افغانستان: کابل میں خودکش حملے میں سات افراد ہلاک

افغانستان میں وسطی کابل میں شدید پہرے والے ایک سرکاری کمپاؤنڈ پر ہوئے ایک حملے میں سات افراد ہلاک ہوگئے۔ وزارت داخلہ کے ترجمان نصرت رحیمی نے بتایا کہ حملے کے دوران چار سویلین اور تین فوجی ہلاک جبکہ مزید آٹھ افراد زخمی ہوگئے۔ کسی نے بھی فوری طور پر حملے کی ذمہ داری قبول نہیں کی ہے۔ افغان اہلکاروں اور طالبان کے درمیان ہونے والی بات چیت کے ملتوی ہونے کے ایک دن بعد یہ حملہ ہوا ہے۔