အိန္ဒိယနိုင်ငံသည် ငြိမ်းချမ်းရေးအတွက် ကတိပြုထားလင့်ကစား မြေနယ်နိမိတ် ကာကွယ်စောင့်ရှောက်သွားရန် အသင့်ရှိနေသည်ဟု ကာကွယ်ရေးဝန်ကြီးပြောကြား

ယနေ့ညနေပိုင်း သတင်းဝေဖန်ချက်အခန်းကဏ္ဍမှာ မဟာဗျူဟာ လေ့လာသုံးသပ်သူ ဆောင်းပါးရှင် Padam Singh ရေးသားပေးပို့ထားတဲ့ ‘အိန္ဒိယနိုင်ငံသည် ငြိမ်းချမ်းရေးအတွက် ကတိပြုထားလင့်ကစား မြေနယ်နိမိတ် ကာကွယ်စောင့်ရှောက်သွားရန် အသင့်ရှိနေသည်ဟု ကာကွယ်ရေးဝန်ကြီးပြောကြား’ အကြောင်း သတင်းဆောင်းပါးကို ဆက်လက်ဖော်ပြသွားမယ့်အတိုင်း တင်ပြအစီရင်ခံပါရစေ။

ကာကွယ်ရေးဝန်ကြီး Rajnath Singh ဟာ Ladakh အရှေ့ပိုင်းဒေသတွင်းမှ အခြေအနေတွေနှင့်ပတ်သက်လို့ အောက်လွှတ်တော်ကို ရှင်းလင်းပြောကြားခဲ့ပါတယ်။

အိန္ဒိယနိုင်ငံက အင်ဒို-တရုပ် နယ်စပ်ဒေသ ပိုင်းခြားမှုဟာ သဘောတူညီချက်တွေ၊ သဘောတူစာချုပ်တွေနှင့် နှစ်နိုင်ငံလုံး ရာစုနှစ်ပေါင်းများစွာ သုံးစွဲလာခဲ့ကြတဲ့ သမိုင်းအစဉ်အလာ အသုံးပြုပုံတွေနှင့် နည်းနာတွေသတ်မှတ်ထားတဲ့အတိုင်း ပထဝီဆိုင်ရာ စည်းမျဉ်းတွေအပေါ်မှာ အခြေတည်ထားမှုကို လက်ခံယုံကြည်ကြောင်း ကာကွယ်ရေးဝန်ကြီးက ဖော်ပြခဲ့ပါတယ်။

ဒါပေမယ့်လည်း တရုပ်နိုင်ငံဘက်ကတော့ ၂ နိုင်ငံတို့အကြား နယ်ခြားမျဉ်း သတ်မှတ်ရေးဆွဲထားခြင်း မရှိသေးဘူးလို့ ဆိုနေပါတယ်။နယ်နိမိတ် အငြင်းပွားမှုတွေဟာ စိတ်ရှည်သည်းခံဖို့လိုအပ်တဲ့ ရှုပ်ထွေးကိစ္စရပ်တွေဖြစ်ပြီး အကျိုးသင့် အကြောင်းသင့် အပြန်အလှန် လက်သင့်ခံနိုင်တဲ့ ဖြေရှင်းချက်တွေ၊ နည်းလမ်းတွေ၊ ဆွေးနွေးမှုတွေကတဆင့် ပြုလုပ်သွားကြရမယ်ဆိုတာကို အိန္ဒိယနှင့်တရုပ် ၂ နိုင်ငံစလုံးတို့က တရားဝင် သဘောတူထားသလို ကတိကဝတ်ပြုထားတာလည်းဖြစ်ပါတယ်။

ဒီကြားကာလတွေမှာလည်း ၂ နိုင်ငံ ဆက်ဆံရေးတွေ နောက်ထပ် ဖွံ့ဖြိုးတိုးတက်ဖို့အတွက် နယ်စပ်ဒေသတွေမှာ ငြိမ်းချမ်းတည်ငြိမ်ရေး ထိန်းသိမ်းသွားကြဖို့အတွက်လည်း သဘောတူညီထားကြပါတယ်။ တရုပ်နိုင်ငံဘက်က လိုလားစွာနှင့် လုပ်ဆောင်ခဲ့မယ်ဆိုရင်တော့ နယ်စပ်ဒေသတွေအတွင်း ငြိမ်းချမ်းရေးနှင့် တည်ငြိမ်ရေး ကမောက်ကမဖြစ်မှုတွေ အဆုံးသတ်ပြီးမြောက်သွားစေနိုလိမ့်မယ်လို့ ၂ ဖက်စလုံးက သိရှိထားကြပါတယ်။

အိန္ဒိယ တပ်မတော်သားတွေရဲ့စိတ်ဓာတ်ဟာ အလွန်မြင့်မားမှုရှိတယ်လို့လည်း ကာကွယ်ရေးဝန်ကြီးက ဖော်ပြခဲ့ပါတယ်။ ဝန်ကြီးချုပ်ရဲ့ ခရီးစဉ်ရောက်ရှိတာခြင်းဟာ မိမိတို့ရဲ့ ရဲဘော်ရဲဘက် တပ်သားတွေအနေနှင့် တနိုင်ငံလုံးဟာ ၎င်းတို့နောက်မှာ ရပ်တည်နေကြတယ်ဆိုတာကို နားလည်ထားကြကြောင်း အတည်ဖြစ်စေလိုက်ပါတယ်။

မိမိတို့ ဘေးကင်းလုံခြုံရေးအတွက် Ladakh ဒေသမှာ တောင်တန်းမြင့်မားလှပြီး အလွန်ဆိုးရွားလှတဲ့ ရာသီဥတုအခြေအနေတွေမှာ အမိမြေကို ကာကွယ်နေကြတဲ့ တပ်မတော်သားတွေကို ထောက်ခံပံ့ပိုးရာမှာ ဆုံးဖြတ်ချက်တခု အတည်ပြုသွားကြဖို့အတွက် ကာကွယ်ရေးဝန်ကြီးက လွှတ်တော်ကို တိုက်တွန်းတောင်းဆိုခဲ့ပါတယ်… စသဖြင့် ဆောင်းပါးရှင် Padam Singh ရေးသားဖော်ပြထားတာကို နိဂုံးချုပ် အစီရင်ခံ တင်ဆက်လိုက်ပါတယ်ခင်ဗျာ။