ਦਸੰਬਰ 2021 ਤੱਕ ਸਪੇਸ ਲਈ ਪਹਿਲਾ ਮਨੁੱਖੀ ਮਿਸ਼ਨ: ਇਸਰੋ

ਇਸਰੋ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਇਹ ਦਸੰਬਰ 2021 ਤੱਕ ਗਗਨਯਾਨ ਨੂੰ ਲਾਂਚ ਕਰਨ ਦੇ ਟੀਚੇ ਨੂੰ ਪੂਰਾ ਕਰਨ ਲਈ ਤਿਆਰ ਹੈ। ਇਸਰੋ ਦੇ ਚੇਅਰਮੈਨ ਡਾ. ਕੇ. ਸਿਵਾਨ ਨੇ ਕਿਹਾ ਹੈ ਕਿ ਇਸ ਮੁਹਿੰਮ ਲਈ ਮਨੁੱਖੀ ਸਪੇਸ ਕੇਂਦਰ ਸਥਾਪਤ ਕੀਤਾ ਗਿਆ ਹੈ।

ਉਨ੍ਹਾਂ ਨੇ ਕਿਹਾ ਕਿ ਗਗਨਯਾਨ ਪ੍ਰੋਜੈਕਟ ਦੇ ਤਹਿਤ, ਭਾਰਤ ਤਿੰਨ ਪੁਲਾੜ ਯਾਤਰੀਆਂ ਨੂੰ ਸੱਤ ਦਿਨਾਂ ਲਈ ਆਉਟਰ ਸਪੇਸ ‘ਤੇ ਭੇਜਣ ਅਤੇ ਉਨ੍ਹਾਂ ਨੂੰ ਵਾਪਸ ਲਿਆਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਹੋਰ ਮਿਸ਼ਨਾਂ ਬਾਰੇ ਬੋਲਦਿਆਂ ਚੇਅਰਮੈਨ ਨੇ ਕਿਹਾ ਕਿ ਇਸ ਸਾਲ 332 ਲਾਂਚਾਂ ਦੀ ਯੋਜਨਾਬੰਦੀ ਕੀਤੀ ਗਈ ਹੈ। ਉਨ੍ਹਾਂ ਵਿੱਚ ਮਹੱਤਵਪੂਰਨ ਚੰਦਰਯਾਨ -2 ਮਿਸ਼ਨ ਅਪ੍ਰੈਲ ਦੇ ਮੱਧ ਤੱਕ ਹੈ।

ਜੀ.ਐਸ.ਏ.ਟੀ -20 ਸੈਟਲਾਈਟ ਹਾਈ ਬੈਂਡਵਿਡਥ ਕਨੈਕਟੀਵਿਟੀ ਨੂੰ ਸਤੰਬਰ-ਅਕਤੂਬਰ ਵਿੱਚ ਸ਼ੁਰੂ ਕੀਤਾ ਜਾਏਗਾ। ਸ਼੍ਰੀ ਸਿਵਾਨ ਨੇ ਕਿਹਾ ਕਿ ਇਸਰੋ 2023 ਤੱਕ ਵੀਨਸ ਨੂੰ ਇੱਕ ਮਿਸ਼ਨ ਦੀ ਯੋਜਨਾ ਬਣਾ ਰਿਹਾ ਹੈ। ਚੇਅਰਮੈਨ ਨੇ ਕਿਹਾ ਕਿ ਇਸਰੋ ਟੀ.ਵੀ. ਚੈਨਲ ਨੂੰ 3-4 ਮਹੀਨਿਆਂ ਤੱਕ ਲਾਂਚ ਕੀਤਾ ਜਾਵੇਗਾ। ਇਸਰੋ ਨੇ ਦੇਸ਼ ਭਰ ਵਿੱਚ 6 ਇਨਕਿਊਬੇਸ਼ਨ ਸੈਂਟਰ ਸਥਾਪਤ ਕੀਤੇ ਹਨ ਤਾਂ ਕਿ ਨਵੇਂ ਉਦਮ ਸ਼ੁਰੂ ਕਰਨ ਲਈ ਸ਼ੁਰੂਆਤ ਵਿੱਚ ਮਦਦ ਕੀਤੀ ਜਾ ਸਕੇ।