپسندیئ نیمہداریا ھیچ کَس نہ کرتیت۔ مگہ حکیکت دیگہ چیزئ انت۔ بہ اصلا سنکیانگ سیما یورانیومئ مزنئن زخیرہ انت کہ شہ آی پہ نیوکلیائی توانایی بھرا کٹ گپتگ بیت۔

چین نون بہ مُچین دنیا شہ مُچان مزنئن اٹمین سلیحانی جور کنوک انت و بری میدانا پہ وتی سمراجئ سَک کنگا بہ کوشستا انت۔ ھمی انون بہ اودان، ۴۴ نیوکلیر ریاکٹر کار کننت و ۱۸ دیگہ ھم کارئ چیرا انت۔ شہ نیوکلیائی توانایی تیار کنگا چینکس بہ ماحولا ٹپ رسیت۔ بہ ھر جاگہکہ پلانٹ نیوکلیائی جور بنت بہ آ ھندئ آباتئ دروائی سرا سَکین اثر کئلیت و شہ مُچان گیشتر سرطان یا کنسرئ تئنک بیگئ وج بیت۔ ھمی وج انت کہ بہ نیوکلیائی پلانٹانی حلاپا ایغورین مسلمان مزاحمت کنگا انت و پہ ای کارئ دیمگیریا حکومت بری سیما ھان نسل بہ چین ایغورانیحلاپا پھاد کرتگیت و بہ کانونئ سَک کنگئ ناما بہ ایغورانی سرا ظلم و ستم کنگا انت و شہ دیگہ نیمگئ مذھبین انتھاپسندیئ پروشگئ ناما ایغورین مرد و جن آ بہ اصلاح ناما بہ کیمپانی تھا پرینیت و ای کیمپ جائ انت کہ جنگین اسیرانا و دشمنانا بہ اودا ساتنت۔ وت شہ چینئسرکارئ دست آویزان ایش درا انت کہ بہ سینکیانگ ھزاران ایغورین مسلمانانی زاگ و بچ بی پناہ بوتگنت پہ چہ کہ آوانی ماس و پسانا بہ کیمپان برتگنت۔

چینئ حکومت پہ وتی ظلمین پالسئ دپاع کنگا گشتگیت کہ بہ غریبئ ختم کنگا بہ اودان مذھبین بنیاد پرستئ ختم کنگا ای کارا کنت۔ مگہ تہ کدین بہ عالمئ چمانی تھا پور ریچیت۔

چُنت روچ دیما بازین مُلکئ ھور گون پارلیمنٹ باسکان یک بین الکوامین اتحادئ بہ بین الکوامین جرمانی عدالتا شکایتئ دیما کرتنت تا کہ بہ نسل کُشئ بھرا پٹ و پول کنت و بری بھرا کانونین کاروائی تسر کنت۔ ۱۶ مُلک ای شکایتا دستخت کرتگنت و ای ھبرئ گواہ موجود انت کہ بہسینکیانگ بہ ایغورانی حلاپا چینکس ظلم استیت و اگہ بین الکوامین جرمانی عدالت بری بھرا تفتیش کنت دیگہ درا بیت کہ ای الزام ھیچ بوتگنت۔

دیگہ رندا پہ گناھکارانی سزائ دیگا یقینین وڑئ راہ پاچ بیت۔ درا انت کہ بہ چینئ حاکمیت حلاپا بین الاکوامین اتحاد یک آزات و درائین انساپ و کانونا ھور یک انچین بین الاکوامین نظامئ لوٹوک انت کہ بہ اودان پہ بنیادما عزت و حرمت اشتگ بیت و یک سازگارین ماحولئ بہ دستآورتگ کننت و ایش بہ اکوام متحدہ قراردادئ سیائگا بہ ۲۰۰۱ سالا جور بوتگیت۔

بہ چینکس جرم، ظلم و ستم و انسانیت کُشئ بھرا پہ شکایتئ تفتیش کنگا کارئ کنت۔ نون پہ آمریکہ نوکین سدرا ایش وت یک آزمایگئ انت، کہ آی بہ مُچین دنیا بہ بنیادمین حکانی بھرا چی وڑا عمل کنت؟