அமெரிக்கா-இரான் இடையே பதற்றத்தை அதிகரித்த அராம்கோ மீதான தாக்குதல்.


(இட்சா ஆய்வாளர் டாக்டர் லக்ஷ்மிப்ரியா அவர்களின் ஆங்கில உரையின் தமிழாக்கம் – மாலதி தமிழ்ச்செல்வன்.) செளதி அரெபியாவின் தமாமுக்கு அருகில் உள்ள அந்நாட்டின் அரசு எண்ணெய் நிறுவனமான அராம்கோவின் மிகப்பெரிய எண்ணெய் ஆலைகள் அமைந்திருக்கும் அப்காய்க், குரெய்ஸ் ஆகிய இடங்களில் அண்மையில் நடைபெற்ற ஆளில்லா விமானத் தாக்குதல், வளைகுடாப் பகுதியில் அமெரிக்காவுக்கும் இரானுக்கும் இடையிலான பதற்றங்களை அதிகரிக்கச் செய்துள்ளது. இதனால், 1991 வளைகுடா போருக்குப் பிறகு, உலக அளவில் எண்ணெய் விலை மிகப்பெரிய அளவில் அதிகரித்துள்ளது.…

கூட்டுறவில் புதிய செயலுத்திகளைத் தேடும் இந்தியாவும் ஈரானும்.


(ரஷ்யா மற்றும் மேற்கு ஆசியாவுக்கான செயலுத்தி ஆய்வாளர் டாக்டர் மீனா சிங் ராய் அவர்களின் ஆங்கில உரையின் தமிழாக்கம் – நித்யா பாலாஜி.) ஈரானில் தற்போது செயலுத்தி ரீதியாக, சீர்குலைவில் சிக்கியுள்ள,  கவலைக்குரிய,  பிராந்திய சூழலின் பின்னணியில்,   இந்தியாவுக்கும் ஈரானுக்கும் இடையிலான பதினாறாவது சுற்று வெளியுறவு அலுவலக ஆலோசனைகள் இந்த வாரம் தெஹ்ரானில் நடந்தது.  இந்தியாவின் வெளியுறவு செயலாளர் விஜய் கோகலே அவர்கள் இந்திய தூதுக்குழுவிற்குத் தலைமை தாங்கினார், ஈரான்…

குடியரசுத் தலைவர் ராம் நாத் கோவிந்த் அவர்களின் ஐஸ்லாந்து, சுவிட்சர்லாந்து மற்றும் ஸ்லோவேனியா சுற்றுப்பயணம்


(பேராசிரியர் உம்மு சல்மா பாவா அவர்களின் ஆங்கில உரையின் தமிழாக்கம் – லட்சுமண குமார்.) குடியரசுத் தலைவர் ராம் நாத் கோவிந்த் அவர்கள், ஐஸ்லாந்து, சுவிட்ஸர்லாந்து மற்றும் ஸ்லோவேனியா ஆகிய நாடுகளுக்கு, இருதரப்பு அரசியல் மற்றும் பொருளாதார உறவுகளை மேம்படுத்த 9 நாள் சுற்றுப்பயணம் மேற்கொண்டார்.  மீன் வளத்துறையில் இணைந்து செயல்படுதல், கலாச்சார ஒத்துழைப்பு, அதிகாரிகளுக்கு விசா வசதிகள் மற்றும் ஐஸ்லாந்து பல்கலைக் கழகத்தில் ஹிந்தி நாற்காலி உருவாக்குதல் ஆகியவை…

அம்பலமாகும்  பாகிஸ்தானின் இரட்டை நிலைப்பாடு.  


(செய்தி நிபுணர் கௌசிக் ராய் அவர்கள் ஆங்கிலத்தில் எழுதிய ஆய்வுரையின் தமிழாக்கம் இராஜ்குமார் பாலா.) இந்திய மாநிலமான ஜம்மு காஷ்மீர் மீதான, தனது விட்டுக் கொடுக்காத நிலைப்பாடு காரணமாக, பாகிஸ்தான் ஒரு அமைதியற்ற சூழலில் உள்ளது. இந்திய அரசியல் சாசனத்தின் 370 ஆவது பிரிவை திரும்பப் பெற்றது இந்தியாவின் உள்நாட்டு விஷயம் என்று வர்ணித்து அனைத்து உலக நாடுகளும் ஒவ்வொன்றாகப் பாகிஸ்தானை இடித்துரைத்தன.  தனக்கு ஆதரவு கோரி பாகிஸ்தான் ஒவ்வொரு…

நிலவளம் குன்றுவதைத் தடுக்க உலக நாடுகள் உறுதிமொழி.


(மூத்த பத்திரிக்கையாளர் கே.வி. வெங்கடசுப்ரமனியன் அவர்களின் ஆங்கில உரையின் தமிழாக்கம் – ஆ.வெங்கடேசன்.) நிலம் மிகவும் முக்கியத்துவம் வாய்ந்த வளமாகும். மனித வாழ்க்கைக்குத் தேவையான சுத்தமான குடிநீர் , உணவு, மற்றும் இதர பல சுற்றுச்சூழல் சேவைகளையும் பல்லுயிர் வளத்தையும் அது வழங்கி வருகிறது. பருவநிலைக் கட்டமைப்பிலும் நிலம் மிக முக்கிய பங்கு வகிக்கின்றது. கடந்த பல பத்தாண்டுகளில், மக்கள் தொகை அதிகரிப்பு காரணமாக, நிலம் மற்றும் சுத்தமான குடிநீரை,…

புறக்கணிக்கப்பட்ட ஆஃப்கானிஸ்தான்


தி ஹிந்து நாளிதழின் சிறப்பு நிருபர் கல்லோல் பட்டாச்சார்ஜீ அவர்களின் ஆங்கில உரையின் தமிழாக்கம் நித்யா வெங்கடேஷ் அமெரிக்காவுடனான பேச்சு வார்த்தை என்ற கடினமான பணிக்கு தாலிபான் அமைப்பு, 14 உறுப்பினர் அமைதிப் பேச்சு வார்த்தைக் குழு ஒன்றை அமைத்திருந்தது. ஆஃப்கானிஸ்தான் அரசுக்கும் தாலிபான்களுக்குமான போர் நிகழ்ந்து கொண்டிருக்கும் சமயத்திலேயே இந்தப் பேச்சு வார்த்தைகள் நடைபெற ஏற்பாடு செய்யப்பட்டிருந்தது. குரூரமான தாக்குதல் முறைகளைக் கடைபிடித்து, பொதுமக்களைக் குறிவைக்கும் தாலிபான்களுடன் பேச்சு…

விரிவான பிராந்திய பொருளாதாரக் கூட்டமைப்பின் ஏழாவது சந்திப்பு.


(பொருளாதாரப் பத்திரிக்கையாளர் மனோஹர் மனோஜ் அவர்களின் ஆங்கில உரையின் தமிழாக்கம் – ஸ்ரீப்ரியா சம்பத்குமார்.) விரிவான பிராந்திய பொருளாதாரக் கூட்டமைப்பான ஆர்.சி.ஈ.பி-யின் சந்திப்பு சமீபத்தில் பேங்காக்கில் நடைபெற்றது. அமெரிக்கா-சீனா இடையிலான வர்த்தகப் போர் மற்றும் ஜப்பான்-தென் கொரியா இடையிலான பொருளாதார முரண்பாடுகள் ஆகியவற்றிற்கு மத்தியில் இந்த சந்திப்பு நிகழ்ந்துள்ளது. கடந்த மாதம் நடந்த ஆர்.சி.ஈ.பி சந்திப்பிற்கு இந்தியா சார்பில் யாரும் செல்லவில்லை. தற்போது நடந்த சந்திப்பில், இந்திய வர்த்தகம் மற்றும்…

வலுப்படுத்தப்படும் இந்தியாவின் கிழக்கு நோக்கிய தொடர்புகள்


  செயல் உத்தி நிபுணர் டாக்டர் ராஹுல் மிஷ்ரா அவர்கள் ஆங்கிலத்தில் எழுதியதன் தமிழாக்கம் தமிழில்: மாலதி தமிழ்ச்செல்வன் வெளியுறவு அமைச்சராகப் பொறுப்பேற்றபிறகு டாக்டர் எஸ் ஜெய்சங்கர் அவர்கள், ஆசியான் பகுதிக்கான தமது முதலாவது இருதரப்பு பயணத்தின் ஒரு பகுதியாக இந்தோனேசியா மற்றும் சிங்கப்பூருக்குச் சென்றார். தென்கிழக்காசிய பயணத்தின் முதல் கட்டமாக டாக்டர் ஜெய்சங்கர், இந்தோனேசிய வெளியுறவு அமைச்சர் ரெட்னோ மர்சுடி உடன் பேச்சுகள் நடத்தினார். கடல்சார் விஷயங்களை ஒருங்கிணைப்பதற்கான…

ஐ நா மனித உரிமை கவுன்சிலில் இந்தியாவின் வலுவான பதிலடி


  பாகிஸ்தான் விவகாரங்கள் குறித்த ஆய்வாளர் டாக்டர் ஜைனாப் அக்தெர் அவர்களின் ஆங்கில உரையின் தமிழாக்கம் நித்யா வெங்கடேஷ்   ஐ நா மனித உரிமைகள் கவுன்சிலின் 42 ஆவது  கூட்டத்தில் கஷ்மீர் குறித்த தீர்மானத்தைக் கொண்டு வரும் நோக்கில், இதனை ஒரு சர்வதேச விவகாரமாக சித்தரிக்க முயன்ற  பாகிஸ்தான் வெளியுறவு அமைச்சர் ஷா மெஹமூத் குரேஷியின் முயற்சி தோல்வியையே தழுவியது. 47 உறுப்பினர் கொண்ட இந்த கவுன்சிலில் 24…

இந்தியா – நேபாளம் பெட்ரோலியம் பைப் லைன்: தெற்காசியாவின் முதல் திட்டம் துவக்கப்பட்டது


ரத்தன் சல்தி ஆங்கிலத்தில் எழுதியதன் தமிழாக்கம். தமிழில் லஷ்மண குமார். இந்தியாவும் நேபாளமும் தங்களுக்கிடேயேயான இரு தரப்பு உறவுகளில் மேலும் ஒரு மைல் கல்லை எட்டியுள்ளன. இந்தியாவின் பிஹார் மாநிலத்திலுள்ள மோதிஹாரியிலிருந்து நேபாளத்தின் ஆம்லேக்குஞ்க்கு   பெட்ரோலிய பொருட்களை குழாய் மூலம் எடுத்துச் செல்லும் திட்டத்தை இரு நாட்டு பிரதமர்களும் காணொளிக்காட்சி மூலம் கூட்டாக துவக்கி வைத்தனர். எல்லை கடந்த  இந்த திட்டம் தெற்காசியாவில் முதல் முறையாக துவக்கப்பட்டுள்ளது. 69 கி.மீ நீளம்  கொண்ட இந்த பைப் லைன் திட்டத்தில் 32.7 கி.மீ தூரம் இந்தியாவிலும், 37.2 கி.மீ நேபாளத்திலும் உள்ளன. இரண்டு டன் சுத்தமான பெட்ரோலிய பொருட்களை எடுத்துச் செல்லும் திறன் கொண்ட இந்த திட்டத்தின்  மூலம் தடையின்றி வருடந்தோறும் நேபாள மக்களுக்கு  பெட்ரோலிய பொருட்கள் வழங்கமுடியும். இந்த திட்டம் இந்தியா – நேபாளம் இடையே நெருங்கிய இருதரப்பு உறவுக்கான குறியீடு என்று கூறிய இந்திய பிரதமர் நரேந்திர மோதி, மோதிஹாரி – ஆம்லேக்குஞ் பெட்ரோலிய குழாய் திட்டம் எரிபொருள் பாதுகாப்பை மேலும் உறுதிப்படுத்தும்,  எரிபொருள்  கொண்டு செல்வதற்கான செலவினங்களையும்  குறைக்கும் என்று கூறினார். உயர்மட்ட அரசியல் நிலையிலான தொடர் பரிமாற்றங்கள் மூலம் இந்திய – நேபாள கூட்டளித்துவத்தை விரிவுபடுத்துவதற்கான சாதகமான நிலை ஏற்பட்டுள்ளது குறித்து பிரதமர் திருப்தி தெரிவித்தார். புது தில்லியிலிருந்து இந்த திட்டத்தை துவக்கி வைத்த பிரதமர் மோதி, இரு நாடுகளுக்கிடையேயான இரு தரப்பு உறவுகள் மேலும் ஆழமாகும், பல்வேறு துறைகளுக்கு பரவும் என்று நம்பிக்கை தெரிவித்தார். நேபாளத்தின் வளர்ச்சிக்கு உதவும் இந்தியாவின் உறுதிப்பாட்டையும் பிரதமர் வலியுறுத்தினார். இந்த நிகழ்ச்சியை ஒட்டி காத்மாண்டுவில் பேசிய நேபாள பிரதமர் கே.பி.சர்மா ஓலி வர்த்தகம், பரிமாற்றம் மற்றும் கட்டமைப்புக்கான இணைப்பிற்கு இந்த குழாய் திட்டம் ஒரு சிறந்த உதாரணம் என்று வர்ணித்தார். திடமான அரசியல் அர்பணிப்பின் பின்னனியில் இந்தியாவும்–நேபாளமும் வளர்ச்சி, வளம் மற்றும் மகிழ்ச்சி  குறித்து ஒரே மாதிரியான சிந்தனை கொண்டுள்ளது மேலும் அதை அடைவதற்கு இரு நாடுகளும் உறுதிபூண்டுள்ளன என்று அவர்  கூறினார். நேபாள மக்களுக்கு சலுகை அளிக்கும் வகையில் பெட்ரோல் மற்றும் டீஸல் விலையை லிட்டருக்கு இரண்டு ரூபாய் குறைப்பதாகவும் அவர் அறிவித்தார். இந்தியாவிலிருந்து நேபாளத்துக்கு குழாய் மூலம் பெட்ரோலிய பொருட்களை எடுத்து செல்வதன் மூலம் நேரமும் செலவும் மிச்சமாவது மட்டுமல்லாமல் சாலை போக்குவரத்து குறைந்து டேங்கர் மூலம்  எடுத்து செல்லும்போது ஏற்படும் காற்று மாசும் குறைகிறது என்று அவர் கூறினார்.  1973 ஆம் ஆண்டு முதல் நேபாளம் தனது முழு பெட்ரோலிய தேவைகளுக்கு இந்தியாவிலிருந்தே   இறக்குமதி செய்கிறது.  இதை எடுத்து செல்வதற்கு எண்ணெய் டேங்கர் லாரிகள் பயன் படுத்தப்படுகின்றன. 2007 ஆம் ஆண்டு, இந்திய பொதுத்  துறை நிறுவனமான இந்தியன்  ஆயில் கார்பொரேஷன்  பரவுனி எண்ணெய் சுத்திகரிப்பு நிலையம் மற்றும் ரக்ஸ்ஸவுள் சேமிப்பு கிடங்கிலிருந்து நேபாள் ஆயில் கார்பொரேஷனுக்கு 2020 ஆண்டு வரை எண்ணெய் வழங்கும் ஒப்பந்தத்தை புதுப்பித்தது. 1996 ஆம் ஆண்டு திட்டமிடப்பட்ட மோதிஹாரி – ஆம்லேக்குஞ் குழாய் திட்டம் பல ஆண்டுகளாக கிடப்பில் போடப்பட்டிருந்தது. 2014 ஆம் ஆண்டு பிரதமர் மோதியின் நேபாள பயணத்தின் போது இந்த திட்டம் புத்துயிர் பெற்றது. இரு நாடுகளின் முன்னனி  எண்ணெய் நிறுவனங்களான இந்தியன் ஆயில் கார்பொரேஷன் மற்றும் நேபாள் ஆயில் கார்பொரேஷனும் இந்த திட்டத்தை நிறைவேற்ற 2015 ஆம் ஆண்டு ஒப்பந்தத்தில் கையெழுத்திட்டன. கடந்த ஆண்டு ஏப்ரல் மாதம் நேபாள பிரதமர் இந்திய வந்திருந்த போது புது தில்லியில் உள்ள ஹைதராபாத் இல்லத்தில் இருந்து தொலை உணர்வு கட்டுப்பாடு மூலம் இந்த திட்டத்திற்கு அடிக்கல் நாட்டப்பட்டது. இந்த திட்டத்தை 30 மாதங்களில் முடிக்க திட்டமிடப்பட்டிருந்தது. ஆனால், அதிகாரிகளின் அயராத முயற்சியால் திட்டமிட்ட காலத்தின் பாதியிலேயே இந்த திட்டம் நிறைவேற்றப்பட்டுள்ளது.  நேபாளத்தில் மேற்கொள்ளப்பட்ட திட்டம் ஒன்று வெகுவிரைவில் நிறைவேற்றப்பட்டிருப்பது ஒரு சாதனை.   இந்தியாவின் உதவி மூலம் நேபாளத்தில் செயல்படுத்தப்படும் திட்டங்கள் காலதாமதமாகி செலவு அதிகமாகிறது  என்ற குற்றச்சாட்டும்  இதன் மூலம் நிராகரிக்கப்பட்டுள்ளது. இரு நாடுகளும் தற்சமயம் நடைபெறும் திட்டங்களை மறு ஆய்வு செய்ய உயர் மட்ட கூட்டங்களை  தொடர்ந்து நடத்தி   வருகின்றன.  கடந்த  மாதம்தான், இந்திய – நேபாள கூட்டு குழுவின் கூட்டம் இரு நாட்டு வெளி உறவு அமைச்சர்கள் தலைமையில்   காட்மாண்டுவில்  நடைபெற்றது.  இரு தரப்பு உறவுகளின் அனைத்து அம்சங்கள், கூட்டுறவிற்கான புதிய பகுதிகளை கண்டறிதல் மற்றும் தற்போது மேற்கொள்ளப்பட்டு வரும் திட்டங்களை மறு ஆய்வு செய்தல் ஆகியன இந்த கூட்டத்தில் விவாதிக்கப்பட்டது. இருதரப்பு உறவுகளில் ஏற்பட்டுள்ள முன்னேற்றம் குறித்து இரு நாட்டு பிரதமர்களும் திருப்தி தெரிவித்துள்ளனர்.  நேபாளத்தில், 2015 ஆம் ஆண்டு ஏற்பட்ட நிலநடுக்கத்தில் பாதிக்கப்பட்டவர்களுக்கு  இந்தியா 50,000 வீடுகள் கட்டி தந்ததற்கு திரு ஓலி நன்றி தெரிவித்தார்.