རྒྱ་ནག་གི་རྩ་ཁྲིམས་གཞིར་བཞག་ཐོག་བོད་རྒྱའི་དཀའ་རྙོག་སེལ་ཐབས་བྱེད་བཞིན་ཡོད། སྲིད་སྐྱོང་མཆོག་གིས།

རྒྱ་ནག་གི་རྩ་ཁྲིམས་ནང་བོད་མིར་རང་དབང་དང་ཐོབ་ཐང་གི་ཆ་རྐྱེན་མང་པོ་ཞིག་ཡོད་པ་དེ་དག་དངོས་སུ་ལག་བལྟར་གནང་བ་ཡིན་ན་ང་ཚོས་དེ་རང་སྐྱོང་གི་ངོ་བོ་ཞིག་ལ་ངོས་ལེན་ཞུ་རྒྱུ་ཡིན་པ་སྲིད་སྐྱོང་མཆོག་གིས་གསུངས་འདུག

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཟླ་ ༡༠ ཚེས་ ༡༡ ཉིན། སྔ་དྲོ་སུ་ལོ་ཝེ་ཀེ་ཡ་(Slovakia)རྒྱལ་ས་(Bratislava)ནང་རྟེན་གཞི་བྱས་པའི་པན་ཡོ་རོབ་མཐོ་སློབ་ཁང་དུ་(Slovakia) འི་རིག་གཞུང་བློན་ཆེན་ཟུར་པ་དང་།དགེ་ལས་སློབ་ཕྲུག་རྣམས་ལ་ད་ལྟའི་རྒྱལ་སྤྱིའི་གནས་སྟངས་དང་། དེ་བཞིན་བོད་དང་སྲིད་སྐྱོང་མཆོག་གི་མི་ཚེའི་ལོ་རྒྱུས་སོགས་ཀྱི་སྐོར་གཏམ་བཤད་གནང་འདུག

ལྕམ་ཡ་ཝོན་ནེ་ལགས་ཀྱིས་ཚོགས་འདུ་གཙོ་སྐྱོང་གནང་བ་དང་འབྲེལ་སྲིད་སྐྱོང་མཆོག་གི་མི་ཚེའི་ལོ་རྒྱུས་སྐོར་པན་ཡོ་རོབ་མཐོ་སློབ་ཁང་གི་སློབ་ཕྲུག་རྣམས་ལ་གསུངས་འདུག