భారతీయ జనతా పార్టీ హిమాచల్ ప్రదేశ్ రాష్ట్ర శాఖ అధ్యక్షుడు సత్ పాల్ సత్తి ఎన్నికల ప్రచారంపై ఎన్నికల సంఘం 48 గంటల నిషేధం విధించింది. ఆయన ప్రచారం ఈ ఉదయం 10 గంటలకు ప్రారంభం కావలసి ఉంది. ఆయన ఎన్నికల ప్రచారంపై నిషేధం విధింపు సమాచారం ఉత్తర్వులను బట్వాడ చేయవలసిందిగా ఎన్నికల సంఘం ఆ రాష్ట్రాన్ని కోరింది. ఆ రాష్ట్రంలోని సోలన్ జిల్లా రామ్ షహర్ ఎన్నికల ప్రచార సభలో సత్ పాల్ చేసిన వ్యాఖ్యలు అవాంఛనీయం, తీవ్రమైనవిగా ఉన్నాయని ఎన్నికల సంఘం తెలిపింది.