ਉਪ-ਸੋਨਿਕ ਕਰੂਜ਼ ਮਿਜ਼ਾਇਲ ‘ਨਿਰਭੈ’ ਦਾ ਹੋਇਆ ਸਫ਼ਲ ਪ੍ਰੀਖਣ

ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ, ਡੀ.ਆਰ.ਡੀ.ਓ. ਨੇ ਬੀਤੇ ਦਿਨ ਸਵਦੇਸ਼ੀ ਡਿਜ਼ਾਇਨਡ ਅਤੇ ਨਿਰਮਿਤ ਲੰਬੀ ਦੂਰੀ ਦੀ ਉਪ-ਸੋਨਿਕ ਕਰੂਜ਼ ਮਿਜ਼ਾਇਲ-ਨਿਰਭੈ ਦਾ ਉੜੀਸਾ ਦੇ ਚਾਂਦੀਪੁਰ ਤੋਂ ਇੰਟੀਗ੍ਰੇਟਿਡ ਟੇਸਟ ਰੇਂਜ ਤੋਂ ਸਫ਼ਲ ਪ੍ਰੀਖਣ ਕੀਤਾ।
ਰੱਖਿਆ ਮੰਤਰਾਲੇ ਨੇ ਦੱਸਿਆ ਕਿ ਇਹ ਮਿਜ਼ਾਇਲ ਹਜ਼ਾਰ ਕਿ.ਮੀ. ਤੱਕ ਮਾਰ ਕਰਨ ਦੀ ਸਮਰੱਥਾ ਰੱਖਦੀ ਹੈ। ਇਸ ਨਾਲ ਭਾਰਤੀ ਫੌਜ ਨੂੰ ਮਜ਼ਬੂਤੀ ਮਿਲੇਗੀ।ਇਸ ਮਿਜ਼ਾਇਲ ਦਾ ਪਹਿਲਾ ਪ੍ਰੀਖਣ 12 ਮਾਰਚ 2013 ਨੂੰ ਕੀਤਾ ਗਿਆ ਸੀ ਅਤੇ ਬੀਤੇ ਦਿਨ ਤਰੱਕੀ ਇਸ ਲੜੀ ਦਾ 6ਵਾਂ ਪ੍ਰੀਖਣ ਹੈ।