ಖೇಲೋ ಇಂಡಿಯಾ ಯುವ ಕ್ರೀಡಾಕೂಟದ ೨ನೇ ಆವೃತ್ತಿ ಇಂದಿನಿಂದ ಮಹಾರಾಷ್ಟ್ರದ ಪುಣೆಯಲ್ಲಿ ಆರಂಭಗೊಳ್ಳಲಿದೆ. ಇಂದು ಸಂಜೆ ಶ್ರೀ ಶಿವ ಛತ್ರಪತಿ ಕ್ರೀಡಾಂಗಣದಲ್ಲಿ ಜರುಗಲಿರುವ ವರ್ಣರಂಜಿತ ಸಮಾರಂಭದಲ್ಲಿ ಕೇಂದ್ರ ಕ್ರೀಡಾ ಸಚಿವ ರಾಜ್ಯವರ್ಧನ್ ರಾಥೋಡ್ ಮತ್ತು ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಪಾಲ್ಗೊಳ್ಳಲಿದ್ದಾರೆ. ಪ್ರಧಾನಮಂತ್ರಿ ನರೇಂದ್ರ ಮೋದಿ ವಿಡಿಯೋ ಕಾನ್ಫರೆನ್ಸ್ ಮುಖಾಂತರ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಲಿದ್ದಾರೆ. ವಿವಿಧ ರಾಜ್ಯಗಳ ಸುಮಾರು ೯ ಸಾವಿರಕ್ಕೂ ಹೆಚ್ಚು ಕ್ರೀಡಾಪಟುಗಳು ೧೮ ವಿವಿಧ ಕ್ರೀಡೆಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ. ಭಾರತದ ವೇಟ್‌ಲಿಫ್ಟರ್ ಜೆರೇಮಿ ಲಬ್ರಿನುಂಗಾ ಯುವ ಕ್ರೀಡೆಯಲ್ಲಿ ಸ್ಪರ್ಧಿಸುತ್ತಿರುವುದು ವಿಶೇಷವಾಗಿದೆ. ಹತ್ತು ವರ್ಷ ವಯಸ್ಸಿನ ಅಥ್ಲೆಟೆಗಳಾದ ಜಾರ್ಖಂಡನ ಫುಟ್‌ಬಾಲ್ ಪಟು ಪ್ರತಿಮಾ ಕುಮಾರ್, ಮಿಜೋರಾಂನ ಹಾಕಿಪಟು ಲಲ್ತಾನ್‌ಚುಂಗಿ ಮತ್ತು ಪಶ್ವಿಮ ಬಂಗಾಳದ ೧೦ ಮೀಟರ್ ಏರ್ ರೈಫಲ್ ಶೂಟರ್ ಆಭಿನವ್ ಈ ಮೂವರು ಮೊದಲ ಬಾರಿಗೆ ದೊಡ್ಡ ಹಂತದ ಕ್ರೀಡಾ ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಸೋಮವಾರದಿಂದಲೇ ಮುಂಬೈನಲ್ಲಿ ಬಾಲಕರ ಹಾಕಿ ಕ್ರೀಡೆ ಪ್ರಾರಂಭವಾಗಿದೆ.