பிரதமர் திரு நரேந்திர மோதி உத்தராகண்ட் மாநிலத்தில் இன்று பல்வேறு வளர்ச்சித் திட்டங்களைத் தொடங்கி வைக்கிறார்.

பிரதமர் திரு நரேந்திர மோதி உத்தராகன்ட் மாநிலத்தில் இன்று பல்வேறு வளர்ச்சித் திட்டங்களைத் தொடங்கி வைக்கிறார். அம்மாநிலத்தில் ருத்ரப்பூருக்கு செல்லும் அவர்,  அங்கு ஒருங்கிணைந்த கூட்டுறவு மேம்பாட்டுத் திட்டத்தைத் தொடங்கி வைக்கிறார். மாநிலத்தில் கிராமப்  பொருளாதாரத்தை மேம்படுத்தவும் விவசாயம் மற்றும் வேளாண் சார்ந்த தொழில்களை ஊக்குவிக்கவும் இந்தத் திட்டம் உதவியாக அமையும்.

தீனதயாள் உபாத்யாயா விவசாயிகள் நலத்திட்டத்தின் கீழ், பயனாளிகளுக்கு கடன்கள் வழங்குவதற்கான காசோலைகளை பிரதமர் வழங்குகிறார். இந்தத் திட்டத்தின் கீழ், உத்தராகன்ட் மாநில அரசு, விவசாயிகளுக்கு மிகக் குறைந்த வட்டியில் ஒரு லட்சம் ரூபாய் வரை கடன் வழங்குகிறது. 2022 ஆம் ஆண்டுக்குள் விவசாயிகளின் வருமானத்தை இரட்டிப்பாக்கும் நோக்கத்தின் ஒரு பகுதியாக, உத்தராகன்ட் அரசு இத்திட்டத்தை செயல்படுத்துகிறது.

 

Pin It