བོད་ཀྱི་ས་མཐོའི་ཚ་དྲོད་རྒྱས་བཞིན་པའི་ཐོག་རློན་ཚད་མཐོ་རུ་འགྲོ་བཞིན་པ།

གོ་ལའི་ཁོར་ཡུག་གི་ཚ་དྲོད་རྒྱས་བཞིན་པའི་ཤུགས་རྐྱེན་འོག་བོད་མཐོ་སྒང་སྤྱི་དང་ལྷག་པར་དུ་མཚོ་སྔོན་བོད་ཀྱི་ས་མཐོའི་ཚ་དྲོད་རྒྱས་བཞིན་པའི་ཐོག་རློན་ཚད་མཐོ་རུ་འགྲོ་བཞིན་ཡོད་པ་རྒྱ་ནག་གི་ཞིབ་འཇུག་ཚན་རིག་པས་བརྗོད་འདུགབོད་ཀྱི་ས་མཐོ་ནི་རྒྱ་མཚོ་ནས་མི་ཊར་ ༣༠༠༠ ནས་ ༥༠༠༠ བར་གྱི་མཐོ་ཚད་དུ་ཆགས་ཡོད་ཅིང་། ས་མཐོ་དེའི་ནང་གཏན་འཇགས་འཁྱགས་རོམ་སྟོང་ཕྲག་མང་པོ་ཡོད་པར་མ་ཟད། རྒྱ་ནག་དང་ཁྱིམ་མཚེས་ཡུལ་གྲུ་མང་པོའི་ནང་རྒྱུགས་པའི་གཙང་པོ་ཆེ་ཁག་གི་འབྱུང་ཁུངས་ཡང་ཆགས་ཡོད་པ་རེདའཛམ་གླིང་གི་ས་གནས་གཞན་དང་མ་འདྲ་བར་གོ་ལའི་ཚ་དྲོད་རྒྱས་པའི་རྐྱེན་གྱིས་བོད་ཀྱི་ས་མཐོའི་ཁོར་ཡུག་ཐོག་ཤུགས་རྐྱེན་ཆེ་བ་ཡོང་གི་ཡོད་པ་རྒྱ་ནག་དང་དེ་མིན་ཁོར་ཡུག་ཉམས་ཞིབ་པ་ཚོས་ངོས་འཛིན་གྱིས། བོད་ནི་འཛམ་གླིང་གི་སྣེ་གསུམ་པ་ལྟ་བུར་ངོས་འཛིན་བྱེད་བཞིན་ཡོད་པ་རེད།