ས་བྱི་ཞི་རྒོལ་སྐབས་འཛིན་བཟུང་བྱས་བའི་མགོན་པོ་ཚེ་ཁོ་ལགས་བཙོན་གྲོལ་བྱུང་འདུག

ཕྱི་ལོ་༢༠༠༨ ས་བྱི་ཞི་རྒོལ་ཆེན་མོའི་རྗེས་རྒྱ་ནག་གིས་འཛིན་བཟུང་བཙོན་འཇུག་བྱས་བའི་མགོན་པོ་ཚེ་ཁོ་ལགས་བཙོན་གྲོལ་བྱུང་འདུག

དེ་ཡང་བོད་ནས་འདི་ག་རླུང་འཕྲིན་ཁང་དུ་གནས་ཚུལ་འབྱོར་བ་ལྟར་ན། ཕྱི་ལོ་༢༠༠༨ ལོར་བོད་ནང་བྱུང་བའི་ས་བྱི་ཞི་རྒོལ་ཆེན་མོའི་རྗེས་རྒྱ་ནག་གཞུང་གིས་མདོ་སྨད་མདོ་ལྷོ་རྨ་ཆུ་ནས་འཛིན་བཟུང་གིས་བཙོན་འཇུག་ཁྲིམས་ཐག་བཅད་པའི་མགོན་པོ་ཚེ་ཁོ་ལགས་༢༠༡༨ ཟླ་༨ པའི་ཚེས་༡༣ ཉིན་བཙོན་གྲོལ་བྱུང་ནས་ཕ་ཡུལ་ལ་འབྱོར་ཡོད་འདུག་ལ་ད་ལྟ་དགུང་ལོ་༣༩་ཡིན་འདུག