བོད་ཀྱི་དབུ་ཁྲིད་༧གོང་ས་མཆོག་རྒྱ་གར་གྱི་གྷོ་ཝར་ཞབས་སོར་འཁོད་འདུག

༧གོང་ས་༧སྐྱབས་མགོན་ཆེན་པོ་མཆོག་ནས་གྷོ་ཝའི་འཛིན་སྐྱོང་ཤེས་ཡོན་ལྟེ་གནས་ཁང་དུ་གསུང་བཤད་སྩོལ་གནང་རྒྱུ་ཡིན་འདུག

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཕྱི་ཟླ་ ༨ ཚེས་ ༧ ཉིན། རྒྱ་གར་གྱི་མངའ་སྡེ་གྷོ་ཝའི་ནང་ཞབས་སོར་བདེ་བར་འཁོད་གནང་མཛད་ཡོད་པ་དང་། ཚེས་ ༨ ་གཟའ་ལྷག་པའི་ཉིན་མངའ་སྡེ་དེའི་ནང་ཡོད་པའི་གྷོ་ཝ་འཛིན་སྐྱོང་ཤེས་ཡོན་ལྟེ་གནས་ཁང་ངམ། (Goa Institute of Management)ཞེས་པ་འདི་བཙུགས་ནས་ལོ་ངོ་ཉི་ཤུ་རྩ་ལྔ་འཁོར་བའི་དུས་དྲན་སྲུང་བརྩིའི་མཛད་སྒོར་གདན་ཞུས་ལྟར། གཙོ་བོ་རྒྱ་གར་གྱི་གནའ་བོའི་ཤེས་བྱ་བཟང་པོ་དེ་དག་དེང་སང་དུས་ཚོད་འདིར་གལ་ཆེན་པོ་ཇི་ལྟར་ཆགས་ཀྱི་ཡོད་མེད་ཅེས་པའི་བརྗོད་གཞིའི་ཐོག་གསུང་བཤད་གནང་རྒྱུ་ཡིན་འདུག