ஜம்மு-காஷ்மீர் மாநிலத்தில் 8 பயங்கரவாதிகள் சுட்டுக் கொலை.

ஜம்மு-காஷ்மீர் மாநிலம் குப்வாரா, பாரமுல்லா, ஜம்மு ஆகிய மாவட்டங்களில் தனித்தனியே மேற்கொள்ளப்பட்ட ராணுவ நடவடிக்கைகளில் 8 பயங்கரவாதிகள் கொல்லப்பட்டனர். எல்லைப்பகுதியில் உள்ள குப்வாரா மாவட்டத்தில் ஊடுருவல் முயற்சியைத் தடுப்பதற்கு ராணுவம் மேற்கொண்ட நடவடிக்கையின்போது அடையாளம் தெரியாத மூன்று பயங்கரவாதிகள் கொல்லப்பட்டனர். ஆயுதம் தாங்கிய அவர்களின் உடல்கள் எல்லைக்கட்டுப்பாட்டு கோட்டின்  அருகே கண்டெடுக்கப்பட்டதாக ராணுவ வட்டாரங்கள் தெரிவித்தன. பாரமுல்லா மாவட்டத்தில் பாகிஸ்தானைச் சேர்ந்த ஜெயஷ் ஏ முகமது அமைப்பின் இரண்டு பயங்கரவாதிகள்  கொல்லப்பட்டனர். இவர்களில் ஒருவர் ஏற்கனவே நான்கு காவலர்கள் உயிரிழக்கக் காரணமான குண்டுவெடிப்பு சம்பவத்தில் மூளையாகச் செயல்பட்ட பயங்கரவாதி என்று காவல்துறை அதிகாரி ஒருவர் தெரிவித்தார். ஜம்முவில் பயங்கரவாதிகளுக்கும், ராணுவத்தினருக்கும் இடையே தொடர்ந்து நடைபெற்று வரும் துப்பாக்கிச் சண்டையில் நேற்று காலை 3 பயங்கரவாதிகள் கொல்லப்பட்டனர்.

Pin It