நாளேடுகள் நவில்வன.

இன்றைய நாளேடு, ஸ்திரமான அளவு, கூட்டு மருந்துகள் பலவற்றை அரசு தடை செய்துள்ளதை வரவேற்று, தலையங்கம் தீட்டியுள்ளது.

தி பயோனியர் நாளிதழ் வெளியிட்டுள்ள தலையங்கத்தில், அரசு 328 ஸ்திரமான அளவு, கூட்டு மருந்துகளைத் தடை செய்ய எடுத்த முடிவு மிகச் சரியானதே என்று பாராட்டியுள்ளது. இத்தகைய கூட்டு மருந்துகளினால் உடலுக்குத் தீங்கு அதிகம் என்றும், பொதுவாகவே, மக்கள் சளி, உடல்வலி போன்ற உபாதைகள் அனைத்துக்குமான ஒரே கூட்டு மருந்தை உட்கொள்ளும் வழக்கத்தைக் கொண்டிருப்பதாகவும், இதில் தேவையற்ற மருந்தையும் அவர்கள் சேர்ந்தே உட்கொள்வதால், உடல்நலம் பெரிதும் பாதிக்கப்பட வாய்ப்பு அதிகம் என்றும் அப்பத்திரிக்கை கூறுகிறது. மருந்து உற்பத்தி நிறுவனங்கள், தங்கள் சாதுரியமான வியாபார நோக்குடன் இத்தகைய தேவையற்ற கூட்டு மருந்துகளை வெளியிடுகின்றன என்றும், அந்நிறுவன்ங்களின் லாபத்தைவிட, மக்களின் ஆரோக்கியமே முக்கியம் என்பதால், அரசின் இந்த முடிவு வரவேற்கத் தக்கது என்றும் அப்பத்திரிக்கை மேலும் கூறுகிறது.

வியத்தகு விஞ்ஞான செய்தி ஒன்றை தமிழ் நாளேடு வெளியிட்டுள்ளது.

தாவரங்களுக்கும் உயிர் உண்டு! என்ற தினத்தந்தி நாளிதழின் செய்திக் குறிப்பில்,

“உயிரினங்கள் போன்றே தாவரங்கள் காயம் அடைந்தால் ஒரு அற்புதமான எதிர்வினை காட்டுகின்றன. விலங்குகள் அவற்றைப் போன்றவைகளை உருவாக்குகின்றன என ஆய்வில் தெரியவந்து உள்ளது.

உலகில் இருக்கிற புல், பூண்டு முதல் மனிதன் வரை, எல்லாவற்றிற்கும் உயிர் உண்டு என்கிறார்கள் தத்துவஞானிகள். இது அறிவியல்பூர்வமாக தற்போது  நிருபிக்கப்பட்டு உள்ளது

தாவரங்கள் ஒரு பாகத்திலிருந்து, மற்ற பாகங்களுக்கு உணர்ச்சியை அறிவிக்கின்றன. தாவரங்களுக்கு நம்மைப் போல் நரம்புகள் இல்லை. எனினும், உணர்ச்சியை அறிவிக்க, தாவரங்களில்  உள்ள சில உயிரணுக்கள் பயன்படுகின்றன.

ஒரு பூச்சி மூலம்  அல்லது மின்சாரத்தால்  தாவரங்கள் தாக்கப்படுகையில் அவைகளின்  பாதுகாப்பு அமைப்புகள் பிற பகுதிகளில் வளர்க்கப்படுகின்றன.  எப்படி இவைகளால் அதை எவ்வாறு செய்ய முடிகிறது? புதிய ஆராய்ச்சி படி,  விலங்குகள்  போல்  தாவரங்கள் தங்கள் நரம்பு மண்டலத்தில் உள்ள  அதே சமிக்ஞை மூலக்கூறுகளை பயன்படுத்துகின்றன. ஆனால் தாவரங்களில்  நரம்புகள் இல்லை, பிறகு எப்படி இவ்வாறு செய்ய முடிகிறது. ஆராய்ச்சியாளர்கள்  ஃப்ளூரொரெசென்ட் புரோட்டீனைப் பயன்படுத்தி  இதனைக் கண்டறிந்துள்ளனர்.”

என்று குறிப்பிட்டுள்ளது.

Pin It