စိတ်နှလုံးသားမှ ပြောသောစကားများ (အပိုင်း-၅)

ချစ်ခင်လေးစားအပ်ပါသော နိုင်ငံသားအပေါင်းတို့ မင်္ဂလာပါ။

ဒီလိုထူးမြတ်တဲ့ ဒေပါဝါလီ ပွဲတော် အခါသမယမှာ အားလုံးအတွက် နှုတ်ခွန်းပဏာ ဆက်သလိုက်ပါတယ်။ ကျွန်ုပ်တို့ဟာ Shlok ကဗျာကျမ်းဂန်ထဲကသုဘံ ကရောတိ ကလျာနံ၊ အာရောဂယံ ဒါန်သဗ္ဗဒါ။ သတ္တရုဗုဒ္ဓီ ဝိနာသယ၊ ဒီပါဇောတိ နမောစတုတီဆိုတဲ့စာကြောင်းတွေနှင့် အလားသဏ္ဍာန်တူကြပါတယ်။

ဘယ်လောက်ကောင်းမွန်ပြီး မျှော်မှန်းချက်ပြည့်စုံတဲ့ ရေးသားဖော်ပြချက်ပါလဲ။ Shlok မှာ ရေးထားတာက မိမိတို့ရဲ့ ဘဝမှာ ဒုစရိုက်အတွေးအခေါ်တွေ ဖယ်ထုတ်ပြီး သုစရိုက်တရားတွေ ဆောင်ကြဉ်းပေးလျှက် ကျန်းမာပျော်ရွှင်မှုနှင့် သာယာဝပြောမှုတွေပေးတာဟာ အလင်းရောင်ဖြစ်တယ်လို့ ဆိုပါတယ်။ ယခုနှစ် ဒေဝါလီပွဲတော်ကို အမှတ်တရဖြစ်စေဖို့ သတ္တဝါခပ်သိမ်း အေးချမ်းသာယာဖို့ ဆုတောင်းမှုနှင့်အတူ သုစရိုက်တရားတွေ ထွန်းကားစေလျှက် အလင်းရောင်ခြည် ဖြာထွက်ပျံ့နှံ့အောင်လုပ်တာထက် ပိုကောင်းတဲ့နည်းလမ်း ရှိနိုင်ပါသလား။ ဒီလို ဒေဝါလီပွဲတော်တွေကို နိုင်ငံအများအပြားတို့မှာ ကျင်းပကြပါတယ်။ ဒီပွဲတော်ဟာ အိန္ဒိယအသိုင်းအဝိုင်းတွေအတွက်သာ ကန့်သတ်ထားတာ မဟုတ်ပါဘူး။ အစိုးရတွေ၊ နိုင်ငံသားတွေနှင့် လူမှုအဖွဲ့အစည်းတွေအားလုံးတို့ဟာ ဒေဝါလီပွဲတော်ကို အနှစ်သာရ ပြည့်ဝစွာနှင့် ကျင်းပလေ့ရှိကြပါတယ်။

မိတ်ဆွေအပေါင်းတို့

ပွဲတော်ဆိုင်ရာ ခရီးသွားလာမှုဟာ သူ့ကိုယ်ပိုင် စိတ်လှုပ်ရှားဖွယ် ဆွဲဆောင်မှုတွေရှိပါတယ်။ ကျွန်ုပ်တို့ဟာ ဒိုလီ၊ ဒေဝါလီ၊ အိုနမ်၊ ပွန်ဂယ်လ် သို့မဟုတ် ဘီဟူ စတဲ့ပွဲတော်တွေ ကျင်းပကြတဲ့အခါ တခြားပြည်နယ်၊ တခြားနိုင်ငံက လူတွေကိုလည်း ကြိုဆိုပါဝင်စေကြရမှာ ဖြစ်ပါတယ်။ ပြည်နယ်တိုင်း၊ ဒေသတိုင်းတို့ဟာ မတူကွဲပြားတဲ့ ပွဲတော်တွေ ရှိနေကြတာကြောင့် အခြားနိုင်ငံမှပြည်သူတွေကို များစွာ စိတ်ဝင်စားမှုတွေ ဖြစ်ပေါ်စေပါတယ်။ ဒါကြောင့် အိန္ဒိယအနွယ်ဝင် ပျံ့နှံ့ရွှေ့ပြောင်းနေထိုင်ကြသူတွေဟာ အိန္ဒိယနိုင်ငံအတွင်း ပွဲတော်ဆိုင်ရာ ခရီးသွားလာမှု တိုးမြှင့်ရာမှာ အရေးပါတဲ့ ကဏ္ဍကနေ ပါရှိနေကြပါတယ်။

ချစ်လှစွာသော နိုင်ငံသားအပေါင်းတို့

ယခင်ပြီးတဲ့တဲ့ Mann Ki Baat အစီအစဉ်အပိုင်းမှာ ဒီအခု ဒေဝါလီပွဲတော်ကို တမျိုးတဖုံ မတူကွဲပြားအောင်လုပ်ဖို့ ဆုံးဖြတ်ခဲ့ကြပါတယ်။ သင်တို့အားလုံးကို အိန္ဒိယ အမျိုးသမီးတွေရဲ့ စွမ်းအားနှင့် ဖော်ဆောင်နိုင်မှုတို့အပေါ် နိုင်ငံရဲ့ နတ်သမီးတွေကို ဝမ်းမြောက်စေရေး ကျင်းပကြဖို့ ကျွန်ုပ် တိုက်တွန်းတောင်းဆိုခဲ့ပါတယ်။ အဲဒီနောက်မှာတော့ လူမှုဆက်သွယ်ရေး ကွန်ယက်တွေပေါ်မှာ စိတ်ဓာတ်လှုံ့ဆော်မှုပေးတဲ့ ဖြစ်ရပ်တွေအတော်များများ ပေါ်ပေါက်လာခဲ့ပါတယ်။ Warangal ကျေးရွာမှ Kodipaka Ramesh ဟာ သူ့မိခင်က သူ့ခွန်အားဖြစ်တယ်လို့ ရေးသားပေးပို့ခဲ့ပါတယ်။ ၁၉၉၀ ခုနှစ်အတွင်း သူမရဲ့ဖခင် ကွယ်လွန်သွားတဲ့အခါ သား ယောက်ကို ကျွေးမွေးပြုစုဖို့တာဝန်တွေဟာ သူမရဲ့ ပခုံးပေါ်ကို ကျရောက်လာပါတော့မယ်။ ဒီကနေ့မှာတော့ ညီအကို ဦးစလုံး အသက်မွေးဝမ်းကြောင်း လုပ်ငန်းအသီးသီးတို့မှာ လုပ်ကိုင်နေကြပါတယ်။ သူ့မိခင်ဟာ သူ့အတွက် ဘုရားတဆူပဲဖြစ်ပါတယ်။ သင့်မိခင်ကို လေးစားစွာ ချီးကျူးလိုက်ပါတယ်။ Twitter ကွန်ယက်မှာ အသုံးများတဲ့ Geetika Swami ကတော့ ဘတ်စကား စပယာတစ်ဦးရဲ့သမီးဖြစ်ပြီး Assam Rifles တပ်မရဲ့ အမျိုးသမီးတပ်ဖွဲ့ ဖွဲ့ကို ဦးဆောင်သူ မေဂျာ Khushbu Kanwar ဟာ သူမအတွက် အိန္ဒိယနိုင်ငံရဲ့ နတ်သမီးဖြစ်တယ်လို့ ဖော်ပြထားပါတယ်။ Kavita Tiwari ကတော့ သူမရဲ့သမီးဟာ အိန္ဒိယနိုင်ငံရဲ့ နတ်သမီးနှင့် သူမရဲ့ ခွန်အားဖြစ်ပါတယ်။ သူ့သမီးရဲ့ ကောင်းမွန်တဲ့ ပန်းချီစွမ်းရည်အတွက် ဂုဏ်ယူလျှက်ရှိပါတယ်။ နောက် Megha Jain ကတော့ ဂွာလီယာ မီးရထားဘူတာရုံက ခရီးသည်တွေအတွက် သောက်ရေ အခမဲ့ ပေးကမ်းနေတဲ့ အသက် ၉၂ နှစ်အရွယ် အမေအိုတဦးကို ဖော်ပြထားပါတယ်။ ဒါဟာ အိန္ဒိယနိုင်ငံရဲ့ အမေအို နတ်သမီးရဲ့ လူသားဆန်မှု၊ စာနာမှုတွေက Megha Jain ကို တကယ်ပဲ လှုံ့ဆော်နိုးကြားစေပါတယ်။ လူအများအပြားတို့ မျှဝေဖော်ပြကြတဲ့ အဖြစ်အပျက်တွေကို ဖတ်ရပြီး ဒီလို အိန္ဒိယနိုင်ငံရဲ့ နတ်သမီးအားလုံးတို့ကို တလေးတစား ကျွန်တော် ဦးညွတ်လိုက်ပါတယ်။

ချစ်လှစွာသော နိုင်ငံသား အပေါင်းတို့

၁၇ ရာစုမှ ကဗျာဆရာမကြီး Sanchi Honnamma ဟာ ကျွန်ုပ်တို့ဖော်ညွှန်းထားတဲ့ အိန္ဒိယ နတ်သမီးအားလုံးနှင့်ပတ်သက်တဲ့ အလားတူ အတွေးအခေါ်၊ အလားတူ စကားလုံးတွေနှင့်ဖော်ပြထားတဲ့ ကဗျာတပုဒ်ကို Kannada ဘာသာစကားနှင့် ရေးဖွဲ့ခဲ့ပါတယ်။ Himwant တောင်တန်းဘုရားဟာ သမီးတော် Parvati ကြောင့်၊ သမီးတော် Lakshmi နတ်သမီးအတွက် Rishi Brighu နှင့် သမီးတော် သီတာကြောင့် ဘုရင်ကြီး Janak တို့ကြောင့် ထင်ရှားကျော်ကြားခဲ့တယ်လို့ ဆိုပါတယ်။ မိမိတို့ရဲ့ သမီးပျိုတွေဟာ မိမိတို့ရဲ့ ဂုဏ်ရောင်တွေဖြစ်ပြီး သူတို့ရဲ့ စွမ်းဆောင်မှုတွေဟာ အနာဂတ်ရေး တောက်ပစေပြီး မိမိတို့ရဲ့ လူမှု အဖွဲ့အစည်းတွေကို ထွေးပွေ့ထားကြပါတယ်။

ချစ်လှစွာသော နိုင်ငံသားအပေါင်းတို့

၂၀၁၉ ခုနှစ်၊ နိုဝင်ဘာလ ၁၂ ရက်နေ့ဟာ Guru Nanak dev ji ရဲ့ နှစ်ပေါင်း ၅၅၀ မွေးနေ့ အခါသမယဖြစ်ပြီး ဒီနေ့ကို ကမ္ဘာတဝှမ်း ကျင်းပသွားကြမှာဖြစ်ပါတယ်။ Guru Nanak dev ji ရဲ့ ဩဇာသက်ရောက်မှုကို အိန္ဒိယနိုင်ငံတွင်းသာမက ကမ္ဘာတဝှမ်းမှာ ခံစားသိရှိနိုင်ပါတယ်။ Guru Nanak ji ဟာ ‘Udaasi’ လို့ခေါ်တဲ့ ဘာသာရေး ဒေသစာရီခရီးတွေများစွာ ကြွချီခဲ့ပါတယ်။ လိုက်လျောညီထွေမှုနှင့် တန်းတူညီမျှမှု သွန်သင်ချက်တွေနှင့် အရှေ့မှအနောက် တောင်မှမြောက်သို့ ကြွချီပြီး ပြည်သူတွေ၊ သူတော်စဉ်တွေနှင့် ပညာရှိတွေကို တွေ့ဆုံခဲ့ပါတယ်။ Udaasi ခရီးတခုမှာ ဆော်ဒီအာရေးဗီးယား၊ အီရတ်နှင့် အာဖကန်နစ္စတန်တို့အပါအဝင် အစ္စလာမ္မစ် နိုင်ငံတွေကိုလည်း ကြွချီခဲ့ပါတယ်။

ညီအကို မောင်နှမ အပေါင်းတို့

အောက်တိုဘာလ ၃၁ ရက်နေ့ရဲ့ အရေးပါမှုကို သင်တို့အားလုံး သတိရကြလိမ့်မယ်ဆိုတာ ကျွန်တော် သိရှိထားပါတယ်။ ဒီနေ့ရက်မှာ အိန္ဒိယနိုင်ငံရဲ့ သံမဏိလူသားတစ်ဦးဖြစ်တဲ့ Sardar Vallabhbhai Patel ရဲ့ မွေးနေ့ နှစ်ပတ်လည်ဖြစ်ပါတယ်။ မိမိတို့ရဲ့ သူရဲကောင်းကြီး Sardar Patel ဟာ နိုင်ငံတော်ကို ညီညွတ်ရေးအင်အားတွေ စည်းနှောင်ပေးခဲ့တဲ့ ပြည်သူတွေ စည်းလုံးရေးအတွက် ရှားပါးပုဂ္ဂိုလ်ကြီးဖြစ်ပြီး အခြားတဖက်မှာ သူနှင့် အတွေးအခေါ်ပိုင်း သဘောမတူသူတွေကိုလည်း မျှမျှတတဖြစ်အောင် စွမ်းဆောင်နိုင်သူကြီး ဖြစ်ပါတယ်။ မိမိတို့အားလုံး သိထားကြတဲ့အတိုင်း အိန္ဒိယနိုင်ငံရဲ့ ပထမဆုံး ပြည်ထဲရေးဝန်ကြီးအဖြစ် Sardar Patel ဟာ မင်းသားတွေ ကြီးစိုးအုပ်ချုပ်တဲ့ ပြည်နယ်တွေ ပေါင်းစည်းရေးဆိုင်ရာ ဧရာမ သမိုင်းပေးတာဝန်ကြီးကို ထမ်းရွက်ခဲ့ပါတယ်။

ချစ်လှစွာသော နိုင်ငံသား အပေါင်းတို့

၂၀၁၈ ခုနှစ်၊ အောက်တိုဘာလ ၃၁ ရက်နေ့မှာ Sardar Saheb ကို အောက်မေ့တဲ့အနေနှင့် ညီညွတ်ရေး ရုပ်တုကြီးကို နိုင်ငံတော်နှင့် ကမ္ဘာအတွက် ရည်စူးစိုက်ထူခဲ့ပါတယ်။ ဒီရုပ်တုကြီးဟာ ကမ္ဘာ့အမြင့်ဆုံး ဖြစ်ပြီး အမေရိကန်ပြည်ထောင်စုမှာရှိတဲ့ လွတ်မြောက်ရေး ရုပ်တုကြီးနှင့်ယှဉ်မယ်ဆိုရင် ပိုမြင့်ပါတယ်။ ကမ္ဘာ့အမြင့်ဆုံး ရုပ်တုကြီး ရှိလိုက်တာဟာ အိန္ဒိယနိုင်ငံသားတိုင်းကို ဂုဏ်ယူဝင်ကြွားမှု ပေးဆောင်လျှက်ရှိပါတယ်။ နှစ်စဉ်နှစ်တိုင်း ခရီးသွား ၂၆ သိန်းကျော်တို့ဟာ ညီညွတ်ရေး ရုပ်တုကြီးကို လာရောက်လည်ပတ်ကြပြီး ဒါဟာဆိုရင် နေ့စဉ် ပျမ်းမျှ လူပေါင်း ၈၅၀၀ ခန့် ရုပ်တုကြီးကို ကြည့်ရှုခဲ့တယ်လို့ ဆိုရမှာဖြစ်ပါတယ်။

မိတ်ဆွေအပေါင်းတို့

သင်တို့သိရှိထားတဲ့အတိုင်း ၂၀၁၄ ခုနှစ်ကစလို့ နှစ်စဉ်နှစ်တိုင်း အောက်တိုဘာလ ၃၁ ရက်နေ့ကို အမျိုးသား စည်းလုံးညီညွတ်ရေးနေ့အဖြစ် ကျင်းပလာခဲ့ကြပါတယ်။ ဒီနေ့ရက်ဟာ မိမိတိုပနိုင်ငံရဲ့ စည်းလုံးညီညွတ်ရေးနှင့် လုံခြုံရေးတို့အတွက် ဘယ်လောက်ပဲ ပေးဆပ်ရသည်ဖြစ်စေ ကာကွယ်စောင့်ရှောက်သွားဖို့ လှုံ့ဆော်ပေးနေပါတယ်။ ဒီနှစ် အောက်တိုဘာလ ၃၁ ရက်နေ့မှာလည်း ယခင်နှစ်တွေနှင့် သဟဇာတကျစေဖို့ ညီညွတ်ရေးအတွက် အပြေးလေ့ကျင့်ရေး စည်းရုံမှုတခု ဆောင်ရွက်လျှက်ရှိပါတယ်။ အဲဒီမှာ မိမိတို့ လူ့ဘောင်အဖွဲ့အစည်းရဲ့ ကဏ္ဍအသီးသီးတို့မှ လူတန်းစားပေါင်းစုံ ပါဝင်ကြပါတယ်။

‘Run for Unity’ သို့မဟုတ် စည်းလုံးညီညွတ်ရေးအတွက် ပြေးပွဲကာလမှာ ကျွန်ုပ်တို့ဟာ ပြေးကြရမှာ တခုတည်းသာမဟုတ်ပါဘူး။ ဒါပေမယ့် ဒီလိုပြုလုပ်ခြင်းအားဖြင့် ကြံ့ခိုင်တဲ့ အိန္ဒိယနိုင်ငံ ဖြစ်လာရေးစိတ်ဓာတ်ကလည်း ထင်ဟပ်လာပါတယ်။ ဒါ့အပြင် ကျွန်ုပ်တို့ဟာ Ek Bharat- Shrestha Bharat ခေါ် တခုတည်းသော အိန္ဒိယနိုင်ငံစည်းလုံးညီညွတ်သော အိန္ဒိယနိုင်ငံ စီမံကိန်းနှင့်လည်း ဆက်နွယ်မိကြတာကို တွေ့မြင်ကြရမှာ ဖြစ်ပါတယ်။ ဒါကြောင့် ကျွန်ုပ်တို့ရဲ့ ကိုယ်ခန္ဓာသာမဟုတ်ဘဲ ကျွန်ုပ်တို့ရဲ့ စိတ်ဓာတ်နှင့် တန်ဖိုးရှိလှတဲ့ ကျင့်ထုံးစနစ်တွေဟာ အိန္ဒိယနိုင်ငံကို ပိုမိုမြင့်မားတဲ့ အဆင့်မြင့်သို့ သယ်ဆောင်ဖို့ လမ်းညွှန်ချီတက်ရာမှာ ပေါင်းစည်းသွားကြပါတယ်။ နောက်ပြီး သင်ဟာ ဘယ်မြို့မှာပဲ နေထိုင်သည်ဖြစ်စေ ‘Run for Unity’ အစီအစဉ်နှင့်ပတ်သက်ပြီး ရှာဖွေတွေ့ရှိနိုင်ပါတယ်။ runforunity.gov.in ဝဘ်ဆိုဒ်တခုကိုလည်း ဒီလိုအရေးကြီးတဲ့ဖြစ်ရပ်နှင့်ပတ်သက်ပြီး သတင်းအချက်အလက်တွေ ဖြန့်ဖြူးဖို့ ဖွင့်လှစ်ထားပြီးဖြစ်ပါတယ်။ ဒီဝဘ်ဆိုဒ်မှာ အခမ်းအနားကျင်းပမယ့် နေရာတွေကိုလည်း ဖော်ပြထားပါတယ်။ ကျွန်ုပ်ဟာ လာမယ့် အောက်တိုဘာလ ၃၁ ရက်နေ့မှာ သင်တို့အားလုံး အိန္ဒိယနိုင်ငံ စည်းလုံးညီညွတ်ရေးအတွက်သာမက မိမိတို့ရဲ့ ကိုယ်ကာယ ကျန်းမာကြံ့ခိုင်ဖို့အတွက်လည်း အပြေးလေ့ကျင့်ကြလိမ့်မယ်လို့ မျှော်လင့်ပါတယ်။

ချစ်လှစွာသော ပြည်သူပြည်သား အပေါင်းတို့

Sardar Patel ဟာ နိုင်ငံတော်ကို ညီညာတဲ့ ချည်မျှင်တွေနှင့် ပေါင်းစည်းနှောင်ဖွဲ့ထားခဲ့ပါတယ်။ ဒီ စည်းလုံးညီညွတ်ရေးဆိုတဲ့ ရွတ်ဆိုမှုဟာ ကျွန်ုပ်တို့ဘဝနှင့် ကျွန်ုပ်တို့နိုင်ငံကို အရောင်အသွေး စုံလင်မှုရှိတဲ့နိုင်ငံမှာ ကောင်းချီးဩဘာပေးမှုတခုနှင့် သဏ္ဍာန်တူတာကြောင့် ကျွန်ုပ်တို့အနေနှင့် ဒီညီညာမှုရှိတဲ့ ဘုရားစာရွတ်ဆိုမှုကို လမ်းကြောင်းတိုင်း၊ အကွေ့အကောက်တိုင်း၊ ပြင်ဆင်အားဖြည့်ဖို့အတွက် ခေတ္တရပ်နားတဲ့နေရာတိုင်းမှာ ကျွန်ုပ်တို့ရဲ့နိုင်ငံဟာ အစဉ်အမြဲဖြစ်လာအောင် အခြေအနေတွေဖန်တီးလျှက်ရှိပြီး နိုင်ငံအတွင်း စည်းလုံးညီညွတ်မှုနှင့် လူမျိုးအသိုင်းအဝိုင်း အချင်းချင်း သင့်မြတ်စွာ နေထိုင်ရေးကို အားဖြည့်တောင့်တင်းစေလျှက်ရှိပါတယ်။ ကျွန်ုပ်တို့ရဲ့ ဘေးပတ်ဝန်းကျင်ကို ကြည့်မယ်ဆိုရင် လူမျိုးအသိုင်းအဝိုင်းတိုင်း အချင်းချင်း သင့်မြတ်စွာ နေထိုင်ရေးအတွက် မရပ်မနား မောမပန်း လုပ်ကိုင်နေကြတဲ့ ပုဂ္ဂိုလ်အများအပြားတို့ကို တွေ့မြင်ကြရမယ်ဖြစ်ပါတယ်။ ဒါပေမယ့် မကြာခဏဆိုသလိုပဲ လူမှုအသိုင်းအဝိုင်းတခုရဲ့ ကျိုးပမ်းလုပ်ကိုင်မှုနှင့် အဲဒီအဖွဲ့အစည်းရဲ့ ထည့်ဝင်လုပ်ကိုင်မှုတွေဟာ ကျွန်ုပ်တို့အားလုံးရဲ့ မှတ်ဉာဏ်ထဲမှ ပျောက်ကွယ်သွားတတ်ပါတယ်။

မိတ်ဆွေအပေါင်းတို့

လွန်ခဲ့တဲ့ သက္ကရာဇ် ၂၀၁၀ ခုနှစ်၊ စက်တင်ဘာလအတွင်း Allahabad တရားရုံးကြီးက Ram Janmabhoomi ခေါ် ရာမဘုရား ဖွားမြင်တော်မူရာ မြေနေရာနှင့်ပတ်သက်ပြီး အမိန့်ချမှတ်ခဲ့တာကို သတိရပါတယ်။ သင်တို့ဟာ နည်းနည်းပါးပါး တီးခေါက်ပြီး အဲဒီအချိန်က ပတ်ဝန်းကျင် အနေအထားကို ပြန်ပြီး သတိရစေနိုင်ပါတယ်။ အမျိုးမျိုး အထွေထွေသော လူတွေဟာ ဒီနယ်ပယ်ထဲ ဝင်ရောက်လာခဲ့ကြပါတယ်။ စိတ်ဝင်စားတဲ့အုပ်စုတွေဟာ ပေါ်ပေါက်နေတဲ့ အခြေအနေတွေထဲကို မိမိတို့ ကြိုက်နှစ်သက်သလို အမြတ်ထုတ်နိုင်ဖို့ရာ ကစားကွက်အမျိုးမျိုး ဆင်ခဲ့ကြပါတယ်။ မတူကွဲပြားတဲ့ ဟောပြောသူတွေနှင့် စူးရှလှတဲ့အသံတွေကို တစိမ့်စိမ့် မိမိတို့ရဲ့ခေါင်းထဲ စီးဝင်စေအောင် ကျိုးပမ်းမှုတခုလည်း ရှိခဲ့ပါတယ်။ တချို့သော စကားကြီးစကားကျယ် ပြောသူတွေ၊ ကြွားဝါသူတွေဟာ အဲဒီအချိန်မှာ သူတို့တဦးတည်းအပေါ်ကိုသာ မီးမောင်ထိုး အာရုံပြုခံရဖို့ ကျိုးပမ်းနေခဲ့ကြပါတယ်။ အဲဒီလို တာဝန်ကင်းမဲ့တဲ့ စကားလုံးတွေကို ပတ်ဝန်းကျင်တခုလုံး ပျံ့နှံ့အောင် လုပ်ခဲ့ကြတာကို ကျွန်ုပ်တို့အားလုံး အသိပဲ ဖြစ်ပါတယ်။ ဒါပေမယ့် ဒီမြင်ကွင်းတွေဟာ ရက်၊ ရက် ဒါမှမဟုတ် ၁၀ ရက်လောက်အထိ ဆက်လက်ဖြစ်ပွားခဲ့ပါတယ်။ ဒါပေမယ့် တရားရုံးကြီးရဲ့ အမိန့်ဟာ နိုင်ငံအတွင်း ဝမ်းမြောက်ကြည်နူးဖွယ်ဖြစ်ပြီး အံ့အားသင့်စေတဲ့ စိတ်နေခံစားချက် ပြောင်းလဲမှုတွေကို ပေါက်ပွားစေလိုက်ပါတယ်။

တဖက်မှာ နိုင်ငံရေး အကွက်ချကြံစည်ခြင်းဟာ အချိတ် တပတ်၊ ပတ်လောက် တင်းမာမှုတွေ ပေါ်ပေါက်လာအောင် ပြုလုပ်နေခဲ့ပါတယ်။ ဒါပေမယ့် ရာမဘုရား ဖွားမြင်တော်မူရာ နေရာနှင့်ပတ်သက်ပြီး ဆုံးဖြတ်ချက် ချမှတ်တဲ့အခါ အစိုးရ၊ နိုင်ငံရေးပါတီတွေ၊ လူမှုရေးရာ အဖွဲ့အစည်းတွေ၊ ပြည်တွင်း လူမှုအသိုင်းအဝိုင်းတွေ၊ လူတန်းစားအသီးသီးတို့ရဲ့ ကိုယ်စားလှယ်တွေနှင့် ဘုန်းတော်ကြီးတွေဟာ ထိန်းချုပ်ထားပြီး ညီတူညီမျှဖြစ်တဲ့ ထုတ်ပြန်ချက်တွေ ထုတ်ဖော်ခဲ့ကြပါတယ်။ လူမှုရေးရာ နိုင်ငံရေး ပတ်ဝန်းကျင် အနေအထားအတွင်း တင်မာမှုတွေ လျော့နည်းဖို့ ကျုးပမ်းမှုတွေ ရှိခဲ့ပါတယ်။ ဒါပေမယ့် အဲဒီနေ့ကို ကျွန်ုပ် အထင်အရှား သတိရမိပါတယ်။ အဲဒီလို ကျိုးပမ်းမှုတွေပြုလုပ်တိုင်း ကျွန်ုပ်ဟာ တရားဥပဒေရဲ့ ဂုဏ်သိက္ခာကို ဝင်ကြွားစွာ ဂုဏ်ယူခဲ့ပြီး ဘယ်နေရာမှာမှ အမျက်ဒေါသထွက်စေတဲ့ ဟောပြောချက်တွေ ဒါမှမဟုတ် တင်းမာမှုတွေအတွက် အထောက်အကူပြု အလေးပေးခြင်း မရှိခဲ့တာကြောင့် ဝမ်းသာကြည်နူးမှုကို ခံစားရပါတယ်။ ဒီအခင်းဖြစ်ပွားမှုတွေက ကျွန်ုပ်တို့အတွက် စွမ်းအားများစွာ ဖြည့်ဆည်းပေးကြတာကြောင့် အစဉ်အမြဲ သတိရကြရမယ် ဖြစ်ပါတယ်။ အဲဒီနေ့ အဲဒီအချိန်အခါဟာ ကျွန်ုပ်တို့မှာ တာဝန်ဝတ္တရား စောင့်ရှောက်ရမယ့် စိတ်ဓာတ်တွေ စီးဆင်းဝင်ရောက် စေခဲ့ပါတယ်။ ဒီအချက်ဟာ ညီညီညာညာ ဖြစ်ခြင်းရဲ့အသံက ကျွန်ုပ်တို့ရဲ့နိုင်ငံကို ဘယ်လိုစွမ်းအားတွေ ဖြည့်ဆည်းပေးနိုင်တယ်ဆိုတဲ့ ဥပမာပဲ ဖြစ်ပါတယ်။

ချစ်လှစွာသော ပြည်သူပြည်သားအပေါင်းတို့

အောက်တိုဘာလ ၃၁ ရက်၊ အဲဒီနေ့မှာပဲ ကျွန်ုပ်တို့နိုင်ငံရဲ့ ဝန်ကြီးချုပ်ဟောင်း မစ္စစ် Indira Gandhi လုပ်ကြံခံခဲ့ရပါမယ်။ အဲဒီအချိန်ဟာ ကျွန်ုပ်တို့နိုင်ငံအတွက် အလွန်ခြောက်ခြားဖွယ်ကာလ ဖြစ်ခဲ့ပါတယ်။ ဒီကနေ့ ကျွန်ုပ်ဟာ သူမကိုလည်း ရိုသေဂါရဝ ပြုပါတယ်။

ချစ်လှစွာသော ပြည်သူပြည်သားအပေါင်းတို့

အကယ်၍သာ ဇာတ်လမ်းတပုဒ်ဟာ တအိမ်မှတအိမ်၊ အနီးနှင့်အဝေးမှာ ပေါ်ပေါက်နေပြီး အရှေ့မှအနောက်၊ တောင်မှမြောက်နှင့် အိန္ဒိယနိုင်ငံရဲ့ အစိတ်အပိုင်းတိုင်းမှာ ကြားနေရတယ်ဆိုရင် အဲဒီဇာတ်လမ်းဟာ သန့်ရှင်းစင်ကြယ်ခြင်းနှင့် ကျန်းမာရေး စောင့်ရှောက်ခြင်းတို့ရဲ့ ဇာတ်လမ်းပဲ ဖြစ်ပါတယ်။ လူတိုင်းလူတိုင်း၊ မိသားစုတိုင်း၊ ကျေးရွာတိုင်းတို့ဟာ သူတို့ရဲ့ သန့်ရှင်းရေးလှုပ်ရှားမှုနှင့်ပတ်သက်တဲ့ အတွေ့အကြုံတွေကို ဖော်ပြနိုင်ကြပါတယ်။ ဘာကြောင့်လည်းဆိုရင် ယခုလို သန့်ရှင်းစင်ကြယ်ရေးအတွက် ကျိုးပမ်းမှုတွေနောက်ကွယ်မှာ ၁၂၅ ကုဋေမျှသော အိန္ဒိယနိုင်ငံသားတွေရဲ့ ကျိုးပမ်းမှုတွေ တည်ရှိနေတာကြောင့်ပဲ ဖြစ်ပါတယ်။ ထွက်ပေါ်လာတဲ့ရလဒ်တွေကလည်း ကုဋေ ၁၅၀ ရှိတဲ့ အိန္ဒိယနိုင်ငံသား အားလုံး ပိုင်ဆိုင်တာဖြစ်ပါတယ်။ ဒါပေမယ့် ဒီဖြစ်စဉ်မှာ ကြည်နူးဖွယ်ကောင်းပြီး စိတ်ဝင်စားစရာ အတွေ့အကြုံတွေလည်း ရှိနေပါတယ်။ ဒီအကြောင်းကို ကျွန်ုပ်ကြားမိပြီး ဒီကိစ္စကို သင်တို့အားလုံးနှင့်လည်း မျှဝေမယ်လို့ စဉ်းစားမိပါတယ်။ ကမ္ဘာပေါ် အမြင့်ဆုံးအရပ်မှာတည်ရှိပြီး အပူချိန် သုညဒီဂရီအောက် အနှုတ် ၅၀ ံမှ ၆၀ အထိ ကျဆင်းနေတဲ့ စစ်မြေပြင်ကို တခဏမျှ တွေးကြည့်ကြပါတယ်။ လေထဲမှာ အောက်ဆီဂျင်ဓာတ်ကလည်း မရှိသလောက်ဖြစ်ပါတယ်။ အဲဒီလို ဆိုးဝါးလှတဲ့ အခြေအနေတွေနှင့် စိန်ခေါ်မှုတွေအောက်မှာ နေထိုင်ရတာက ရဲစွမ်းသတ္တိကိုဖော်ပြနေတာထက် မနည်းပါဘူး။ အဲဒီလို ခက်ခဲလှတဲ့ အခြေအနေမျိုးမှာ ရဲစွမ်းသတ္တိနှင့် ပြည့်စုံတဲ့ စစ်သည်တို့ဟာ န်ိုငငံတော်ရဲ့ နယ်စပ်ဒေသတွေကို ကာကွယ်စောင့်ရှောက်နေကြရုံသာမက သူတို့တွေဟာ အဲဒီအရပ်မှာ ‘Swacch Siachen’ သို့မဟုတ်  ‘သန့်စင်သော Siachen’ စည်းရုံးလှုံ့ဆော်ပွဲတွေ ပြုလုပ်လျှက်ရှိနေကြပါတယ်။

ကျွန်ုပ်တို့ ပြည်သူပြည်သားတွေကိုယ်စား ကျွန်ုပ်ဟာ အိန္ဒိယကြည့်တပ်မတော်အား ယခုလို အံ့အားသင့်လောက်တဲ့ ခံယူချက်တွေအတွက် ဂုဏ်ပြုလိုက်ပါတယ်။ နောက်ပြီး ကျွန်ုပ်ရဲ့ ကျေးဇူးတင်ရှိမှုကိုလည်း ဖော်ပြလိုက်ပါတယ်။ ဒီအရပ်ဒေသဟာ အလွန်အေးပြီး ဘယ်အရာကိုမျှ ပုပ်သိုးသွားအောင် ပြုလုပ်ဖို့ မလွယ်တဲ့နေရာဒေသ ဖြစ်ပါတယ်။ ဒီလိုအခြေအနေမျိုးမှာ အမှိုက်တွေ ခွဲခြားရေးနှင့် ထိန်းသိမ်းစောင့်ရှောက်ရေးကိုယ်တိုင်က အရေးပါလှတဲ့ တာဝန်တရပ်ဖြစ်ပါတယ်။ အဲဒီလို မြင်ကွင်းမြို့မှာ ရေခဲမြစ်နှင့် အနီးတဝိုက်အရပ်မှ ထိခိုက်လွယ်တဲ့ ဂေဟစနစ်အောက်မှ တန်ချိန်ပေါင်း ၁၃၀ ခန့်ရှိတဲ့ အမှိုက်သရိုက်တွေကို သယ်ယူပြောင်းရွှေ့ရတာက အလွန်ကြီးမားလှတဲ့ ထမ်းဆောင်မှုတခု ဖြစ်ပါတယ်။ နောက်ပြီး ဒီအရပ်ဒေသဟာ နှင်းထဲမှာနေတဲ့ ကျားသစ်တွေလို တိရိစ္ဆာန်တွေ၊ တောင်ဆိတ်ရိုင်းတွေနှင့် အညိုရောင် ဝက်ဝံတွေနေထိုင်ရာအရပ်လည်း ဖြစ်ပါတယ်။ ကျွန်ုပ်တို့အားလုံးဟာ Siachen က ရေခဲမြစ်တခုအဖြစ်နှင့် မြစ်ချောင်းတွေနှင့် သန့်စင်တဲ့ရေတို့အတွက် အရင်းအမြစ်ဖြစ်တာကို သိရှိနားလည်ထားကြပါတယ်။ ဒါကြောင့် ဒီနေရာမှာ သန့်ရှင်းစင်ကြယ်ရေးအတွက် စည်းရုံးလှုံ့ဆော်မှုဟာ မြေနိမ့်ပိုင်း အရပ်ဒေသတွေမှာနေထိုင်ကြပြီး Nubra နှင့် Shyok စတဲ့ မြစ်ရေတွေကို အသုံးပြုနေရသူတွေအတွက် သန့်ရှင်းတဲ့ သောက်သုံးရေ ရရှိဖို့အတွက် ကျိုးပမ်းတဲ့သဘော သက်ရောက်ပါတယ်။

ကျွန်ုပ်ရဲ့ ချစ်လှစွာသော ပြည်သူပြည်သားအပေါင်းတို့

ပွဲတော်တွေဟာ ကျွန်ုပ်တို့ရဲ့ဘဝမှာ သိရှိခံစားမှုအသစ်တွေကိုနိုးကြားစေခဲ့ အခါသမယတွေ ဖြစ်ကြပါတယ်။ အထူးသဖြင့် ဒေဝါလီပွဲတော်အချိန်အခါမှာ မိသားစုတိုင်း ပစ္စည်းသစ်တချို့ ဝယ်ယူမှု၊ ဈေးကနေ တချို့သော ပစ္စည်းတွေ အနည်းနှင့်အများ ဝယ်ယူကြတာက ဓလေ့ထုံးစံတခု ဖြစ်ပါတယ်။ တခါက ကျွန်ုပ်ဟာ ပြည်တွင်းဖြစ်ပစ္စည်းတွေ ဝယ်ယူသုံးစွဲသင့်တယ်လို့ ပြောခဲ့ဖူးပါတယ်။ အကယ်၍သာ လိုအပ်တဲ့ပစ္စည်းတွေဟာ ကျွန်ုပ်တို့ရဲ့ ကျေးရွာထဲမှာပဲ ရရှိနိုင်တယ်ဆိုရင် အစိုးရဆိုင်တွေဆီသွားဖို့ မလိုအပ်ပါဘူး။ အကယ်၍ အစိုးရဆိုင်တွေမှာ လိုအပ်တာတွေရှိနေရင် ခရိုင်ဈေးတွေဆီသွားဖို့ မလိုအပ်ပါဘူး။ ကျွန်ုပ်တို့ရဲ့ ဒေသထွက်ပစ္စည်းတွေကို ပိုပြီး သုံးစွဲကြဖို့ကျိုးပမ်းသမျှ ဂန္ဒီကြီး ၁၅၀ နှစ်ပြည့် အစီအစဉ်ကိုယ်တိုင်ဟာ ကြီးမားလှတဲ့ အခမ်းအနားတခု ဖြစ်လာပါလိမ့်မယ်။ နောက်ပြီး ကျွန်ုပ်ဟာ ဆက်လက်ပြီး ကျွန်ုပ်တို့အနေနှင့် လက်ယက္ကန်းတွေကနေ ကျွန်ုပ်တို့ရဲ့ khadi အဝတ်အထည် ယက်လုပ်သူတွေထံမှ ထွက်ပေါ်လာတဲ့ ပစ္စည်းတွေကို ဝယ်ယူသုံးစွဲကြရလိမ့်မယ်လို့ တင်းခံ တောင်းဆိုနေမယ်သာ ဖြစ်ပါတယ်။

ယခုနှစ် ဒေဝါလီပွဲတော် အချိန်အခါမှာလည်း သင်တို့ဟာ ပစ္စည်းအနည်းငယ် သို့မဟုတ် အများအပြားတို့ကို ဒေဝါလီမတိုင်မီ ဝယ်ယူလာခဲ့ကြပြီး ဖြစ်ပါလိမ့်မယ်။ ဒါပေမယ့် ဒေဝါလီပွဲတော် ပြီးဆုံးမှ ဝယ်ယူရင် ဈေးနှုန်းသက်သာစွာ ရရှိနိုင်တယ်လို့ ယူဆကြသူတွေလည်း မနည်းလှပါဘူး။ ဒါကြောင့် ပြည်သူလူထု အများအပြားတို့ဟာ ယခုထိတိုင် ပစ္စည်းတွေ မဝယ်ယူသေးဘဲ ရှိနေကြလိမ့်မယ် ဖြစ်ပါတယ်။ ဒါကြောင့် ဒေဝါလီပွဲတော်အတွက် ဆုမွန်ကောင်း တောင်းဆိုခြင်းနှင့်အတူ သင်တို့အားလုံး ဒေသခံပစ္စည်းတွေကို ကြိုက်နှစ်သက်ပြီး ဒေသခံ ကုန်ပစ္စည်းတွေကို ဝယ်ယူသုံးစွဲကြဖို့ ကျွန်တော် တိုက်တွန်းလိမ့်မယ် ဖြစ်ပါတယ်။ နောက်ပြီး ကျွန်ုပ်တို့ကိုယ်တိုင်က မဟတ္တမ ဂန္ဒီကြီးရဲ့ အိပ်မက်တွေ အကောင်အထည်ဖော်ဖို့အတွက် အရေးပါတဲ့ အခန်းကဏ္ဍကနေ ဘယ်လိုပါဝင်လုပ်ကိုင်နိုင်တယ် ဆိုတာကို တွေ့မြင်ကြရမယ်ဖြစ်ပါတယ်။ တခါပြန်ပြီး သင်တို့အားလုံးကို ဒီ ကျက်သရေမင်္ဂလာနှင့်ပြည့်စုံတဲ့ ဒေဝါလီပွဲတော်မှာ အကောင်းဆုံး ဆုမွန်ကောင်း ကျွန်ုပ်ဆက်သလိုက်ပါတယ်။ ဒေဝါလီပွဲတော် အချိန်မှာ ကျွန်ုပ်တို့ဟာ ဗျောက်အိုးအမျိုးမျိုး ဖောက်ကြပါတယ်။ ဒါပေမယ့် တခါတလေ သတိကင်းမဲ့မှုကြောင့် မီးလောင်မှုတွေ ဖြစ်တပ်ပါတယ်။ ထိခိုက်ဒဏ်ရာရရှိမှုလည်း ဖြစ်နိုင်ပါတယ်။ ကျွန်ုပ်ဟာ သင်တို့အားလုံးကို မိမိကိုယ်ကို အတတ်နိုင်ဆုံး သတိပြု ကာကွယ်ကြဖို့နှင့် ပွဲတော်ကို စိတ်အားထက်သန်စွာ ကျင်းပကြဖို့ တိုက်တွန်းလိုက်ပါတယ်။ သင်တို့အားလုံးကိုလည်း ကျွန်ုပ် ဆုတောင်းမေတ္တာ ပို့သလိုက်ပါတယ်။

ကျေးဇူးတင်ရှိလျှက်